ਚੰਡੀਗੜ੍ਹ, 04 ਮਈ, 2020 –
ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਵੱਲੋਂ ਏ. ਕੇ.- 47 ਰਾਈਫਲ ਨਾਲ ਕੀਤੇ ਜਾ ਰਹੇ ਫਾਇਰ ਤੇ ਉਸ ਦਾ ਸਾਥ ਦੇ ਰਹੇ ਪੰਜਾਬ ਪੁਲਿਸ ਦੇ ਮੁਲਾਜ਼ਮਾਂ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਕਰਕੇ ਇਸ ਵਿਵਾਦਤ ਗਾਇਕ ਨੂੰ ਪੰਜਾਬ ਪੁਲਿਸ ਵੱਲੋਂ ਦਿੱਤੀ ਜਾ ਰਹੀ ਛਤਰ ਛਾਇਆ ਇੱਕ ਵਾਰੀ ਫਿਰ ਚਰਚਾ ਵਿੱਚ ਆ ਗਈ ਹੈ । ਪੰਜਾਬ ਦੇ ਸੋਸ਼ਲ ਐਕਟਿਵਿਸਟਾਂ ਐਡਵੋਕੇਟ ਹਾਕਮ ਸਿੰਘ ਚੰਡੀਗੜ੍ਹ, ਪਰਵਿੰਦਰ ਸਿੰਘ ਕਿੱਤਣਾ ਨਵਾਂਸ਼ਹਿਰ ਤੇ ਕੁਲਦੀਪ ਸਿੰਘ ਖਹਿਰਾ ਲੁਧਿਆਣਾ ਨੇ ਇਸ ਮਾਮਲੇ ਵਿੱਚ ਐਫਆਈਆਰ ਦਰਜ ਕਰਕੇ ਜਾਂਚ ਦੀ ਮੰਗ ਕੀਤੀ ਹੈ ।
ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਸਕੱਤਰ ਗ੍ਰਹਿ ਤੇ ਨਿਆਂ ਵਿਭਾਗ ਤੇ ਡੀ.ਜੀ.ਪੀ. ਪੰਜਾਬ ਪੁਲਸ ਨੂੰ ਭੇਜੇ ਗਏ ਪੱਤਰ ਵਿੱਚ ਲਿਖਿਆ ਹੈ ਕਿ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿੱਚ ਸਿੱਧੂ ਮੂਸੇਵਾਲਾ ਦੇ ਹੱਥ ਵਿੱਚ ‘ਏ.ਕੇ. ਸੰਤਾਲੀ’ ਹੈ ਤੇ ਉਹ ਨਿਸ਼ਾਨਾ ਲਾਉਣ ਲਈ ਫਾਇਰ ਕਰ ਰਿਹਾ ਹੈ ।
ਕੁਝ ਪੁਲਸ ਮੁਲਾਜ਼ਮ ਉਸ ਦਾ ਸਾਥ ਦੇ ਰਹੇ ਹਨ । ਸਿੱਧੂ ਮੂਸੇਵਾਲਾ ਜਿਸ ‘ਤੇ ਕਿ ਪਹਿਲਾਂ ਹੀ ਹਥਿਆਰਾਂ ਨੂੰ ਉਤਸ਼ਾਹਿਤ ਕਰਨ ਵਾਲੇ ਗੀਤ ਗਾਉਣ ਕਰਕੇ ਮੁਕੱਦਮਾ ਤੇ ਕਾਨੂੰਨ ਦੀ ਉਲੰਘਣਾ ਕਰਨ ਕਰਕੇ ਕਈ ਸ਼ਿਕਾਇਤਾਂ ਦਰਜ ਹਨ ਨੂੰ ਪੁਲਿਸ ਵੱਲੋਂ ਅਜਿਹੀ ਸ਼ਹਿ /ਸਹਾਇਤਾ ਦੇਣੀ ਬਹੁਤ ਹੀ ਗੰਭੀਰ ਮਾਮਲਾ ਹੈ । ਸਿੱਧੂ ਮੂਸੇਵਾਲਾ ਵੱਲੋਂ ਪੰਜਾਬ ਪੁਲਿਸ ਦੇ ਲੋਗੋ ਦੀ ਵਰਤੋਂ ਕਰਕੇ ਪਹਿਲਾਂ ਵੀ ਇੱਕ ਗਾਣਾ ਗਾਇਆ ਗਿਆ ਸੀ ਜਿਸ ਦਾ ਪੰਜਾਬ ਦੇ ਲੋਕਾਂ ਵਿੱਚ ਕਾਫ਼ੀ ਰੋਸ ਸੀ ।
Sidhu Moosewala ਫ਼ਿਰ ਚਰਚਾ ਵਿਚ, Police ਦੇ ਹਥਿਆਰ ਨਾਲ ਫ਼ਾਇਰਿੰਗ?
ਸਿੱਧੂ ਮੂਸੇਵਾਲਾ ਫ਼ਿਰ ਚਰਚਾ ਵਿਚ – ਪੁਲਿਸ ਦੇ ਹਥਿਆਰ ਨਾਲ ਫ਼ਾਇਰਿੰਗ?ਸਮਾਜਿਕ ਕਾਰਕੁੰਨਾਂ ਨੇ ਉਠਾਏ ਸਵਾਲ – ਕਿਸ ਦੀ ਹੈ ਇਹ ਰਾਈਫ਼ਲ?ਕੌਣ ਹਨ ਨਜ਼ਰ ਆ ਰਹੇ ਪੁਲਿਸ ਮੁਲਾਜ਼ਮ? – ਕਿਹੜੀ ਜਗ੍ਹਾ ਦੀ ਹੈ ਵੀਡੀਓ?ਕਿਸਨੇ ਦਿੱਤੀ ਇੰਜ ਕਰਨ ਦੀ ਇਜਾਜ਼ਤ? – ਕੌਣ ਹੈ ਜ਼ਿੰਮੇਵਾਰ ਅਧਿਕਾਰੀ?ਆਉਣਗੇ ਸਵਾਲਾਂ ਦੇ ਜਵਾਬ?Sidhu Moosewala's new controversy – Firing with :Police WeaponSocial Activists raise issue – Whose rifle is this?Who are the cops seen? – Where he was firing?Who permitted him to do so? – Who is officer who facilitated this?Will these questions be answered??
Posted by Yes Punjab on Monday, May 4, 2020
ਪੱਤਰ ਵਿੱਚ ਮੰਗ ਕੀਤੀ ਗਈ ਹੈ ਕਿ ਇਸ ਮਾਮਲੇ ਵਿੱਚ ਸਭ ਤੋਂ ਪਹਿਲਾਂ ਐੱਫ. ਆਈ. ਆਰ. ਦਰਜ ਕੀਤੀ ਜਾਵੇ । ਅਗਲੇਰੀ ਜਾਂਚ ਵਿੱਚ ਇਹ ਪਤਾ ਕੀਤਾ ਜਾਵੇ ਕਿ ਪੁਲਸ ਮੁਲਾਜ਼ਮ ਕੌਣ ਕੌਣ ਹਨ ।
ਸਿੱਧੂ ਮੂਸੇਵਾਲਾ ਦੇ ਹੱਥ ਵਿੱਚ ਹਥਿਆਰ ਕਿਸ ਨੂੰ ਜਾਰੀ ਕੀਤਾ ਗਿਆ ਹੈ ,ਇਹ ਪੁਲਸ ਮੁਲਾਜ਼ਮ ਕੌਣ ਕੌਣ ਹਨ ਤੇ ਕਿੱਥੇ ਕਿੱਥੇ ਤਾਇਨਾਤ ਹਨ ਤੇ ਜਿਸ ਜਗ੍ਹਾ ਤੇ ਹਥਿਆਰ ਦੀ ਵਰਤੋਂ ਕੀਤੀ ਜਾ ਰਹੀ ਹੈ ਉਹ ਜਗ੍ਹਾ ਕਿਹੜੀ ਹੈ , ਸਿੱਧੂ ਮੂਸੇ ਵਾਲਾ ਨੂੰ ਹਥਿਆਰ ਚਲਾਉਣ ਵਾਸਤੇ ਕਿਸ ਅਧਿਕਾਰੀ ਨੇ ਆਗਿਆ ਦਿੱਤੀ । ਇਸ ਸਬੰਧੀ ਸਾਰੇ ਕਾਗ਼ਜ਼ਾਤ ਰਿਕਾਰਡ ਵਿੱਚ ਲਿਆਂਦੇ ਜਾਣ ।
ਦੋਸ਼ੀਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕਰਦਿਆਂ ਇਹ ਵੀ ਕਿਹਾ ਗਿਆ ਹੈ ਕਿ ਸਿੱਧੂ ਮੂਸੇ ਵਾਲਾ ਖਿਲਾਫ਼ ਮਾਨਸਾ ਜ਼ਿਲੇ ਵਿੱਚ ਦਰਜ ਮੁਕੱਦਮੇ ‘ਚ ਉਸ ਦੀ ਹੋ ਚੁੱਕੀ ਜ਼ਮਾਨਤ ਰੱਦ ਕਰਵਾਉਣ ਲਈ ਚਾਰਾਜੋਈ ਕੀਤੀ ਜਾਵੇ ।
ਪੰਦਰਾਂ ਦਿਨਾਂ ਵਿੱਚ ਕੋਈ ਕਾਰਵਾਈ ਨਾ ਹੋਣ ਦੀ ਹਾਲਤ ਵਿੱਚ ਇਸ ਸਬੰਧੀ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਵਿੱਚ ਪਹੁੰਚ ਕੀਤੀ ਜਾਵੇਗੀ ਜਿਸ ਵਿੱਚ ਜਵਾਬਦੇਹੀ ਦੀ ਜ਼ਿੰਮੇਵਾਰੀ ਪੰਜਾਬ ਸਰਕਾਰ ਅਤੇ ਉੱਚ ਅਧਿਕਾਰੀਆਂ ਦੀ ਹੋਵੇਗੀ।
ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ