- Advertisement -
ਅੱਜ-ਨਾਮਾ
ਸੁਣਿਆ ਰੱਫੜ ਕੁਝ ਸੰਘ ਤੇ ਭਾਜਪਾ ਦਾ,
ਵਧ ਗਿਆ ਦੋਵਾਂ ਦੇ ਵਿੱਚ ਖਿਚਾਅ ਬੇਲੀ।
ਦੋਵੇਂ ਧਿਰਾਂ ਖੁਦ ਚੌਧਰ ਦੀ ਚਾਹ ਰੱਖਣ,
ਪਾਸਿਆਂ ਦੋਵਾਂ ਦਾ ਪਿਆ ਦਬਾਅ ਬੇਲੀ।
ਜਿਹੜੇ ਲੀਡਰ ਨੇ ਪਾਗਲ ਸੀ ਲੋਕ ਕੀਤੇ,
ਘਟਿਆ ਲੋਕਾਂ ਦਾ ਓਥੋਂ ਕੁਝ ਚਾਅ ਬੇਲੀ।
ਜਿਹੜੇ ਸੇਵਕ ਸਨ ਸੰਘ ਦੇ ਗਿਣੇ ਜਾਂਦੇ,
ਵਧਣ ਲੱਗਾ ਫਿਰ ਉਨ੍ਹਾਂ ਦਾ ਭਾਅ ਬੇਲੀ।
ਦਿੱਤਾ ਸੰਘ ਪਰਵਾਰ ਨੇ ਦਖਲ ਤਕੜਾ,
ਲੱਭਿਆ ਅਜੇ ਨਾ ਕੋਈ ਵੀ ਹੱਲ ਬੇਲੀ।
ਜੀਹਦੀ ਚੌਧਰ ਦੇ ਖੜਕਦੇ ਢੋਲ ਸੀਗੇ,
ਖੁਰਦੀ ਜਾਪਦੀ ਉਹਦੀ ਹੈ ਭੱਲ ਬੇਲੀ।
-ਤੀਸ ਮਾਰ ਖਾਂ
ਜੂਨ 09, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -