ਯੈੱਸ ਪੰਜਾਬ
ਜਲੰਧਰ, 2 ਦਸੰਬਰ, 2020:
ਕਹਿੰਦੇ ਨੇ ਝੂਠ ਦੇ ਪੈਰ ਨਹੀਂ ਹੁੰਦੇ ਪਰ ਜਦ ਝੂਠ ਦਾ ਸਾਹਮਣਾ ਸੱਚ ਨਾਲ ਹੋ ਜਾਵੇ ਤਾਂ ਝੂਠ ਨੰਗੇ ਪੈਂਰੀਂ ਭੱਜ ਤੁਰਦਾ ਹੈ।
ਕਿਸਾਨੀ ਸੰਘਰਸ਼ ਅਤੇ ਖ਼ਾਸਕਰ ਪੰਜਾਬ ਦੇ ਕਿਸਾਨੀ ਸੰਘਰਸ਼ ਨੂੰ ਬਦਨਾਮ ਕਰਨ ਨੂੰ ਸਾਜ਼ਿਸ਼ਾਂ ਘੜ ਰਹੀਆਂ ਤਾਕਤਾਂ ਦੇ ਹੱਥਠੋਕੇ ਗੋਦੀ ਮੀਡੀਆ ਨਾਲ ਵੀ ਕੋਈ ਚੰਗੀ ਨਹੀਂ ਹੋਈ।
ਪਿਛਲੇ ਸਾਲਾਂ ਸਾਲ ਤੋਂ ਝੂਠਾ ਸੌਦਾ ਵੇਚ ਰਹੇ ਗੋਦੀ ਮੀਡੀਆ ਨੇ ਉਸ ਵੇਲੇ ਤਾਂ ਹੱਦ ਹੀ ਮੁਕਾ ਦਿੱਤੀ ਜਦ ਇਹ ਮੀਡੀਆ ਕਿਸਾਨਾਂ ਨੂੰ ਦਲਾਲ, ਵਿਚੋਲੀਏ ਆਖ਼ਣ ਤੋਂ ਅਗਾਂਹ ਵਧ ਕੇ ‘ਅਲਗਾਵ ਵਾਦੀ’ ਅਤੇ ‘ਖ਼ਾਲਿਸਤਾਨੀ’ ਕਹਿਣ ਤਕ ਆ ਗਿਆ।
ਜਲੰਧਰ ਨਾਲ ਸੰਬੰਧਤ ਗੁਰਕਰਨ ਸਿੰਘ ਨਾਂਅ ਦੇ ਇਕ ਨੌਜਵਾਨ, ਜੋ ਆਪਣੇ ਛੋਟੇ ਛੋਟੇ ਵੀਡੀਓ ਕਲਿੱਪਸ ਰਾਹੀਂ ਨਾ ਕੇਵਲ ਮਨੋਰੰਜਨ ਕਰਦੇ ਹਨ ਸਗੋਂ ਸੁਨੇਹਾ ਵੀ ਦਿੰਦੇ ਹਨ, ਨੇ ਇਸ ਵਾਰ ‘ਗੋਦੀ ਮੀਡੀਆ’ ਦੇ ਗੋਡੇ ’ਤੇ ਸੱਟ ਮਾਰੀ ਹੈ।
ਪੰਜਾਬ ਦੇ ਦਿੱਲੀ ਬਾਰਡਰਾਂ ’ਤੇ ਪੁੱਜੇ ਲੱਖਾਂ ਕਿਸਾਨਾਂ ਨੂੰ ‘ਖ਼ਾਲਿਸਤਾਨੀ’ ਆਖ਼ ਕੇ ਸੰਘਰਸ਼ ਨੂੰ ਬਦਨਾਮ ਅਤੇ ਕਮਜ਼ੋਰ ਕਰਨ ਦੀਆਂ ਕੋਸ਼ਿਸ਼ਾਂ ਦਾ ਤਿੱਖਾ ਮਜ਼ਾਕ ਉਡਾਉਂਦਾ ਗੁਰਕਰਨ ਸਿੰਘ ਦਾ ਇਹ ਵੀਡੀਓ ਅੱਜ ਕਲ੍ਹ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਿਹਾ ਹੈ।
ਕੇਵਲ 45 ਸਕਿੰਟਾਂ ਦੇ ਇਸ ਵੀਡੀਓ ਵਿੱਚ ਗੁਰਕਰਨ ਸਿੰਘ ਨੇ ਆਪਣਾ ਮਜ਼ਾਹੀਆ ਅੰਦਾਜ਼ ਕਾਇਮ ਰੱਖਦੇ ਹੋਏ ‘ਗੋਦੀ ਮੀਡੀਆ’ ਦਾ ਕਿਰਦਾਰ ਲੋਕਾਂ ਸਾਹਮਣੇ ਫ਼ਿਰ ਉਜਾਗਰ ਕੀਤਾ ਹੈ। ਫ਼ਿਰ ਉਜਾਗਰ ਇਸ ਲਈ ਲਿਖ਼ਿਆ ਹੈ ਕਿਉਂਕਿ ਐਸਾ ਨਹੀਂ ਕਿ ਹੁਣ ਲੋਕ ਗੋਦੀ ਮੀਡੀਆ ਨੂੰ ਪਹਿਚਾਨਦੇ ਨਹੀਂ ਪਰ ਗੁਰਕਰਨ ਸਿੰਘ ਦੇ ਇਸ ਵੀਡੀਓ ਦੀ ਹਰ ਪਾਸਿਉਂ ਸ਼ਲਾਘਾ ਹੋ ਰਹੀ ਹੈ।
ਕਿਸਾਨੀ ਸੰਘਰਸ਼ ਦੌਰਾਨ ਆਇਆ Gippy Grewal ਦਾ ਹਥਿਆਰਾਂ ’ਤੇ ਕੱਚੀ ਸ਼ਰਾਬ ਨੂੂੰ ਪ੍ਰਮੋਟ ਕਰਦਾ ਗ਼ੀਤ – ਅਲੋਚਨਾ ਸ਼ੁਰੂ
