ਕੁਝ ਕੁ ਸਖਤੀ ਹੈ ਕਰਨ ਸਰਕਾਰ ਲੱਗੀ,
ਭੇਜਿਆ ਜ਼ਿਲਿਆਂ ਦੇ ਤੀਕ ਸੰਦੇਸ਼ ਬੇਲੀ।
ਜਿਹੜੇ ਅਫਸਰ ਦਾ ਠੀਕ ਨਾ ਕੰਮ ਦਿੱਸੂ,
ਔਕੜ ਆਊਗੀ ਉਹਦੇ ਫਿਰ ਪੇਸ਼ ਬੇਲੀ।
ਮਰਜ਼ੀ ਨਾਲ ਬਥੇਰੀ ਆ ਮੌਜ ਕਰ ਲਈ,
ਕਿਸੇ ਦੀ ਰਹਿੰਦੀ ਨਾ ਐਸ਼ ਹਮੇਸ਼ ਬੇਲੀ।
ਖੁੱਲ੍ਹੀ ਛੱਡੀ ਰਹੇ ਵਾਗ ਜੇ ਇਸ ਤਰ੍ਹਾਂ ਹੀ,
ਸਕਿਆ ਚੱਲ ਨਹੀਂ ਕੋਈ ਵੀ ਦੇਸ਼ ਬੇਲੀ।
ਘੂਰੀ ਵੱਟਦਿਆਂ ਕੋਈ ਨਹੀਂ ਕਸਰ ਬਾਕੀ,
ਹੰਗਾਮੀ ਹਾਲਤ ਦਾ ਖੜਕਿਆ ਟੱਲ ਬੇਲੀ।
ਸੰਦੇਸ਼ਾ ਪਹੁੰਚ ਪੰਜਾਬ ਵਿੱਚ ਗਿਆ ਸਾਰਾ,
ਪਰਖਣੀ ਅਮਲ ਨੇ ਆਖਰ ਹੈ ਗੱਲ ਬੇਲੀ।
-ਤੀਸ ਮਾਰ ਖਾਂ
19 ਜੂਨ, 2024
