- Advertisement -
ਅੱਜ-ਨਾਮਾ
ਸੁਣਿਆ ਈ ਹੋਣਾ ਪੰਜਾਬ ਵਿੱਚ ਖੇਡ ਮੇਲਾ,
ਕਰਾਵਣ ਲੱਗੀ ਹੈ ਪੰਜਾਬ ਸਰਕਾਰ ਮੀਆਂ।
ਪਹਿਲਿਆਂ ਮੇਲਿਆਂ ਤੋਂ ਵੱਖਰਾ ਹੋਊ ਮੇਲਾ,
ਹੋਊ ਖਿਡਾਰੀਆਂ ਦੀ ਬੜੀ ਭਰਮਾਰ ਮੀਆਂ।
ਖਿਡਾਰੀ ਆਉਣਗੇ ਸਾਰੇ ਇਸ ਰਾਜ ਵਿੱਚੋਂ,
ਜਾਣਾ ਦਿੱਤਾ ਬਈ ਮਾਣ-ਸਤਿਕਾਰ ਮੀਆਂ।
ਪਹਿਲਾਂ ਮਾਰੀਆਂ ਮੱਲਾਂ ਬਈ ਜਿਹੜਿਆਂ ਨੇ,
ਸੱਦਣਾ ਬਜ਼ੁਰਗੀ ਦਾ ਪੂਰਾ ਪਰਵਾਰ ਮੀਆਂ।
ਇੱਕੋ ਈ ਗੱਲ ਦਾ ਫਿਕਰ ਆ ਸਾਰਿਆਂ ਨੂੰ,
ਕਾਲਾ ਲੱਗੇ ਨਹੀਂ ਕਿਤੇ ਕੋਈ ਦਾਗ ਮੀਆਂ।
ਭ੍ਰਿਸ਼ਟਾਚਾਰ ਪਿਆ ਫੈਲਿਆ ਚਹੁੰ ਤਰਫੀਂ,
ਬਚ ਜਾਏ ਪਹੁੰਚਣੋਂ ਓਸ ਦੀ ਲਾਗ ਮੀਆਂ।
-ਤੀਸ ਮਾਰ ਖਾਂ
ਅਗਸਤ 11, 2022 –
ਯੈੱਸ ਪੰਜਾਬ ਦੀਆਂ ਪੰਜਾਬੀ ਖ਼ਬਰਾਂ ਲਈ ਇੱਥੇ ਕਲਿੱਕ ਕਰਕੇ ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰੋ
- Advertisement -