ਯੈੱਸ ਪੰਜਾਬ
ਜਲੰਧਰ, 17 ਜਨਵਰੀ, 2022 –
ਸੀਟੀ ਗਰੁੱਪ ਨੇ ਐਮਚਿਉਰ ਬਾਡੀ ਬਿਲਡਿੰਗ ਐਸੋਸ਼ੀਏਸ਼ਨ ਵੱਲੋਂ ਸੀਟੀ ਗੁਰੱਪ ਆਫ਼ ਇੰਸਟੀਚਿਊਸ਼ਨਜ਼ ਸ਼ਾਉਥ ਕੈਂਪਸ ਸ਼ਾਹਪੁਰ ਦੇ ਸਰਦਾਰਨੀ ਮਨਜੀਤ ਕੌਰ ਆਡੀਟੋਰੀਅਮ ਵਿੱਚ ਕਰਵਾਈ ਸੀਨੀਅਰ ਮਿਸਟਰ ਪੰਜਾਬ, ਮਿਸਟਰ ਜਲੰਧਰ ਬਾਡੀ ਬਿਲਡਿੰਗ ਐਂਡ ਓਪਨ ਵੂਮੈਨ ਫਿਜ਼ਿਕ ਚੈਂਪੀਅਨਸ਼ਿਪ ਦੀ ਮੇਜ਼ਬਾਨੀ ਕੀਤੀ।
ਪੰਜਾਬ ਦੇ ਨੌਜਵਾਨਾਂ ਵਿੱਚ ਸਿਹਤ ਅਤੇ ਤੰਦਰੁਸਤੀ ਨੂੰ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ ਇਹ ਪ੍ਰਤਿਯੋਗਿਤਾ ਕਰਵਾਈ ਗਈ। ਇਸ ਵਿੱਚ ਪੰਜਾਬ ਤੋਂ ਲੱਗਭਗ 170 ਪ੍ਰਤਿਭਾਗਿਆਂ ਨੇ ਭਾਗ ਲਿਆ। ਇਜ ਪ੍ਰਤਿਯੋਗਿਤਾ ਨੂੰ ਇਸ ਵਿੱਚ ਵੱਖ-ਵੱਖ ਭਾਰ ਵਰਗ ’ਚ ਵੰਡੇ ਗਏ, ਇਸ ਵਿੱਚ ਮਿਸਟਰ ਪੰਜਾਬ ਵਿੱਚ ਅੰਡਰ 55 ਕਿਲੋ, ਅੰਡਰ 60 ਅਤੇ 80 ਤੋਂ ਅੰਡਰ ਵੱਖ-ਵੱਖ ਭਾਗਾਂ ਵਿੱਚ ਵੰਡਿਆ ਗਿਆ ਸੀ। ਇਸੇ ਤਰ੍ਹਾਂ ਹੀ ਸਿਮਟਰ ਜਲੰਧਰ ਵਿੱਚ ਅੰਡਰ 60 ਕਿਲੋ, ਅੰਡਰ 75 ਅਤੇ 80 ਅਬਵ ਆਦਿ ਵੱਖ-ਵੱਖ ਭਾਗਾਂ ਵਿੱਚ ਵੰਡਿਆ ਗਿਆ ਸੀ।
ਇਸ ਦੌਰਾਨ ਪੰਜਾਬ ਦੇ ਕੈਬਿਨੇਟ ਮੰਤਰੀ ਪਦਮ ਸ਼੍ਰੀ ਪਰਗਟ ਸਿੰਘ ਮੁੱਖ ਮਹਿਮਾਨ ਵੱਜੋਂ ਸ਼ਾਮਿਲ ਹੋਏ। ਇਸ ਦੌਰਾਨ ਵਰਲਡ ਬਾਡੀ ਬਿਲਡਿੰਗ ਚੈਂਪੀਅਨ ਪ੍ਰੇਮ ਚੰਦ ਡੇਗਰਾ, ਸੀਟੀ ਗਰੁੱਪ ਦੇ ਵਾਇਸ ਚੇਅਰਮੈਨ ਹਰਪ੍ਰੀਤ ਸਿੰਘ, ਨੋਵਾ ਫਿਟਨੈਸ ਗਰੁੱਪ ਦੇ ਮਾਲਤ ਸੁਮਿਤ ਸ਼ਰਮਾ, ਐਚਆਰ ਇੰਡਸਟਰੀਜ਼ ਦੇ ਰਿਸ਼ੀ ਰਾਜ ਅਤੇ ਕ੍ਰਿਸ ਗੇਟਿਨ ਜਿਮ ਮੌਜੂਦ ਸਨ।
ਇਸ ਮੁਕਾਬਲੇ ਵਿੱਚ ਮਿਸਟਰ ਪੰਜਾਬ ਦੀ ਅਬਵ 90 ਕਿਲੋ ਭਾਰ ਵਿੱਚ ਅੰਮ੍ਰਿਤਸਰ ਦੇ ਸੁਖਦੀਪ ਸਿੰਘ ਨੇ ਪਹਿਲਾ ਸਥਾਨ ਹਾਸਿਲ ਕੀਤਾ। ਮਿਸਟਰ ਪੰਜਾਬ ਅੰਡਰ 65 ਕਿਲੋ ਭਾਰ ਵਿੱਚ ਪਰਦੀਪ ਵਰਮਾ ਨੇ ਦੂਜਾ ਸਥਾਨ ਹਾਸਿਲ ਕੀਤਾ। ਮਿਸਟਰ ਪੰਜਾਬ ਅਬਵ 90 ਕਿਲੋ ਭਾਰ ਉਜੈਨ ਸਿੰਘ ਨੇ ਆਪਣੇ ਨਾਮ ਕੀਤਾ।
ਸੀਟੀ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਦੇ ਵਾਇਸ ਚੇਅਰਮੈਨ ਹਰਪ੍ਰੀਤ ਸਿੰਘ ਨੇ ਜੇਤੂਆਂ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਬਾਡੀ ਬਿਲਿਡਿੰਗ ਕਿਸੇ ਦੀ ਸਿਹਤ ਲਈ ਬਹੁਤ ਜ਼ਰੂਰੀ ਹੈ। ਇਸ ਫਿਟਨੈਸ ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਲੈਣ ਲਈ ਕਈ ਔਰਤਾਂ ਵੀ ਅੱਗੇ ਆਈਆਂ। ਕੋਵਿਡ-19 ਦੇ ਸਮੇਂ ਵਿੱਚ ਲੋਕ ਆਪਣੀ ਤੰਦਰੁਸਤੀ ਤੇ ਜ਼ਿਆਦਾ ਧਿਆਨ ਦੇ ਰਹੇ ਸਨ ਜੋ ਅੱਜ ਦੇ ਸਮੇਂ ਵਿੱਤ ਬਹੁਤ ਜ਼ਰੂਰੀ ਹੈ।
ਜਲੰਧਰ ਐਮੇਚਿਓਰ ਬਾਡੀ ਬਿਲਡਿੰਗ ਐਸੋਸੀਏਸ਼ਨ ਦੇ ਜਨਰਲ ਸਕੱਤਰ ਪਰਵੀਨ ਕੁਮਾਰ ਨੇ ਇਸ ਈਵੈਂਟ ਨੂੰ ਸ਼ਾਨਦਾਰ ਬਣਾਉਣ ਲਈ ਸਾਰੇ ਪ੍ਰਤੀਭਾਗੀਆਂ ਅਤੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਵਾਅਦਾ ਕੀਤਾ ਕੀ ਹਰ ਸਾਲ ਉਹ ਅਜਿਹੇ ਫਿਟਨੈਸ ਈਵੈਂਟ ਕਰਵਾਉਂਦੇ ਰਹਿਣਗੇ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ