ਯੈੱਸ ਪੰਜਾਬ
ਜਲੰਧਰ, ਅਗਸਤ 6, 2022 –
ਮਿਆਰੀ ਸਿੱਖਿਆ ਪ੍ਰਦਾਨ ਕਰਨ ਦੇ 25 ਸਾਲਾਂ (ਸਿਲਵਰ ਜੁਬਲੀ) ਦਾ ਜਸ਼ਨ ਮਨਾਉਂਦੇ ਹੋਏ ਸੀਟੀ ਗਰੁੱਪ ਆਫ਼ ਇੰਸਟੀਚਿਊਸ਼ਨਜ਼ ਨੇ ਆਪਣੇ ਸਾਊਥ ਕੈਂਪਸ, ਸ਼ਾਹਪੁਰ ਵਿਖੇ ਦ ਐਕਸੀਲੈਂਸ ਅਵਾਰਡਸ ਦਾ ਆਯੋਜਨ ਕੀਤਾ। ਇਸ ਸਮਾਗਮ ਵਿੱਚ ਸੀਟੀ ਗਰੁੱਪ ਦੇ ਚੇਅਰਮੈਨ ਚਰਨਜੀਤ ਸਿੰਘ ਚੰਨੀ, ਕੋ-ਚੇਅਰਪਰਸਨ ਪਰਮਿੰਦਰ ਕੌਰ ਚੰਨੀ, ਮੈਨੇਜਿੰਗ ਡਾਇਰੈਕਟਰ ਡਾ: ਮਨਬੀਰ ਸਿੰਘ, ਤਾਨਿਕਾ ਸਿੰਘ, ਵਾਈਸ ਚੇਅਰਮੈਨ ਹਰਪ੍ਰੀਤ ਸਿੰਘ ਦੀ ਮੌਜੂਦਗੀ ਵਿੱਚ ਵੱਖ-ਵੱਖ ਖੇਤਰਾਂ ਦੀਆਂ 25 ਨਾਮਵਰ ਸ਼ਖ਼ਸੀਅਤਾਂ ਨੂੰ ਮੁੱਖ ਮਹਿਮਾਨ ਕਾਮੇਡੀਅਨ ਕਮ ਐਕਟਰ ਗੁਰਪ੍ਰੀਤ ਘੁੱਗੀ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਦੌਰਾਨ ਮੁੱਖ ਮਹਿਮਾਨ ਦਿੱਲੀ ਸਰਕਾਰ ਦੇ ਕਲਾ, ਸੱਭਿਆਚਾਰ ਅਤੇ ਭਾਸ਼ਾਵਾਂ ਦੇ ਸਲਾਹਕਾਰ ਦੀਪਕ ਬਾਲੀ, ਵਿਧਾਇਕ ਨਕੋਦਰ ਇੰਦਰਜੀਤ ਕੌਰ ਮਾਨ ਅਤੇ ਪ੍ਭ ਗਰੇਵਾਲ ਮੌਜੂਦ ਸਨ।
ਸਮਾਗਮ ਦੀ ਸ਼ੁਰੂਆਤ ਸ਼ਮ੍ਹਾ ਰੌਸ਼ਨ ਕਰਕੇ ਕੀਤੀ ਗਈ ਜਿਸ ਤੋਂ ਬਾਅਦ ਸੀਟੀ ਮਿਊਜ਼ੀਕਲ ਸੋਸਾਇਟੀ ਦੇ ਵਿਦਿਆਰਥੀਆਂ ਵੱਲੋਂ ਸੰਗੀਤਕ ਪੇਸ਼ਕਾਰੀ ਕੀਤੀ ਗਈ। ਖ਼ਿਤਾਬਾਂ ਦੇ ਨਾਲ ਪੁਰਸਕਾਰ ਪ੍ਰਾਪਤ ਕਰਨ ਵਾਲਿਆਂ ਦੇ ਨਾਮਾਂ ਵਿੱਚ ਪੀਸੀਐਸ ਪੰਕਜ ਬਾਂਸਲ ਸ਼ਾਨਦਾਰ ਪ੍ਰਸ਼ਾਸਕ ਵਜੋਂ ਸ਼ਾਮਲ ਹਨ, ਪਵਨ ਕੁਮਾਰ ਅਤੇ ਅਰੁਣਾ ਅਰੋੜਾ ਸਰਵੋਤਮ ਕੌਂਸਲਰ (ਪੁਰਸ਼ ਅਤੇ ਔਰਤ), ਰੋਹਨ ਸਹਿਗਲ ਪ੍ਰੋ ਐਕਟਿਵ ਕੌਂਸਲਰ ਵਜੋਂ,ਐਸ.ਆਈ ਪਰਮਿੰਦਰ ਸਿੰਘ ਅਤੇ ਇੰਸਪੈਕਟਰ ਸੁਰਜੀਤ ਸਿੰਘ ਬਤੌਰ ਬਹਾਦਰ, ਐਨ.ਐਚ. ਐਸ ਹਸਪਤਾਲ ਚੋਟੀ ਦੇ ਵਿਕਲਪ ਹਸਪਤਾਲ ਵਜੋਂ, ਡਾ. ਐੱਸ.ਪੀ.ਐੱਸ. ਗਰੋਵਰ ਸਭ ਤੋਂ ਪਿਆਰੇ ਡਾਕਟਰ ਵਜੋਂ, ਆਈਟੀਸੀ ਫਾਰਚਿਊਨ ਚੋਟੀ ਦੇ ਚੁਆਇਸ ਹੋਟਲ ਵਜੋਂ ਅਤੇ ਯਮੀ ਡਲਿਸਿਅਸ ਨੂੰ ਸਭ ਤੋਂ ਵਧੀਆ ਹੈਂਗ-ਆਊਟ ਸਥਾਨ ਵਜੋਂ ਸਨਮਾਨਿਤ ਕੀਤਾ ਗਿਆ।
ਇਨ੍ਹਾਂ ਤੋਂ ਬਾਅਦ ਅਭਿਨੇਤਾ ਗੌਰਵ ਕੱਕੜ ਨੂੰ ਪ੍ਰੋਮਿਸਿੰਗ ਐਕਟਰ ਵਜੋਂ, ਰਾਸ਼ਟਰੀ ਭੰਗੜਾ ਕਲਾਕਾਰ ਕੁਲਰਾਜ ਬਤੌਰ ਰਾਈਜ਼ਿੰਗ ਸਟਾਰ, ਬਾਲੀਵੁੱਡ ਗਾਇਕਾ ਜੋਤਿਕਾ ਤਾਂਗੜੀ ਬਤੌਰ ਸੁਰੀਲੀ ਗਾਇਕਾ, ਨੀਤੀਰਾਜ ਸ਼ੇਰਗਿੱਲ ਇੱਕ ਉੱਘੇ ਭੰਗੜਾ ਕਲਾਕਾਰ ਵਜੋਂ, ਏਸੀਪੀ ਖੁਸ਼ਬੀਰ ਕੌਰ ਪੰਜਾਬ ਦੀ ਸ਼ਾਨ ਵਜੋਂ, ਅਥਲੀਟ ਗੁਰਿੰਦਰਵੀਰ ਸਿੰਘ ਭਾਰਤ ਦੇ ਸਭ ਤੋਂ ਤੇਜ਼ ਲੜਕੇ ਵਜੋਂ; ਮੀਧਾਂਸ਼ ਗੁਪਤਾ ਮੋਸਟ ਇਨੋਵੇਟਿਵ ਚੈਂਪੀਅਨ ਵਜੋਂ, ਸਭ ਤੋਂ ਦਲੇਰ ਪੱਤਰਕਾਰ ਲਈ ਰਚਨਾ ਖਹਿਰਾ, ਮਯੰਕ ਫਾਊਂਡੇਸ਼ਨ ਲਿਵਿੰਗ ਐਵਰ ਇਨ ਹਾਰਟਸ, ਸਵਰਗੀ ਪ੍ਰੋ: ਲਖਬੀਰ ਸਿੰਘ (ਪਹਿਲ) ਸਦਾ ਲਈ ਦਿਲਾਂ ਵਿਚ ਸੇਵਾ ਵਜੋਂ, ਯੂਥ ਵਾਇਸ ਫਾਊਂਡੇਸ਼ਨ ਯੰਗ ਸਮਰਟੀਅਨ ਅਵਾਰਡ ਵਜੋਂ; ਐਲਜੀਬੀਟੀ ਐਕਟੀਵਿਸਟ ਅਕਾਸ਼ ਅਗਰਵਾਲ ਨੂੰ ਪ੍ਰਾਈਡ ਐਂਡ ਐਡਵੋਕੇਸੀ ਅਵਾਰਡ ਅਤੇ ਅਸ਼ੋਕ ਕੁਮਾਰ ਨੂੰ ਸੀਟੀ ਦੇ ਪ੍ਰਾਉਡ ਮੈਂਬਰ ਵਜੋਂ ਸਨਮਾਨਿਤ ਕੀਤਾ ਗਿਆ। ਲਾਈਫਟਾਈਮ ਅਚੀਵਮੈਂਟ ਅਵਾਰਡ ਪ੍ਰਸਿੱਧ ਗਾਇਨੀਕੋਲੋਜਿਸਟ ਡਾ: ਸੁਸ਼ਮਾ ਚਾਵਲਾ ਨੂੰ ਦਿੱਤਾ ਗਿਆ |
ਮੁੱਖ ਮਹਿਮਾਨ ਗੁਰਪ੍ਰੀਤ ਘੁੱਗੀ ਨੇ ਕਿਹਾ, “ਮੈਂ ਅਜਿਹੀਆਂ ਮਿਹਨਤੀ ਅਤੇ ਪ੍ਰਤਿਭਾਸ਼ਾਲੀ ਸ਼ਖਸੀਅਤਾਂ ਦੀ ਮੌਜੂਦਗੀ ਵਿੱਚ ਇਸ ਸ਼ਾਨਦਾਰ ਸਮਾਗਮ ਦਾ ਹਿੱਸਾ ਬਣ ਕੇ ਆਪਣੇ ਆਪ ਨੂੰ ਖੁਸ਼ਕਿਸਮਤ ਮਹਿਸੂਸ ਕਰ ਰਿਹਾ ਹਾਂ। ਉਹ ਸਾਰੇ ਇਸ ਸਨਮਾਨ ਦੇ ਹੱਕਦਾਰ ਹਨ ਅਤੇ ਮੈਂ ਸੀਟੀ ਗਰੁੱਪ ਨੂੰ ਇਸ ਨੇਕ ਤਰੀਕੇ ਨਾਲ ਆਪਣੀ ਸਿਲਵਰ ਜੁਬਲੀ ਮਨਾਉਣ ਲਈ ਵਧਾਈ ਦਿੰਦਾ ਹਾਂ।” ਇਸ ਦੇ ਨਾਲ ਹੀ ਸੋਨੂੰ ਸੂਦ, , ਰੋਸ਼ਨ ਪਿ੍ਨਸ ਨੇ ਸੀਟੀ ਗਰੁੱਪ ਨੂੰ ਵੀਡੀਓ ਰਾਹੀਂ ਵਧਾਦੀ ਦਿੱਤੀ|
ਸੀਟੀ ਗਰੁੱਪ ਦੇ ਚੇਅਰਮੈਨ ਚਰਨਜੀਤ ਐਸ ਚੰਨੀ ਨੇ ਕਿਹਾ, “ਇਨ੍ਹਾਂ ਪੁਰਸਕਾਰ ਜੇਤੂਆਂ ਨੂੰ ਡਿਪਟੀ ਕਮਿਸ਼ਨਰ, ਪੁਲਿਸ ਕਮਿਸ਼ਨਰ, 91.9 ਐਫਐਮ ਰੇਡੀਓ ਸਿਟੀ ਅਤੇ ਸੀਟੀ ਗਰੁੱਪ ਦੇ ਸਹਿਯੋਗ ਨਾਲ ਨਾਮਜ਼ਦ ਅਤੇ ਅੰਤਿਮ ਰੂਪ ਦਿੱਤਾ ਗਿਆ ਸੀ। ਮੈਂ ਇਨ੍ਹਾਂ ਉੱਤਮਤਾ ਪੁਰਸਕਾਰਾਂ ਨੂੰ ਪ੍ਰਾਪਤ ਕਰਨ ‘ਤੇ ਸਾਰੇ ਪੁਰਸਕਾਰ ਜੇਤੂਆਂ ਨੂੰ ਵਧਾਈ ਦਿੰਦਾ ਹਾਂ ਅਤੇ ਉਨ੍ਹਾਂ ਦੇ ਭਵਿੱਖ ਦੇ ਯਤਨਾਂ ਲਈ ਸ਼ੁੱਭਕਾਮਨਾਵਾਂ ਦਿੰਦਾ ਹਾਂ ਅਤੇ ਮੈਂ ਇਸ ਸਮਾਰੋਹ ਨੂੰ ਸਫਲ ਬਣਾਉਣ ਲਈ ਸਾਰੇ ਸਹਿਯੋਗ ਅਤੇ ਪ੍ਰਬੰਧਕਾਂ ਦਾ ਧੰਨਵਾਦ ਕਰਦਾ ਹਾਂ।
ਇਸ ਮੌਕੇ ਸੀਟੀ ਗਰੁੱਪ ਸ਼ਾਹਪੁਰ ਕੈਂਪਸ ਡਾਇਰੈਕਟਰ (ਕਾਰਜਕਾਰੀ) ਡਾ. ਅਨੁਪਮ ਸ਼ਰਮਾ, ਮਕਸੂਦਾਂ ਕੈਂਪਸ ਡਾਇਰੈਕਟਰ ਡਾ. ਯੋਗੇਸ਼ ਛਾਬੜਾ, ਡਾ. ਜਸਦੀਪ ਕੌਰ ਧਾਮੀ, ਅਦਾਕਾਰ ਬਲਰਾਜ ਖਹਿਰਾ, ਰੇਡਿਓ ਸੀਟੀ ਤੋਂ ਆਰਜੇ ਹਿਮਾਂਸੂ, ਆਰਜੇ ਲਵਿਨਾ, ਆਰਜੇ ਕਰਨ,ਆਰਜੇ ਇਮਰਾਨ ਆਦਿ ਤੋਂ ਇਲਾਵਾ ਵਿਦਿਆਰਥੀ ਹਾਜ਼ਰ ਸਨ ਅਤੇ ਸੀਟੀ ਗਰੁੱਪ ਦੇ ਸਟਾਫ਼ ਮੈਂਬਰ ਮੌਜੂਦ ਸਨ।
ਯੈੱਸ ਪੰਜਾਬ ਦੀਆਂ ਪੰਜਾਬੀ ਖ਼ਬਰਾਂ ਲਈ ਇੱਥੇ ਕਲਿੱਕ ਕਰਕੇ ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰੋ
