ਯੈੱਸ ਪੰਜਾਬ
ਜਲੰਧਰ, 27 ਜੂਨ, 2022 –
ਪੰਜਾਬ ਸਰਕਾਰ ਵੱਲੋਂ ਅੱਜ ਵਿਧਾਨ ਸਭਾ ਵਿਚ ਪੇਸ਼ ਬਜਟ ਵਿੱਚ ਖੇਡਾਂ ਦੇ ਬਜਟ ਵਿੱਚ 52% ਦਾ ਵਾਧਾ ਕਰਨ ਦੀ ਭਪਿਰ ਸ਼ਲਾਘਾ ਕੀਤੀ ਗਈ ਹੈ ।
ਸੁਰਜੀਤ ਹਾਕੀ ਸੁਸਾਇਟੀ ਦੇ ਸੀਨੀਅਰ ਮੀਤ ਪ੍ਰਧਾਨ ਐਲ.ਆਰ. ਨਈਅਰ ਸਾਬਕਾ ਚੀਫ਼ ਕਮਿਸ਼ਨਰ ਇਨਕਮ ਟੈਕਸ (ਸੇਵਾਮੁਕਤ) ਦੀ ਪ੍ਰਧਾਨਗੀ ਵਿੱਚ ਹੋਈ ਮੀਟਿੰਗ ਵਿੱਚ ਅੱਜ ਭਗਵੰਤ ਮਾਨ ਸਰਕਾਰ ਦੇ ਸਾਲ 2022-23 ਦੇ ਪਲੇਠੇ ਬਜਟ ਵਿੱਚ ਸਿਹਤ ਤੇ ਸਿੱਖਿਆ ਦੇ ਨਾਲ ਨਾਲ ਖੇਡਾਂ ਦੇ ਮਹੱਤਵ ਵੱਲ ਧਿਆਨ ਦਿੰਦੇ ਹੋਏ ਪਹਿਲੀ ਵਾਰ ਖੇਡਾਂ ਦੇ ਖੇਤਰ ਵਿਚ ਬਜਟ ਵਿੱਚ 52 % ਵਾਧਾ ਕਰਨ ਲਈ ਸਰਕਾਰ ਦੀ ਭਰਪੂਰ ਸ਼ਲਾਘਾ ਕੀਤੀ ਗਈ ਹੈ ।
ਇਸ ਮੌਕੇ ਉਪਰ ਐਲ.ਆਰ. ਨਈਅਰ ਨੇ ਸਰਕਾਰ ਦਾ ਖੇਡਾਂ ਦੇ ਮਿਆਰ ਨੂੰ ਉੱਚਾ ਚੁੱਕਣ ਅਤੇ ਮੌਜੂਦਾ ਸਟੇਡੀਅਮ ਨੂੰ ਅਪਗ੍ਰੇਡ ਕਰਨ ਦੇ ਫੈਸਲੇ ਲਈ ਵੀ ਵਧਾਈ ਦਿੱਤੀ ।
ਇਸੇ ਦੌਰਾਨ ਉੱਘੇ ਖੇਡ ਵਿਸਲ੍ਹ ਬਲੋਅਰ ਇਕਬਾਲ ਸਿੰਘ ਸੰਧੂ ਨੇ ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਅਤੇ ਖੇਡ ਮੰਤਰੀ ਪੰਜਾਬ ਗੁਰਮੀਤ ਸਿੰਘ ਮੀਤ ਹੇਅਰ ਨੂੰ ਵਧਾਈ ਦਿੰਦੇ ਹੋਏ ਮੰਗ ਕੀਤੀ ਕਿ ਨਵੇਂ ਬਜ਼ਟ ਵਿਚੋਂ ਜਲੰਧਰ ਦੇ ਸੁਰਜੀਤ ਹਾਕੀ ਸਟੇਡੀਅਮ ਵਿੱਚ ਸਾਲ 2005 ਵਿਚ ਲੱਗੀਆਂ ਖਰਾਬ ਫਲੱਡ ਲਾਈਟਾਂ ਨੂੰ ਐਲ.ਈ.ਡੀ. ਵਿਚ ਤਬਦੀਲ ਕਰਨ, ਖਸਤਾ ਹਾਲਤ ਸਟੇਡੀਅਮ ਦੀ ਰਿਪੇਅਰ ਅਤੇ ਵੀ.ਆਈ.ਪੀ. ਬਲਾਕ ਵਿੱਚ ਪੱਕੀਆਂ ਸਟੀਲ ਦੀਆਂ ਫਿਕਸਡ ਕੁਰਸੀਆਂ ਲਗਾਕੇ ਅਪਗ੍ਰੇਡ ਕੀਤਾ ਜਾਵੇ ।
ਇਸ ਮੌਕੇ ਉਪਰ ਸੁਰਜੀਤ ਹਾਕੀ ਸੁਸਾਇਟੀ ਦੇ ਲਖਵਿੰਦਰਪਾਲ ਸਿੰਘ ਖੈਰਾ, ਰਣਬੀਰ ਸਿੰਘ ਟੁੱਟ, ਗੁਰਵਿੰਦਰ ਸਿੰਘ ਗੁੱਲੂ, ਰਾਮ ਪ੍ਰਤਾਪ ਸਿੰਘ, ਰਮਨੀਕ ਸਿੰਘ ਰੰਧਾਵਾ (ਸਟੇਟ ਜੁਆਇੰਟ ਸਕੱਤਰ, ਆਮ ਆਦਮੀ ਪਾਰਟੀ), ਰਨਦੀਪ ਗੁਪਤਾ, ਗੌਰਵ ਅਗਰਵਾਲ ਹਾਜਿਰ ਸਨ ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
