- Advertisement -
ਅੱਜ-ਨਾਮਾ
ਰੁਕਦਾ ਜਾਪਦਾ ਕਹਿਰ ਨਾ ਅਜੇ ਮਿੱਤਰ,
ਲੜੀ ਮੌਤਾਂ ਦੀ ਰਹੀ ਨਹੀਂ ਟੁੱਟ ਮਿੱਤਰ।
ਇਟਲੀ ਅੰਦਰ ਹਜ਼ਾਰਾਂ ਇਸ ਲੋਕ ਮਾਰੇ,
ਛੱਡੀ ਮਿੱਟੀ ਅਮਰੀਕਾ ਦੀ ਪੁੱਟ ਮਿੱਤਰ।
ਮੁੱਕਿਆ ਰੱਫੜ ਨਾ ਦੇਸ਼ਾਂ ਦੇ ਹਾਕਮਾਂ ਦਾ,
ਚੰਦਰੀ ਛੱਡਦੀ ਖਹਿੜਾ ਨਾ ਫੁੱਟ ਮਿੱਤਰ।
ਬਦਲਦੀ ਨੀਤ ਨਹੀਂ ਅਜੇ ਵਪਾਰੀਆਂ ਦੀ,
ਹਟਦੇ ਕਰਨ ਤੋਂ ਅਜੇ ਨਹੀਂ ਲੁੱਟ ਮਿੱਤਰ।
ਖੋਟੀ ਨੀਤ ਇਹ ਜਾਣੀ ਸ਼ਮਸਾਨ ਤੀਕਰ,
ਜਾਣਾ ਲੁੱਟ ਦਾ ਮਾਲ ਨਹੀਂ ਨਾਲ ਮਿੱਤਰ।
ਖਾਲੀ ਹੱਥੀਂ ਸਿਕੰਦਰ ਵੀ ਗਿਆ ਆਖਰ,
ਏਥੇ ਰਹਿ ਗਿਆ ਲੁੱਟਿਆ ਮਾਲ ਮਿੱਤਰ।
-ਤੀਸ ਮਾਰ ਖਾਂ
ਅਪ੍ਰੈਲ 02, 2020
- Advertisement -
