ਯੈੱਸ ਪੰਜਾਬ
ਨਵੀਂ ਦਿੱਲੀ, 27 ਨਵੰਬਰ, 2022:
ਦਿੱਲੀ ਪੁਲਿਸ ਦੇ ਸਪੈਸ਼ਲ ਸੈੱਲ ਨੇ ਲਾਰੈਂਸ ਬਿਸ਼ਨੋਈ ਅਤੇ ਕਾਲਾ ਜਠੇੜੀ ਗੈਂਗਜ਼ ਨਾਲ ਸੰਬੰਧਤ ਪੰਜਾਬ ਦੇ 2 ਅਸਲਾ ਸਪਲਾਇਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।
ਸਪੈਸ਼ਲ ਸੈੱਲ ਦੇ ਡੀ.ਸੀ.ਪੀ.ਸ੍ਰੀ ਰਾਜੀਵ ਰੰਜਨ ਸਿੰਘ ਅਨੁਸਾਰ ਦੋਹਾਂ ਦੀ ਪਛਾਣ ਮਨਪ੍ਰੀਤ ਸਿੰਘ ਮਨੀ ਅਤੇ ਪਵਨ ਕੁਮਾਰ ਪੰਮਾ ਵਜੋਂ ਹੋਈ ਹੈ।
ਇਨ੍ਹਾਂ ਦੇ ਕਬਜ਼ੇ ਵਿੱਚੋਂ 10 ਚੰਗੀ ਕੁਆਲਟੀ ਦੀਆਂ ਸੈਮੀ ਆਟੋਮੈਟਿਕ ਪਿਸਤੌਲਾਂ ਅਤੇ 10 ਕਾਰਤੂਸ ਬਰਾਮਦ ਕੀਤੇ ਗਏ ਹਨ।
ਪੁਲਿਸ ਨੇ ਦੱਸਆ ਕਿ ਇਹ ਖ਼ਬਰ ਮਿਲੀ ਸੀ ਕਿ ਦਿੱਲੀ ਦੀ ਆਊਟਰ ਰਿੰਗ ਰੋਡ ’ਤੇ ਤਿਲਕ ਨਗਰ ਵਿੱਚ ਪੇਸਟਰੀ ਪੈਲੇਸ ਦੇ ਨੇੜੇ ਹਥਿਆਰਾਂ ਦੀ ਇਕ ਵੱਡੀ ਖ਼ੇਪ ਆਉਣ ਵਾਲੀ ਹੈ ਜਿਹੜੀ ਦਿੱਲੀ ਵਿੱਚ ਸਪਲਾਈ ਕੀਤੀ ਜਾਣੀ ਹੈ। ਦੋਸ਼ੀਆਂ ਦੀ ਗ੍ਰਿਫ਼ਤਾਰੀ ਲਈ ਟੀਮਾਂ ਬਣਾ ਕੇ ‘ਟਰੈਪ’ ਵਿਛਾਇਆ ਗਿਆ ਅਤੇ ਇਨ੍ਹਾਂ ਦੋਹਾਂ ਨੂੰ ਹਥਿਆਰਾਂ ਸਮੇਤ ਕਾਬੂ ਕਰ ਲਿਆ ਗਿਆ।
ਹੋਰ ਜਾਣਕਾਰੀ ਦਿੱਦਿਆਂ ਪੁਲਿਸ ਨੇਦੱਸਿਆ ਕਿ ਪਵਨ ਕੁਮਾਰ ਲਾਰੈਂਸ ਬਿਸ਼ਨੋਈ ਗੈਂਗ ਵਿੱਚ ਲਗਪਗ 3 ਸਾਲ ਪਹਿਲਾਂ ਸ਼ਾਮਲ ਹੋਇਆ ਸੀ ਅਤੇ ਉਸਦੇ ਲਾਰੈਂਸ ਬਿਸ਼ਨੋਈ, ਜੱਗੂ ਭਗਵਾਨਪੁਰੀਆ, ਰਾਜੂ ਬਿਛੋੜੀ, ਅਕਸ਼ਾ ਪਾਲੜਾ ਅਤੇ ਟੀਨੂੰ ਭਿਵਾਨੀ ਆਦਿ ਗੈਂਗਸਟਰਾਂ ਨਾਲ ਚੰਗੇ ਸੰਬੰਧ ਹਨ। ਪਵਨ ਕੁਮਾਰ ਆਪਣੇ ਦੋ ਸਾਥੀਆਂ ਨਾਲ ਅਪਰਾਧਕ ਸਰਗਰਮੀਆਂ ਵਿੱਚ ਸ਼ਾਮਲ ਸੀ ਅਤੇ ਰੰਗਦਾਰੀ ਮੰਗਣ ਸੰਬੰਧੀ ਵਾਰਦਾਤਾਂ ਨੂੰ ਅੰਜਾਮ ਦਿੰਦਾ ਸੀ।
ਉਹ ਹੀ ਮਨਪ੍ਰੀਤ ਸਿੰਘ ਮਨੀ ਨੂੰ ਵੱਖ ਵੱਖ ਥਾਈਂ ਹਥਿਆਰ ਅਤੇ ਅਸਲਾ ਲੈਣ ਲਈ ਅਤੇ ਫ਼ਿਰ ਸਪਲਾਈ ਕਰਨ ਲਈ ਵੱਖ-ਵੱਖ ਗੈਂਗਜ਼ ਕੋਲ ਭੇਜਦਾ ਸੀ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
