- Advertisement -
ਅੱਜ-ਨਾਮਾ
ਰੌਲਾ ਪਾਉ ਵਿਧਾਇਕੋ ਬਈ ਪਾਈ ਜਾਓ,
ਕਰਿਓ ਕੰਮ ਦੀ ਬਾਤ ਨਹੀਂ ਕੋਈ ਭਾਈ।
ਚੁਣਵਾਂ ਮਾਰਿਓ ਮਿਹਣਾ ਵਿਰੋਧੀਆਂ ਲਈ,
ਆਉਂਦਾ ਅੱਗਿਉਂ ਸੁਣ ਲਿਓ ਸੋਈ ਭਾਈ।
ਭਾਈਚਾਰੇ ਦੀ ਗੱਲ ਨਹੀਂ ਕਦੀ ਕਰਿਓ,
ਜਾਇਓ ਜੜ੍ਹਾਂ ਅੰਦਰ ਅੱਕ ਚੋਈ ਭਾਈ।
ਜਾਣਾ ਲੋਕਾਂ ਦੇ ਤੀਕਰ ਜਦ ਵਾਰ ਅਗਲੀ,
ਲੱਗੀ ਮਿਲਣ ਨਹੀਂ ਤੁਸਾਂ ਨੂੰ ਢੋਈ ਭਾਈ।
ਲੋਕਤੰਤਰ ਦੀ ਅਰਥੀ ਜਦ ਤੁਰੇ ਕੱਢਣ,
ਰੱਖਿਓ ਬਾਕੀ ਹਯਾ ਨਹੀਂ ਸ਼ਰਮ ਭਾਈ।
ਮੱਥਾ ਪਿੱਟਣ ਤੇ ਕਹਿਣਗੇ ਚੁਣਨ ਵਾਲੇ,
ਧੜੇ ਪਾਲਣ ਲਈ ਡੋਬਤਾ ਧਰਮ ਭਾਈ।
-ਤੀਸ ਮਾਰ ਖਾਂ
ਮਾਰਚ 05, 2021
- Advertisement -