ਯੈੱਸ ਪੰਜਾਬ
ਮੋਗਾ, 25 ਜੁਲਾਈ, 2021:
ਲੋਕਾਂ ਅਤੇ ਪੁਲਿਸ ਦਰਮਿਆਨ ਭਰੋਸੇ ਨੂੰ ਹੋਰ ਪੱਕਾ ਕਰਦਿਆਂ ਅਤੇ ਅਪਰਾਧਾਂ ਵਿਰੁੱਧ ਸਖਤੀ ਨੂੰ ਵਧਾਉਂਦੇ ਹੋਏ, ਮੋਗਾ ਪੁਲਿਸ ਨੇ ਜ਼ਿਲ੍ਹਾ ਪੁਲਿਸ ਮੁਖੀ ਸ੍ਰ ਹਰਮਨਬੀਰ ਸਿੰਘ ਗਿੱਲ ਦੀ ਅਗਵਾਈ ਵਿੱਚ ਜਨਤਕ ਸ਼ਿਕਾਇਤਾਂ ਵਿਚ ਜ਼ੀਰੋ ਪੈਡੈਂਸੀ ਹਾਸਲ ਕਰਕੇ ਇਕ ਰਿਕਾਰਡ ਬਣਾਇਆ ਹੈ, ਇਸ ਤੋਂ ਇਲਾਵਾ ਬਕਾਇਆ ਕੇਸਾਂ ਦੀ ਜਾਂਚ ਦਰ (6 ਮਹੀਨੇ ਤੋਂ ਪੁਰਾਣੀ) ਨੂੰ ਘਟਾ ਦਿੱਤਾ। ਇਹ ਇਕੋ ਸਾਲ ਵਿਚ 90% ਹੋ ਗਈ ਹੈ।
ਜਨਤਕ ਸ਼ਿਕਾਇਤਾਂ ਬਾਰੇ ਅਧਿਕਾਰਤ ਅੰਕੜੇ ਦੱਸਦੇ ਹਨ ਕਿ ਤਿੰਨ ਮਹੀਨਿਆਂ ਪੁਰਾਣੀਆਂ ਸ਼ਿਕਾਇਤਾਂ ਦੀ ਕੋਈ ਵੀ ਪੈਡੈਂਸੀ ਨਹੀਂ ਹੈ, ਜਦੋਂ ਕਿ ਪਿਛਲੇ ਤਿੰਨ ਮਹੀਨਿਆਂ ਵਿੱਚ ਪ੍ਰਾਪਤ ਹੋਈਆਂ 1537 ਸ਼ਿਕਾਇਤਾਂ ਦੇ ਨਿਪਟਾਰੇ ਦੀ ਪ੍ਰਕਿਰਿਆ ਚੱਲ ਰਹੀ ਹੈ। ਪੁਲਿਸ ਵਿਭਾਗ ਵਿਚ ਸ਼ਿਕਾਇਤ ਦੇ ਨਿਪਟਾਰੇ ਲਈ ਘੱਟੋ ਘੱਟ ਸਮਾਂ ਤਿੰਨ ਮਹੀਨੇ ਹੁੰਦਾ ਹੈ।
ਸ੍ਰ ਗਿੱਲ ਨੇ ਕਿਹਾ ਕਿ ਮੌਜੂਦਾ ਸਟਾਫ ਅਤੇ ਸਰੋਤਾਂ ਦੇ ਨਾਲ ਕੇਸਾਂ ਦੀ ਸਮੇਂ ਸਿਰ ਅਤੇ ਪੂਰੀ ਜਾਂਚ ਲਈ ਸਰਗਰਮੀ ਨਾਲ ਕੰਮ ਕਰਦੇ ਹੋਏ, ਮੋਗਾ ਪੁਲਿਸ ਹਰ ਜਨਤਕ ਸ਼ਿਕਾਇਤ ਦਾ ਨਿਪਟਾਰਾ ਤਿੰਨ ਮਹੀਨਿਆਂ ਦੇ ਅੰਦਰ ਅੰਦਰ ਕਰਨ ਨੂੰ ਯਕੀਨੀ ਬਣਾ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਇਸੇ ਤਰ੍ਹਾਂ ਪਿਛਲੇ ਸਾਲ ਦੇ ਕੇਸਾਂ ਦੀ ਪੜਤਾਲ ਪੈਂਡੈਂਸੀ (6 ਮਹੀਨਿਆਂ ਤੋਂ ਵੱਧ ਪੁਰਾਣੀ) ਦੇ ਮੁਕਾਬਲੇ, ਜੋ ਕਿ 31 ਜੂਨ, 2020 ਤੱਕ 270 ਸੀ, ਹੁਣ ਸਿਰਫ 29 ਕੇਸਾਂ ਤੱਕ ਸਿਮਟ ਗਈ ਹੈ, ਜਦੋਂਕਿ ਕੁੱਲ ਪੈਂਡੈਂਸੀ ਸਿਰਫ 756 ਕੇਸਾਂ ਵਿਚੋਂ ਹੈ। 718 ਕੇਸ ਛੇ ਮਹੀਨਿਆਂ ਤੋਂ ਘੱਟ ਪੁਰਾਣੇ ਹਨ।
ਸ੍ਰ ਗਿੱਲ ਨੇ ਕਿਹਾ ਕਿ ਭਾਰਤ ਦੀ ਅਪਰਾਧਿਕ ਨਿਆਂ ਪ੍ਰਣਾਲੀ ਬੈਕਲਾਗ ਸੰਕਟ ਨਾਲ ਜੂਝ ਰਹੀ ਹੈ ਅਤੇ ਨੈਸ਼ਨਲ ਕ੍ਰਾਈਮ ਰਿਕਾਰਡ ਬਿਊਰੋ (ਐਨਸੀਆਰਬੀ) ਵੱਲੋਂ ਹਾਲ ਹੀ ਵਿੱਚ ਪ੍ਰਕਾਸ਼ਤ ਪੈਂਡਿੰਗ ਜਾਂਚਾਂ ਅਤੇ ਮੁਕੱਦਮਿਆਂ ਦੇ ਅੰਕੜੇ ਦਰਸਾਉਂਦੇ ਹਨ ਕਿ ਇਹ ਸੰਕਟ ਹਰ ਲੰਘ ਰਹੇ ਸਾਲ ਦੇ ਨਾਲ ਹੋਰ ਗੰਭੀਰ ਹੁੰਦਾ ਜਾ ਰਿਹਾ ਹੈ। ਪਰ ਜੇਕਰ ਜ਼ਿਲ੍ਹਾ ਮੋਗਾ ਪੁਲਿਸ ਦੀ ਗੱਲ ਕੀਤੀ ਜਾਵੇ ਤਾਂ ਏਥੇ ਸਥਿਤੀ ਬਹੁਤ ਬੇਹਤਰ ਹੈ।
ਐਸਐਸਪੀ ਨੇ ਅੱਗੇ ਕਿਹਾ ਕਿ ਪਿਛਲੇ ਸਾਲ ਜੂਨ 2020 ਤੋਂ ਜੂਨ 2021 ਤੱਕ, ਪੁੱਛਗਿੱਛ ਦੀ ਪ੍ਰਕਿਰਿਆ ਵਿਚ ਵੀ 70% ਦੀ ਗਿਰਾਵਟ ਆਈ ਹੈ ਅਤੇ ਕਈ ਭਗੌੜਿਆਂ ਦੀ ਦਰ (ਪੀਓਜ਼) ਵਿਚ 20% ਦੀ ਗਿਰਾਵਟ ਆਈ ਹੈ, ਇਸੇ ਤਰ੍ਹਾਂ ਅਨਟ੍ਰੈਸਡ/ਰਿਪੋਰਟ ਰੱਦ ਕਰਨ ਦੀ ਪੇਂਡੈਂਸੀ 96% ਤੋਂ ਘੱਟ ਲਿਆਂਦੀ ਗਈ ਹੈ।
ਉਨ੍ਹਾਂ ਕਿਹਾ ਕਿ ਪੁਲਿਸ ਨੂੰ ਲੋਕਾਂ ਦੇ ਹੋਰ ਨੇੜੇ ਲਿਆਉਣ ਲਈ, ਮੋਗਾ ਪੁਲਿਸ ਦੇ ਸੀਨੀਅਰ ਅਧਿਕਾਰੀਆਂ ਦੁਆਰਾ 12 ਪਿੰਡਾਂ ਦੇ ਟੂਰ ਆਯੋਜਿਤ ਕੀਤੇ ਗਏ ਹਨ। ਇਸ ਦੇ ਨਾਲ ਹੀ ਅੰਦਰੂਨੀ ਪ੍ਰਕਿਰਿਆ ਦੇ ਸੁਧਾਰ ਅਤੇ ਰਿਕਾਰਡ ਦੀ ਸਾਂਭ ਸੰਭਾਲ ਰੱਖਣ ‘ਤੇ ਵੀ ਧਿਆਨ ਕੇਂਦਰਤ ਕੀਤਾ ਗਿਆ ਹੈ।
ਐਸਐਸਪੀ ਗਿੱਲ ਨੇ ਦੱਸਿਆ ਕਿ ਜੂਨ 2020 ਵਿਚ ਥਾਣਿਆਂ ਦੇ ਘੱਟੋ ਘੱਟ 59 ਰਸਮੀ ਨਿਰੀਖਣ ਲੰਬਿਤ ਸਨ, ਜਿਨ੍ਹਾਂ ਵਿਚੋਂ ਕੁਝ ਤਾਂ ਸਾਲ 2016 ਤੋਂ ਲੰਬਿਤ ਸਨ। ਹੁਣ ਇਹ ਅੰਕੜਾ ਜੂਨ 2021 ਵਿਚ ਸਿਰਫ 12 ਰਹਿ ਗਿਆ ਹੈ, ਜਿਨ੍ਹਾਂ ਵਿਚੋਂ ਕੋਈ ਵੀ ਨਿਰੀਖਣ ਦਸੰਬਰ 2020 ਤੋਂ ਪਹਿਲਾਂ ਦਾ ਲੰਬਿਤ ਨਹੀਂ ਹੈ।
ਐਸਐਸਪੀ ਹਰਮਨਬੀਰ ਸਿੰਘ ਗਿੱਲ ਨੇ ਆਪਣੀ ਟੀਮ ਨੂੰ ਇਹ ਸਿਹਰਾ ਦਿੰਦਿਆਂ ਕਿਹਾ ਕਿ ਮੋਗਾ ਪੁਲਿਸ ਦੀਆਂ ਸਾਰੀਆਂ ਧਿਰਾਂ ਦੇ ਨਿਰੰਤਰ ਅਤੇ ਅਣਥੱਕ ਯਤਨਾਂ ਦੇ ਨਾਲ ਨਾਲ ਨਿਰੀਖਣ ਅਫਸਰਾਂ ਦੁਆਰਾ ਸਰਗਰਮ ਨਿਗਰਾਨੀ ਅਤੇ ਕੇਸਾਂ ਦੀ ਪਾਲਣਾ ਕਰਕੇ ਹੀ ਇਹ ਸੰਭਵ ਹੋਇਆ ਹੈ।
ਇਸ ਦੌਰਾਨ ਜ਼ਿਲ੍ਹੇ ਦੀ ਅਪਰਾਧ ਸਥਿਤੀ ਦਾ ਜਾਇਜ਼ਾ ਲੈਣ ਲਈ ਐਸਐਸਪੀ ਦੀ ਨਿਗਰਾਨੀ ਹੇਠ ਨਿਯਮਤ ਮੀਟਿੰਗਾਂ ਕੀਤੀਆਂ ਜਾ ਰਹੀਆਂ ਹਨ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ