ਯੈੱਸ ਪੰਜਾਬ
ਰਾਜਪੁਰਾ 24 ਜੂਨ, 2021:
ਸਿੱਖਿਆ ਵਿਭਾਗ ਦੇ ਸਰਕਾਰੀ ਸਕੂਲਾਂ ਦੇ ਵਿਦਿਆਰਥੀਆਂ ਦੀ ਗੁਣਤਾਮਿਕ ਪ੍ਰਤਿਭਾ ਨੂੰ ਪੇਸ਼ ਕਰਦਾ ਅਤੇ ਸਰਕਾਰੀ ਸਕੂਲਾਂ ਦੀ ਬਦਲੀ ਨੁਹਾਰ ਨੂੰ ਦਰਸਾਉਂਦਾ ਐਕਟੀਵਿਟੀਜ਼ ਸਕੂਲ ਐਜੂਕੇਸ਼ ਪੰਜਾਬ ਫੇਸਬੁੱਕ ਪੇਜ਼ ਰਾਜਪੁਰਾ ਦੇ ਵਿਧਾਇਕ ਹਰਦਿਆਲ ਸਿੰਘ ਕੰਬੋਜ ਨੇ ਵਿਸ਼ੇਸ਼ ਮੁਹਿੰਮ ਤਹਿਤ ਲਾਈਕ ਕੀਤਾ।
ਉਹਨਾਂ ਕਿਹਾ ਕਿ ਸਕੱਤਰ ਸਕੂਲ ਸਿੱਖਿਆ ਸ੍ਰੀ ਕ੍ਰਿਸ਼ਨ ਕੁਮਾਰ ਉਹਨਾਂ ਨੂੰ ਰੋਜ਼ਾਨਾ ਸਰਕਾਰੀ ਸਕੂਲਾਂ ਦੀਆਂ ਐਕਟੀਵਿਟੀਜ਼ ਇਸ ਪੇਜ਼ ਰਾਹੀ ਭੇਜਦੇ ਰਹਿੰਦੇ ਹਨ।
ਪਰ ਅੱਜ ਜ਼ਿਲ੍ਹਾ ਪਟਿਆਲਾ ਦੀ ਵਿਸ਼ੇਸ਼ ਮੁਹਿੰਮ ਦੌਰਾਨ ਵਿਭਾਗ ਦੇ ਮੀਡੀਆ ਪਰਸਨ ਰਾਜਿੰਦਰ ਸਿੰਘ ਚਾਨੀ ਅਤੇ ਬਲਾਕ ਨੋਡਲ ਅਫ਼ਸਰ ਜਗਮੀਤ ਸਿੰਘ ਨੇ ਵਿਸ਼ੇਸ਼ ਜਾਣਕਾਰੀ ਦੇ ਕੇ ਇਸ ਪੇਜ਼ ਨੂੰ ਲਾਈਕ ਕਰਵਾਇਆ ਹੈ। ਉਹਨਾਂ ਕਿਹਾ ਕਿ ਉਹਨਾਂ ਆਪਣੀ ਸਮੂਹ ਰਾਜਪੁਰਾ ਦੀ ਟੀਮ ਨੂੰ ਵੀ ਸਿੱਖਿਆ ਵਿਭਾਗ ਦੇ ਐਕਟੀਵਿਟੀਜ਼ ਸਕੂਲ ਐਜੂਕੇਸ਼ਨ ਪੰਜਾਬ ਦੇ ਪੇਜ਼ ਨੂੰ ਲਾਈਕ ਕਰਨ ਲਈ ਕਿਹਾ।
ਉਹਨਾਂ ਦੇ ਨਾਲ ਰਾਜਪੁਰਾ ਦੇ ਨਗਰ ਕੌਂਸਲ ਦੇ ਪ੍ਰਧਾਨ ਨਰਿੰਦਰ ਸ਼ਾਸ਼ਤਰੀ, ਇੰਪਰੂਵਮੈਂਟ ਟਰਸਟ ਰਾਜਪੁਰਾ ਦੇ ਚੇਅਰਮੈਨ ਭੁਪਿੰਦਰ ਸੈਣੀ, ਅਨਿਲ ਟਨੀ, ਲਲਿਤ ਡਾਹਰਾ, ਲਖਵਿੰਦਰ ਸਿੰਘ ਲੱਖੀ ਪੁਰਾਣਾ ਰਾਜਪੁਰਾ, ਕੇਸ਼ਵ ਵਰਮਾ, ਗੁਰਦੀਪ ਦੀਪਾ, ਜਤਿੰਦਰ ਜੀਤੂ ਨੇ ਵੀ ਮੌਕੇ ‘ਤੇ ਹੀ ਪੇਜ਼ ਨੂੰ ਲਾਈਕ ਕੀਤਾ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ