ਹੁਸਨ ਲੜੋਆ ਬੰਗਾ
ਸੈਕਰਾਮੈਂਟੋ, ਕੈਲੀਫੋਰਨੀਆ, 11 ਦਸੰਬਰ, 2024
California ਵਿਚ ਇਕ ਪਰਿਵਾਰ ਦੇ ਪਾਲਤੂ ਕੁੱਤਿਆਂ ਵੱਲੋਂ ਹਮਲਾ ਕਰਕੇ 5 ਸਾਲ ਦੀ ਬੱਚੀ ਨੂੰ ਮਾਰ ਦੇਣ ਤੇ ਇਕ ਹੋਰ ਵਿਅਕਤੀ ਨੂੰ ਜ਼ਖਮੀ ਕਰ ਦੇਣ ਦੀ ਖਬਰ ਹੈ।
Los Angeles County ਅੱਗ ਬੁਝਾਉ ਵਿਭਾਗ ਦੇ ਬੁਲਾਰੇ ਲੂਇਸ ਗਾਰਸੀਆ ਨੇ ਕਿਹਾ ਹੈ ਕਿ ਇਹ ਘਟਨਾ ਦੁਪਹਿਰ 12.05 ਵਜੇ ਕੋਵਿਨਾ ਵਿਖੇ ਵਾਪਰੀ ਜਿਥੇ ਰੋਟਵੀਲਰ ਨਸਲ ਦੇ ਦੋ ਕੁੱਤਿਆਂ ਨੇ ਘਰ ਦੇ ਪਿਛਵਾੜੇ ਵਿਚ ਖੇਡ ਰਹੀ ਬੱਚੀ ਉਪਰ ਅਚਾਨਕ ਹਮਲਾ ਕਰ ਦਿੱਤਾ। ਉਸ ਸਮੇ ਲੜਕੀ ਦਾ ਪਿਤਾ ਵੀ ਮੌਕੇ ‘ਤੇ ਹਾਜਰ ਸੀ ਜਿਸ ਨੇ ਬੱਚੀ ਨੂੰ ਬਚਾਉਣ ਦਾ ਯਤਨ ਕੀਤਾ।
Los Angeles County Sheriff ਵਿਭਾਗ ਦੇ ਲੈਫਟੀਨੈਂਟ ਸਟੀਵ ਡੀ ਜਾਂਗ ਨੇ ਘਟਨਾ ਦੀ ਪੁਸ਼ਟੀ ਕਰਦਿਆਂ ਕਿਹਾ ਹੈ ਕਿ ਲੜਕੀ ਕੁੱਤਿਆਂ ਨੇ ਨਾਲ ਹੀ ਖੇਡ ਕੇ ਵੱਡੀ ਹੋਈ ਸੀ।
ਉਨਾਂ ਕਿਹਾ ਕਿ ਕਿਸੇ ਵੱਲੋਂ ਫੋਨ ਕਰਨ ਉਪਰੰਤ 12.15 ਵਜੇ ਪੁਲਿਸ ਅਫਸਰ ਮੌਕੇ ਉਪਰ ਪੁੱਜੇ ਜਿਨਾਂ ਨੇ ਲੜਕੀ ਨੂੰ ਹਸਪਤਾਲ ਪਹੁੰਚਾਇਆ ਜਿਥੇ ਲੜਕੀ ਦਮ ਤੋੜ ਗਈ। ਉਨਾਂ ਕਿਹਾ ਕਿ ਇਹ ਬਹੁਤ ਹੀ ਦੁੱਖਦਾਈ ਘਟਨਾ ਹੈ ਤੇ ਘਟਨਾ ਉਪਰੰਤ ਲੜਕੀ ਦਾ ਪਿਤਾ ਸਦਮੇ ਵਿਚ ਹੈ। ਉਨਾਂ ਹੋਰ ਕਿਹਾ ਕਿ ਪੁਲਿਸ ਨੂੰ ਘਟਨਾ ਸਬੰਧੀ ਕਿਸੇ ਉਪਰ ਵੀ ਸ਼ੱਕ ਨਹੀਂ ਹੈ ਤੇ ਇਹ ਇਕ ਅਚਾਨਕ ਵਾਪਰੀ ਘਟਨਾ ਹੈ।
