ਅੱਜ-ਨਾਮਾ
ਲਟਕਿਆ ਮਾਮਲਾ ਦਿੱਸੇ ਅਕਾਲੀਆਂ ਦਾ,
ਲੁਕਵੀਂ ਚੱਲਦੀ ਕੁਝ ਥੱਲ-ਪੁਥੱਲ ਬੇਲੀ।
ਸਿੱਧੇ ਕਦੇ ਮਿਲਾਈ ਨਹੀਂ ਨਜ਼ਰ ਜੀਹਨਾਂ,
ਉਹ ਵੀ ਕਰਨ ਲੱਗੇ ਲੁਕਵੀਂ ਗੱਲ ਬੇਲੀ।
ਰਹਿੰਦੀ ਕਦੀ ਲੁਕਾਈ ਨਾ ਬਾਤ ਲੁਕਵੀਂ,
ਲਾਹੁਣ ਲੋਕੀਂ ਫਿਰ ਵਾਲ਼ ਦੀ ਖੱਲ ਬੇਲੀ।
ਤਿੰਨਾਂ ਆਗੂਆਂ ਬੈਠਕ ਸੀ ਕਰੀ ਜਿਹੜੀ,
ਉਸ ਨਾਲ ਮੱਚੀ ਹੈ ਬੁਰੀ ਤਰਥੱਲ ਬੇਲੀ।
ਓਹਲਾ ਕਰਨ ਤੋਂ ਲੋਕ ਕੁਝ ਸ਼ੱਕ ਕਰਦੇ,
ਪਾੜੇ ਮੇਟਣ ਲਈ ਗੱਲ ਕੋਈ ਤੋਰਦੇ ਈ।
ਸੰਗਤਾਂ ਕੋਲੋਂ ਲੁਕਾਉਣ ਉਹ ਭੇਦ ਭਾਰਾ,
ਰੋੜੀ ਬੁੱਕਲ ਦੇ ਅੰਦਰ ਕੋਈ ਭੋਰਦੇ ਈ।
ਤੀਸ ਮਾਰ ਖਾਂ
9 ਨਵੰਬਰ, 2024
ਇਹ ਵੀ ਪੜ੍ਹੋ: ਚੌਟਾਲੇ ਮਗਰ ਮੁਸੀਬਤ ਜਿਹੀ ਨਵੀਂ ਲੱਗੀ, ਕਹਿੰਦੀ ਕਰੋ ਉਸ ਦੀ ਪੈਨਸ਼ਨ ਬੰਦ ਬੇਲੀ
