Attack on SGPC Chief Adv Dhami’s vehicle unfortunate: Panj Piaras
ਯੈੱਸ ਪੰਜਾਬ
ਅੰਮ੍ਰਿਤਸਰ, 19 ਜਨਵਰੀ, 2023:
ਸਿੱਖ ਕੌਮ ਦੀ ਪਾਰਲੀਮੈਂਟ ਵੱਲੋਂ ਜਾਣੀ ਜਾਂਦੀ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਹਰਜਿੰਦਰ ਸਿੰਘ ਧਾਮੀ ਦੀ ਗੱਡੀ ਦੀ ਭੰਨ ਤੋੜ ਨੂੰ ਪੰਜਾ ਸਿੰਘਾਂ ਭਾਈ ਸਤਨਾਮ ਸਿੰਘ ਖੰਡਾ,ਭਾਈ ਸਤਨਾਮ ਸਿੰਘ ਝੰਝੀਆਂ,ਭਾਈ ਤਰਲੋਕ ਸਿੰਘ ਨੇ ਦੁੱਖ ਦਾਈ ਘਟਨਾ ਦੱਸਿਆ ਹੈ ਜੋ ਪੰਥ ਦੇ ਵਡੇਰੇ ਹਿਤਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਨਹੀਂ ਵਾਪਰਨੀ ਚਾਹੀਦੀ ਸੀ ।
ਉਨ੍ਹਾ ਕਿਹਾ ਵਰਤਮਾਨ ਸਮੇਂ ਵਿੱਚ ਸਿੱਖ ਸੰਸਥਾਵਾਂ ,ਜਥੇਬੰਦੀਆਂ ਅਤੇ ਸੰਮਪ੍ਰਦਾਵਾਂ ਵਿੱਚ ਸਿਧਾਂਤਿਕ ਅਤੇ ਵਿਚਾਰਾਤਕ ਵਖਰੇਵੇਂ ਹਨ।ਇਕ ਦੁਸਰੇ ਦੀ ਤਰਕ ਨਾਲ ਮੁਖ਼ਾਲਫ਼ਤ ਤਾਂ ਬਰਦਾਸ਼ ਯੋਗ ਹੋ ਸਕਦੀ ਹੈ ਪਰ ਹਮਲਾ ਕਰਕੇ ਸਹਿਮ ਦੇ ਹਾਲਾਤ ਬਨਾਉਣੇ ਕੌਮ ਲਈ ਚੰਗਾ ਨਹੀਂ।ਜਥੇਦਾਰ ਜਗਤਾਰ ਸਿੰਘ ਹਵਾਰਾ ਨੇ ਹਮੇਸ਼ਾ ਇਹ ਗੱਲ ਬਾਰ ਬਾਰ ਆਪਣੇ ਸੁਨੇਹਿਆਂ ਰਾਹੀ ਸਪਸ਼ਟ ਕੀਤੀ ਹੈ ਕਿ ਪੰਥ ਨੂੰ ਇਕ ਨਿਸ਼ਾਨ ਹੇਠ ਇਕੱਠੇ ਹੋਣਾ ਚਾਹੀਦਾ ਹੈ।
ਪੰਜਾ ਸਿੰਘਾ ਨੇ ਕਿਹਾ ਕਿ ਬੰਦੀ ਸਿੰਘਾ ਦੀ ਰਿਹਾਈ ਅਤੇ ਹੋਰ ਮੁੱਦਿਆਂ ਨੂੰ ਲੈ ਕੇ ਵਿੱਡੇ ਕੌਮੀ ਇਨਸਾਫ਼ ਮੋਰਚੇ ਨੂੰ ਅਸੀ ਅਸਰਦਾਰ ਅਤੇ ਸ਼ਕਤੀਸ਼ਾਲੀ ਬਨਾਉਣਾ ਹੈ ।ਇਸਲਈ ਮੋਰਚੇ ਦੇ ਸੰਚਾਲਨ ਨੂੰ ਜ਼ਾਬਤੇ ਵਿੱਚ ਰੱਖਣਾ ਪਵੇਗਾ ਅਤੇ ਨੌਜਵਾਨਾਂ ਨੂੰ ਦੂਰ ਅੰਦੇਸ਼ੀ ਨਾਲ ਆਪਣੀ ਭੁਮਿਕਾ ਨਿਭਾਉਣੀ ਪਵੇਗੀ।
ਪ੍ਰਧਾਨ ਧਾਮੀ ਦੇ ਪਿਛੋਕੜ ਬਾਰੇ ਗੱਲ ਕਰਦਿਆਂ ਪੰਜਾ ਸਿੰਘਾਂ ਨੇ ਕਿਹਾ ਕਿ ਉਹ ਜੂਝਾਰੂ ਸਿੰਘਾ ਦੇ ਮੁਕੱਦਮੇ ਪੰਥਕ ਜਜ਼ਬੇ ਨਾਲ ਅਦਾਲਤਾਂ ਵਿੱਚ ਲੜਦੇ ਰਹੇ ਹਨ ਅਤੇ ਉਨ੍ਹਾਂ ਦੀ ਮਦਦ ਕਰਦੇ ਰਹੇ ਹਨ।ਆਪਣੇ ਸੁਨੇਹੇ ਵਿੱਚ ਪੰਜਾ ਸਿੰਘਾ ਨੇ ਕਿਹਾ ਕਿ ਨੌਜਵਾਨ ਆਪਣੀ ਤਾਕਤ ਨੂੰ ਮੋਰਚੇ ਦੀ ਸਫਲਤਾ ਲਈ ਵਰਤਣ ਅਤੇ ਪ੍ਰਬੰਧਕਾਂ ਨੂੰ ਪੂਰਨ ਸਹਿਯੋਗ ਦੇਣ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
