ਅੱਜ-ਨਾਮਾ
ਰੱਫੜ ਅਕਾਲੀਆਂ ਦਾ, ਚਰਚਾ ਭਾਜਪਾ ਦੀ,
ਲਾਇਆ ਸਾਜ਼ਿਸ਼ ਦਾ ਜਾਂਦਾ ਹੈ ਦੋਸ਼ ਬੇਲੀ।
ਵਰਤੇ ਵਿਸ਼ੇਸ਼ਣ ਵੀ ਇਹੋ ਜਿਹੇ ਖਾਸ ਹੁੰਦੇ,
ਲੱਭਦਾ ਜਿਨ੍ਹਾਂ ਦਾ ਨਹੀਂ ਸ਼ਬਦ-ਕੋਸ਼ ਬੇਲੀ।
ਦੂਸਰੀ ਧਿਰ ਸਭ ਤੁਰੇ ਝੁਕਾਉਣ ਦੇ ਲਈ,
ਚੜ੍ਹਿਆ ਜੰਗਾਂ ਤੋਂ ਬਾਹਲਾ ਈ ਜੋਸ਼ ਬੇਲੀ।
ਨੀਵੀਂ ਪੱਧਰ ਨਹੀਂ ਛੂਹਣ ਤੋਂ ਕੋਈ ਰਹਿੰਦਾ,
ਮਾਰੀ ਗਈ ਮੱਤ ਜਾਂ ਭੁੱਲੀ ਪਈ ਹੋਸ਼ ਬੇਲੀ।
ਇੱਕੋ ਈ ਪਾਰਟੀ ਤੇ ਇੱਕੋ ਈ ਟੀਮ ਜਿਹੜੀ,
ਬਣੇ ਪਏ ਖੂਨ ਦੇ ਪਿਆਸੇ ਕਈ ਅੱਜ ਬੇਲੀ।
ਹਲੀਮੀ ਵਾਲੀ ਨਹੀਂ ਕਿਤੋਂ ਵੀ ਸੁਰ ਨਿਕਲੀ,
ਬਰਸਾਤੀ ਬੱਦਲ ਦੇ ਵਾਂਗਰ ਰਹੇ ਗੱਜ ਬੇਲੀ।
-ਤੀਸ ਮਾਰ ਖਾਂ
28 ਜੂਨ, 2024
