ਯੈੱਸ ਪੰਜਾਬ
ਚੰਡੀਗੜ੍ਹ, 24 ਨਵੰਬਰ, 2020:
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ ਰਾਜ ਦੇ ਸਾਬਕਾ ਮੰਤਰੀ ਸ: ਨਵਜੋਤ ਸਿੰਘ ਸਿੱਧੂ ਬੁੱਧਵਾਰ ਨੂੰ ਦੁਪਹਿਰ
ਭੋਜ ’ਤੇ ਮਿਲ ਰਹੇ ਹਨ ਜਿੱਥੇ ਪ੍ਰਸ਼ਾਦੇ ਪਾਣੀ ’ਤੇ ਸੂਬਾਈ ਅਤੇ ਕੌਮੀ ਰਾਜਸੀ ਮੁੱਦਿਆਂ ’ਤੇ ਚਰਚਾ ਹੋਵੇਗੀ।
ਮੁੱਖ ਮੰਤਰੀ ਨੇ ਖ਼ੁਦ ਸ: ਸਿੱਧੂ ਨੂੰ ਬੁੱਧਵਾਰ 25 ਨਵੰਬਰ ਨੂੰ ਦੁਪਹਿਰ ਦੇ ਖ਼ਾਣੇ ’ਤੇ ਬੁਲਾਇਆ ਹੈ ਅਤੇ ਇਸ ਗੱਲ ਦੀ ਜਾਣਕਾਰੀ ਉਨ੍ਹਾਂ ਦੇ ਮੀਡੀਆ ਸਲਾਹਕਾ ਸ੍ਰੀ ਰਵੀਨ ਠੁਕਰਾਲ ਵੱਲੋਂ ‘ਫ਼ਲੈਸ਼’ ਲਿਖ਼ ਕੇ ਕੀਤੇ ਗਏ ਟਵੀਟ ਰਾਹੀਂ ਸਾਂਝੀ ਕੀਤੀ ਗਈ ਹੈ।
ਸ੍ਰੀ ਠੁਕਰਾਲ ਦੇ ਇਸ ਟਵੀਟ ਵਿੱਚ ਹੀ ਮੀਟਿੰਗ ਦੇ ਏਜੰਡੇ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਗਿਆ ਹੈ ਕਿ ਦੋਵੇਂ ਆਗੂ ਕੌਮੀ ਅਤੇ ਸੂਬਾਈ ਮੁੱਦਿਆਂ ’ਤੇ ਗੱਲਬਾਤ ਕਰਨਗੇ।
ਜ਼ਿਕਰਯੋਗ ਹੈ ਕਿ ਪੰਜਾਬ ਕਾਂਗਰਸ ਮਾਮਲਿਆਂ ਦੇ ਇੰਚਾਰਜ ਅਤੇ ਉੱਤਰਾਖ਼ੰਡ ਦੇ ਸਾਬਕਾ ਮੁੱਖ ਮੰਤਰੀ ਸ੍ਰੀ ਹਰੀਸ਼ ਰਾਵਤ ਆਪਣੀ ਪੰਜਾਬ ਇੰਚਾਰਜ ਵਜੋਂ ਤਾਇਨਾਤੀ ਤੋਂ ਬਾਅਦ ਦੋਹਾਂ ਤਲਵਾਰਾਂ ਨੂੰ ਇਕ ਮਿਆਨ ਵਿੱਚ ਪਾਉਣ ਲਈ ਯਤਨ ਕਰ ਰਹੇ ਸਨ, ਅਤੇ ਉਹ ਆਪਣੇ ਯਤਨ ਵਿੱਚ ਸਫ਼ਲ ਹੁੰਦੇ ਜਾਪਦੇ ਹਨ।
ਇਹ ਵੀ ਚਰਚਾ ਹੈ ਕਿ ਆਉਂਦੇ ਸਮੇਂ ਵਿੱਚ ਪੰਜਾਬ ਕੈਬਨਿਟ ਦੇ ਫ਼ੇਰਬਦਲ ਦੌਰਾਨ ਸ: ਸਿੱਧੂ ਦੀ ਮੰਤਰੀ ਮੰਡਲ ਵਿੱਚ ਵਾਪਸੀ ਲਈ ਰਾਹ ਤਿਆਰ ਕੀਤਾ ਜਾ ਰਿਹਾ ਹੈ।
FLASH: Punjab CM @capt_amarinder has invited Navjot Singh Sidhu for lunch tomorrow (Nov 25). He & @sherryontopp are expected to discuss state & national politics over the luncheon meeting. pic.twitter.com/ZhonhvuE9I
— Raveen Thukral (@RT_MediaAdvPbCM) November 24, 2020
