- Advertisement -
ਅੱਜ-ਨਾਮਾ
ਮੰਤਰੀ ਇੰਗਲੈਂਡ ਦੇ ਲੱਗੇ ਨੇ ਕਿਰਨ ਜਿੱਦਾਂ,
ਸਰਕਾਰ ਗਈ ਲੱਗਦੀ ਅੱਜ ਜਾਂ ਕੱਲ੍ਹ ਬੇਲੀ।
ਪ੍ਰਧਾਨ ਮੰਤਰੀ ਦੀ ਘਟ ਗਈ ਕਦਰ ਬਾਹਲੀ,
ਉਹਦੀ ਸਮਝ ਰਿਹਾ ਕੋਈ ਨਹੀਂ ਗੱਲ ਬੇਲੀ।
ਕਰ ਕੇ ਗਲਤੀਆਂ ਆਖੀਆਂ ਜਾਇਜ਼ ਪਿੱਛੋਂ,
ਇਸ ਤੋਂ ਉੱਪਰ ਨਹੀਂ ਕੋਈ ਸੀ ਝੱਲ ਬੇਲੀ।
ਲੱਗਦੀ ਆ ਗੱਡੀ ਨੀਵਾਣਾਂ ਦੇ ਵੱਲ ਰਿੜ੍ਹਦੀ,
ਲੱਗ ਰਹੀ ਜਾਪਦੀ ਮੁਸ਼ਕਲ ਆ ਠੱਲ੍ਹ ਬੇਲੀ।
ਜਾਨਸਨ ਘੁੰਮਦਾ ਸੀ ਪਿਆ ਆਕਾਸ਼ ਉੱਪਰ,
ਕੱਟੀ ਗਈ ਗੁੱਡੀ ਦੇ ਵਾਂਗ ਰਿਹਾ ਡੋਲ ਬੇਲੀ।
ਆਈਆਂ ਚੋਣਾਂ ਤੇ ਜਿੱਤਣ ਦਾ ਰਾਹ ਨਹੀਂਉਂ,
ਉਲਟ ਵਹਿਣੀ ਦਾ ਖੜਕ ਰਿਹਾ ਢੋਲ ਬੇਲੀ।
-ਤੀਸ ਮਾਰ ਖਾਂ
ਜੁਲਾਈ 07, 2022
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
