- Advertisement -
ਅੱਜ-ਨਾਮਾ
ਕੰਪਨੀ ਹੋਈ ਸੀ ਬਾਈਕ ਦੀ ਬੰਦ ਪਹਿਲਾਂ,
ਮਗਰੋਂ ਕਾਰਾਂ ਦੀ ਕੀਤੀ ਗਈ ਬੰਦ ਮੀਆਂ।
ਕੰਪਨੀ ਦੂਜੀ ਕੋਈ ਕੱਢ ਰਹੀ ਕਾਮਿਆਂ ਨੂੰ,
ਬਕਸਿਆਂ ਅੰਦਰ ਸਮੇਟ ਰਹੀ ਸੰਦ ਮੀਆਂ।
ਕਰਨੇ ਬੰਦ ਪੈ ਗਏ ਦਫਤਰ ਬਾਹਰ ਵਾਲੇ,
ਕਾਰ-ਵਿਹਾਰ ਨੂੰ ਜੁੜੀ ਨਹੀਂ ਤੰਦ ਮੀਆਂ।
ਸਰਕਾਰ ਕਰਦੀ ਤਰੱਕੀ ਦੇ ਬਹੁਤ ਦਾਅਵੇ,
ਅੰਕੜੇ ਚੜ੍ਹਦੇ ਦਿਖਾਉਣ ਪਏ ਚੰਦ ਮੀਆਂ।
ਕਾਹਦੀ ਕਾਰ-ਸਕੂਟਰ ਲਈ ਬਾਤ ਕਰਨੀ,
ਮੰਦਾ ਪਹੁੰਚ ਗਿਆ ਦਾਲ ਜਾਂ ਭਾਤ ਤੀਕਰ।
ਚਰਚਾ ਦਿੱਲੀ-ਪੰਜਾਬ ਵਿੱਚ ਹੋਏ ਕਾਹਦੀ,
ਮੰਦਾ ਗਿਆ ਜਦ ਪਹੁੰਚ ਗੁਜਰਾਤ ਤੀਕਰ।
-ਤੀਸ ਮਾਰ ਖਾਂ
14 ਨਵੰਬਰ, 2019
- Advertisement -
