ਕਾਂਗਰਸ ਅੰਦਰਲੀ ਵਧੀ ਪਈ ਗੁੱਟਬੰਦੀ,
ਪਈ ਆ ਤਦੇ ਜਲੰਧਰ ਵਿੱਚ ਮਾਰ ਬੇਲੀ।
ਵੱਡੀ ਜਿੱਤ ਦਾ ਕੀਤਾ ਸੀ ਬਹੁਤ ਦਾਅਵਾ,
ਨਤੀਜਾ ਨਿਕਲੇ ਤੋਂ ਹੋਈ ਆ ਹਾਰ ਬੇਲੀ।
ਆਪੋ ਵਿੱਚ ਨਹੀਂ ਬਣਦੀ ਹੈ ਲੀਡਰਾਂ ਦੀ,
ਪਾਰਟੀ ਅੰਦਰ ਹੈ ਬਹੁਤ ਨਿਘਾਰ ਬੇਲੀ।
ਪਾਰਟੀ ਨਾਲ ਨਾ ਜੁੜੇ ਆ ਨਵਾਂ ਵਰਕਰ,
ਪਹਿਲੀ ਨਿੱਖੜਦੀ ਜਾਂਦੀ ਆ ਡਾਰ ਬੇਲੀ।
ਇਹੀਓ ਹਾਲਤ ਜੇ ਰਹੂ ਇਸ ਪਾਰਟੀ ਦੀ,
ਦਿਨੋ-ਦਿਨ ਵੱਲ ਨੀਵਾਣਾਂ ਦੇ ਜਾਊ ਬੇਲੀ।
ਖੁੱਸਿਆ ਸਮਾਂ ਫਿਰ ਹੱਥ ਨਾ ਆਊ ਬੇਲੀ,
ਹਰ ਕੋਈ ਬੈਠ ਕੇ ਆਗੂ ਪਛਤਾਊ ਬੇਲੀ।
ਤੀਸ ਮਾਰ ਖਾਂ
15 ਜੁਲਾਈ, 2024
