- Advertisement -
ਅੱਜ-ਨਾਮਾ
ਸੂਚੀ ਕਾਂਗਰਸ ਦੀ ਆਈ ਤੇ ਕਹਿਣ ਲੋਕੀਂ,
ਨਾਂਅ ਫਲਾਣੇ ਦਾ ਏਸ ਤੋਂ ਰਹਿ ਗਿਆ ਈ।
ਖੋਹ ਲਈ ਸੀਟ ਫਲਾਣੇ ਦੀ ਕਿਸੇ ਤਕੜੇ,
ਵੱਜੀ ਸੱਟ ਫਲਾਣਾ ਬੱਸ ਸਹਿ ਗਿਆ ਈ।
ਖੁੱਸੀ ਸੀਟ ਲਈ ਮਿਲੂ ਕੋਈ ਚੇਅਰਮੈਨੀ,
ਜਾਣ ਵੇਲੇ ਕੋਈ ਆਖਦੇ ਕਹਿ ਗਿਆ ਈ।
ਮਿਲਦੀ ਸੀਟ ਫਲਾਣੇ ਦੀ ਖੁੱਸ ਗਈ ਆ,
ਜੜ੍ਹੀਂ ਸੁਣੀਦਾ ਹੈ ਕੋਈ ਬਹਿ ਗਿਆ ਈ।
ਪੈਂਦਾ ਸੀਟ-ਸਿਆਪਾ ਹੈ ਜਿਸ ਤਰ੍ਹਾਂ ਦਾ,
ਇਸ ਦੇ ਨਾਲ ਖਿਲਾਰਾ ਜਿਹਾ ਪੈ ਸਕਦੈ।
ਜਿੰਨੀ ਸੀਟਾਂ ਤੋਂ ਰੁੱਸ ਇਹ ਧਾੜ ਜਾਣੀ,
ਉਹਦਾ ਲਾਭ ਅਮਰਿੰਦਰ ਵੀ ਲੈ ਸਕਦੈ।
-ਤੀਸ ਮਾਰ ਖਾਂ
ਜਨਵਰੀ 16, 2022
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -