ਚੰਡੀਗੜ੍ਹ, ਫਰਵਰੀ 15, 2021 –
ਪਿਆਰ ਇੱਕ ਭਾਵਨਾ ਹੈ ਜੋ ਭਾਸ਼ਾਈ ਅਤੇ ਭੂਗੋਲਿਕ ਸੀਮਾਵਾਂ ਤੋਂ ਪਰੇ ਹੈ। ਹਾਲਾਂਕਿ, ਜਦੋਂ ਇਸ ਭਾਵਨਾ ਦੇ ਪ੍ਰਗਟਾਵੇ ਦੀ ਗੱਲ ਆਉਂਦੀ ਹੈ, ਤਾਂ ਰੋਮਾੰਟਿਕ ਗੀਤਾਂ ਤੋਂ ਬੇਹਤਰ ਕਿ ਹੋ ਸਕਦਾ ਹੈ। ਰੋਮਾਂਸ ਲਈ ਗੀਤਾਂ ਜਾਂ ਸੰਗੀਤ ਦੀ ਮਹੱਤਤਾ ਨੂੰ ਧਿਆਨ ਵਿੱਚ ਰੱਖਦਿਆਂ, ਗਾਇਕ ਅਤੇ ਸੰਗੀਤਕਾਰ ਬੇਹਤਰੀਨ ਰੋਮਾੰਟਿਕ ਟਰੈਕ ਦੇਣ ਦੀ ਕੋਸ਼ਿਸ਼ ਕਰਦੇ ਹਨ। ਇਸ ਵੈਲੇਨਟਾਈਨ, ਮੀਕਾ ਸਿੰਘ ਰੋਮਾਂਟਿਕ ਟਰੈਕ ‘ਤੇਰੇ ਬਿਨ ਜ਼ਿੰਦਗੀ’ ਲੈ ਕੇ ਆਏ ਹਨ।
ਟੀਮ ਬਾਰੇ ਗੱਲ ਕਰਦਿਆਂ, ਭਾਰਤੀ ਸੰਗੀਤ ਉਦਯੋਗ ਦੇ ਪੌਪ ਕਿੰਗ ਮੀਕਾ ਸਿੰਘ ਨੇ ਪ੍ਰੋ: ਮੀਨੂੰ ਬਖਸ਼ੀ ਨਾਲ ਮਿਲ ਕੇ ਇਸ ਪ੍ਰੋਜੈਕਟ ਤੇ ਕੰਮ ਕੀਤਾ ਹੈ, ਜੋ ਕਵੀ, ਗਾਇਕ, ਸਪੈਨਿਸ਼ ਦੇ ਪ੍ਰੋਫੈਸਰ ਅਤੇ ਇੱਕ ਸਮਾਜ ਸੇਵਕ ਹਨ। ਇਹਨਾਂ ਦੇ ਨਾਮ ਵਿੱਚ ਪਹਿਲਾਂ ਹੀ ਦੋ ਪੰਜਾਬੀ ਲੋਕ ਐਲਬਮ ਹਨ ਅਤੇ ਇਸ ਗਾਣੇ ਨਾਲ ਉਹ ਗੀਤਕਾਰੀ ਚ ਵੀ ਆਪਣੀ ਸ਼ੁਰੂਆਤ ਕਰ ਰਹੇ ਹਨ।
ਗਾਣੇ ਦੇ ਬੋਲ ਮੀਨੂੰ ਬਖਸ਼ੀ ਨੇ ਲਿਖੇ ਹਨ। ਭਾਰਗਵ ਦਾਸ ਨੇ ਗਾਣੇ ਦਾ ਸੰਗੀਤ ਦਿੱਤਾ ਹੈ। ‘ਤੇਰੇ ਬਿਨ ਜ਼ਿੰਦਗੀ’ ਦਾ ਵੀਡੀਓ ਵਿਸ਼ਾਲ ਦੇਸਾਈ ਨੇ ਡਾਇਰੈਕਟ ਕੀਤਾ ਹੈ। ਗਾਣੇ ਦਾ ਵੀਡੀਓ ਪਹਿਲਾਂ ਹੀ ਮਿਊਜ਼ਿਕ ਐਂਡ ਸਾਉੰਡ ਲੇਬਲ ਤੋਂ ਰਿਲੀਜ਼ ਕੀਤਾ ਗਿਆ ਹੈ।
ਗਾਣੇ ਦੇ ਰਿਲੀਜ਼ ਹੋਣ ਤੇ ਮੀਕਾ ਸਿੰਘ ਨੇ ਕਿਹਾ, “ਮੇਰਾ ਮੰਨਣਾ ਹੈ ਕਿ ਰੋਮਾਂਟਿਕ ਗਾਣੇ ਤੁਹਾਨੂੰ ਦਰਸ਼ਕਾਂ ਵਿੱਚ ਸਰਬੋਤਮ ਪਹੁੰਚ ਪ੍ਰਦਾਨ ਕਰਦੇ ਹਨ। ਵੈਲੇਨਟਾਈਨ ਦੇ ਮੌਕੇ ‘ਤੇ ਮੇਰੇ ਗਾਣੇ ਨੂੰ ਜਾਰੀ ਕਰਨਾ ਸੋਨੇ ਤੇ ਸੁਹਾਗੇ ਦੀ ਤਰਾਂ ਹੈ। ਮੈਂਨੂੰ ਮੇਰੇ ਗਾਣੇ ਬਾਰੇ ਪੂਰਾ ਭਰੋਸਾ ਹੈ। ਤੇਰੇ ਬਿਨ ਜ਼ਿੰਦਗੀ ਇਕ ਕਲਾਸਿਕ ਆਧੁਨਿਕ ਪਿਆਰ ਦਾ ਗਾਣਾ ਹੈ ਅਤੇ ਪ੍ਰੋਫੈਸਰ ਮੀਨੂੰ ਬਖਸ਼ੀ ਦੇ ਨਾਲ ਮਿਲ ਕੇ ਕੰਮ ਕਰਨ ਦਾ ਅਨੁਭਵ ਬਹੁਤ ਹੀ ਵਧੀਆ ਰਿਹਾ। ਮੈਂ ਬੱਸ ਇਹੀ ਚਾਹੁੰਦਾ ਹਾਂ ਕਿ ਦਰਸ਼ਕ ਇਸ ਨੂੰ ਪਿਆਰ ਕਰਨ।”
‘ਤੇਰੇ ਬਿਨ ਜ਼ਿੰਦਾਗੀ’ ਗਾਣੇ ਦਾ ਵੀਡੀਓ ਪਹਿਲਾਂ ਹੀ 14 ਫਰਵਰੀ 2021 ਨੂੰ ਮਿਊਜ਼ਿਕ ਐਂਡ ਸਾਉੰਡ ਦੇ ਅਧਿਕਾਰਤ ਯੂਟਿਊਬ ਚੈਨਲ ਤੇ ਰਿਲੀਜ਼ ਕੀਤਾ ਗਿਆ ਹੈ।
