ਯੈੱਸ ਪੰਜਾਬ
ਜਲੰਧਰ/ਕਪੂਰਥਲਾ. 29 ਨਵੰਬਰ, 2022 –
ਜਵਾਨ ਉਮਰ ਵਿਚ ਗ਼ਲਤੀਆਂ ਹੋਣਾ ਸਵਾਵਿਕ ਹੈ ਤੇ ਇਹ ਗ਼ਲਤੀਆਂ ਕਿਸੇ ਇੱਕ ਨੂੰ ਨਹੀਂ ਬਲਕਿ ਉਸਦੇ ਪੂਰੇ ਪਰਿਵਾਰ ਤੇ ਸਮਾਜ ਸਬਨਾਂ ਨੂੰ ਪ੍ਰਭਾਵਿਤ ਕਰਦੀ ਹੈ! ਇਸ ਲਈ ਜਰੂਰੀ ਹੈ ਕਿ ਸਵੈ -ਨਿਯੰਤਰਨ ਰੱਖੋ ਤੇ ਡਰੱਗ ਤੋਂ ਬਚੋ, ਪਰ ਜੇਕਰ ਗ਼ਲਤੀ ਹੋਈ ਹੈ ਤਾਂ ਇਸਦੀ ਚਰਚਾ ਕਰੋ ਤੇ ਇਸ ਤੋਂ ਮੁਕਤੀ ਲਵੋ! ਇਹ ਸੁਨੇਹਾ ਪੰਜਾਬ ਪੁਲਿਸ ਦੇ ਡੀ.ਐਸ.ਪੀ ਜੇਲ੍ਹਾਂ (ਹੈਡਕੁਆਰਟਰ ) ਕੰਵਰ ਵੀ.ਪੀ. ਸਿੰਘ ਵੱਲੋਂ ਆਈ.ਕੇ.ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ (ਆਈ.ਕੇ.ਜੀ ਪੀ.ਟੀ.ਯੂ ) ਦੇ ਮੰਚ ਤੋਂ ਮੰਗਲਵਾਰ ਨੂੰ ਦਿੱਤਾ ਗਿਆ ਹੈ!
ਕੰਵਰ ਵੀ.ਪੀ. ਸਿੰਘ ਪੰਜਾਬ ਪੁਲਿਸ ਤੇ ਆਈ.ਕੇ.ਜੀ.ਪੀ.ਟੀ.ਯੂ ਦੇ ਮੈਨੇਜਮੈਂਟ ਡਿਪਾਰਟਮੈਂਟ ਵੱਲੋਂ ਨਸ਼ਾ ਮੁਕਤੀ ਸਬੰਧੀ ਕਰਵਾਏ ਗਏ ਸੈਮੀਨਾਰ ਨੂੰ ਮੁੱਖ ਬੁਲਾਰੇ ਵੱਜੋਂ ਸੰਬੋਧਿਤ ਕਰ ਰਹੇ ਸਨ! ਉਹਨਾਂ ਵਿਦਿਆਰਥੀਆਂ ਨੂੰ ਸਵਾਲ-ਜਵਾਬ ਰਾਹੀਂ ਉਹਨਾਂ ਦੇ ਅੰਦਰ ਦੀਆਂ ਗੱਲਾਂ ਨੂੰ ਪਤਾ ਕੀਤਾ ਤੇ ਉਹਨਾਂ ਨੂੰ ਜਿੰਦਗੀ ਦੇ ਉਦਾਸ ਤੇ ਖੁਸ਼ੀ ਦੇ ਪਲ ਆਉਂਦੇ-ਜਾਂਦੇ ਰਹਿਣ ਪਰ ਨਾ ਖੁਸ਼ੀ ਵਿਚ ਤੇ ਨਾ ਫ਼ਿਲਮਾਂ ਤੋਂ ਪ੍ਰਭਾਵਿਤ ਹੋ ਕੇ ਦੁੱਖ ਵਿਚ ਨਸ਼ੇ ਦੇ ਸੇਵਨ ਤੋਂ ਬਚਨ ਦਾ ਸੱਦਾ ਦਿੱਤਾ! ਉਹਨਾਂ ਵੱਲੋਂ ਫਿਲਮਕਾਰ ਅਭਿਨੇਤਾ ਸੰਜੇ ਦੱਤ ਦਾ ਹਵਾਲਾ ਦਿੰਦੇ ਹੋਏ ਨਸ਼ੇ ਚੋਂ ਆਤਮ ਸ਼ਕਤੀ ਰਹਿਣ ਬਾਹਰ ਆਉਣ ਬਾਰੇ ਕਿਹਾ!
ਯੂਨੀਵਰਸਿਟੀ ਵਿਖੇ ਪਹੁੰਚਣ ਤੇ ਯੂਨੀਵਰਸਿਟੀ ਦੇ ਡੀਨ ਅਕਾਦਮਿਕ ਪ੍ਰੋ (ਡਾ) ਵਿਕਾਸ ਚਾਵਲਾ ਤੇ ਮੈਨੇਜਮੈਂਟ ਵਿਭਾਗ ਦੀ ਮੁਖੀ ਡਾ ਹਰਮੀਨ ਸੋਚ ਵੱਲੋਂ ਉਹਨਾਂ ਦਾ ਸਵਾਗਤ ਕੀਤਾ ਗਿਆ! ਪ੍ਰੋ ਚਾਵਲਾ ਵੱਲੋਂ ਇਸ ਪ੍ਰੋਗਰਾਮ ਦੀ ਪ੍ਰਧਾਨਗੀ ਕੀਤੀ ਗਈ ਤੇ ਉਹਨਾਂ ਇਸ ਵਿਸ਼ੇ ਨੂੰ ਅਜੋਕੇ ਸਮੇ ਦੀ ਲੋੜ ਦੱਸਿਆ! ਯੂਨੀਵਰਸਿਟੀ ਵੱਲੋਂ ਇਸ ਪ੍ਰੋਗਰਾਮ ਦੀ ਕੋਆਰਡੀਨੇਟਰ ਪ੍ਰੋ (ਡਾ.) ਰਾਜਪ੍ਰੀਤ ਕੌਰ, ਸਹਾਇਕ ਪ੍ਰੋਫੈਸਰ ਮੈਨੇਜਮੈਂਟ, ਵੱਲੋਂ ਪ੍ਰੋਗਰਾਮ ਦੇ ਸਵਾਗਤੀ ਸ਼ਬਦ ਰੱਖੇ ਗਏ!
ਮੁੱਖ ਬੁਲਾਰੇ ਸ੍ਰੀ ਕੰਵਰ ਵੀ.ਪੀ. ਸਿੰਘ ਨੇ ਵਿਦਿਆਰਥੀਆਂ ਨੂੰ ਆਪਣੀ ਰੋਜ਼ਮਰਾਂ ਦੀ ਜ਼ਿੰਦਗੀ ਵਿੱਚ ਫਿਜ਼ੀਕਲ ਐਕਸਰਸਾਈਜ਼ ਉਪਰ ਜ਼ੋਰ ਦੇਣ ਅਤੇ ਨਸ਼ੇ ਜਿਹੀ ਅਲਾਹਮਤ ਤੋਂ ਬਚਣ ਲਈ ਪ੍ਰੇਰਿਤ ਕੀਤਾ। ਉਨ੍ਹਾਂ ਵੱਲੋਂ ਨਸ਼ੇ ਦੇ ਸਮਾਜ ਵਿੱਚ ਦੁਸ਼ਪ੍ਰਭਾਵ ਅਤੇ ਨੈਤਿਕ ਵਿਵਹਾਰ ਵਿੱਚ ਪੈਂਦੇ ਇਸਦੇ ਨਕਾਰਤਮਕ ਅਸਰ ਬਾਰੇ ਦੱਸਿਆ। ਉਨ੍ਹਾਂ ਇਸਦੇ ਸਿਹਤ ਉਪਰ ਪੈਣ ਵਾਲੇ ਦੁਸ਼ਪ੍ਰਭਾਵ ਤੋਂ ਵੀ ਜਾਣੂੰ ਕਰਵਾਇਆਂ। ਇਸ ਮੌਕੇ ਯੂਨੀਵਰਸਿਟੀ ਦੇ ਵੱਖੋ-ਵੱਖ ਅਕਾਦਮਿਕ ਵਿਭਾਗਾਂ ਦੇ ਵਿਆਦਰਥੀ ਤੇ ਫੈਕਲਟੀ ਮੈਂਬਰ ਮੌਜੂਦ ਰਹੇ!
ਯੈੱਸ ਪੰਜਾਬ ਦੀਆਂ ਪੰਜਾਬੀ ਖ਼ਬਰਾਂ ਲਈ ਇੱਥੇ ਕਲਿੱਕ ਕਰਕੇ ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰੋ
