- Advertisement -
ਅੱਜ-ਨਾਮਾ
ਮਹਿਕਮਾ ਕੋਈ ਹੈ ਹਿੰਦ ਦੇ ਦੇਸ਼ ਵਾਲਾ,
ਕਰਦਾ ਬਹੁਤ ਬਾਤਾਂ, ਕੰਮ ਘੱਟ ਮੀਆਂ।
ਗੱਲੀਂ ਟਾਕੀ ਅਸਮਾਨ ਨੂੰ ਲਾਉਣ ਸਾਰੇ,
ਸਾਰੇ ਈ ਆਖਦੇ, ਕੱਢ ਦੂੰ ਵੱਟ ਮੀਆਂ।
ਦਰਜਨ ਵਾਰ ਵੀ ਕੰਮ ਨੂੰ ਆਖ ਦੇਈਏ,
ਲਾਈ ਸੁਣੀ ਜਾਵੇ ਇਹ ਹੀ ਰੱਟ ਮੀਆਂ।
ਬਾਪੂ ਗਾਂਧੀ ਦਾ ਕਾਗਜ਼ ਵਿਖਾਓ ਜੇਕਰ,
ਅੜਿਆ ਕੰਮ ਵੀ ਹੁੰਦਾ ਈ ਝੱਟ ਮੀਆਂ।
ਰਾਜ ਬਦਲਦੇ, ਜਾਣ ਫਿਰ ਬਦਲ ਰਾਜੇ,
ਬਦਲੀ ਰਾਜ ਦੀ ਕਦੀ ਨਾ ਰੀਤ ਮੀਆਂ।
ਬਦਲਦਾ ਝੰਡੇ ਦਾ ਰੰਗ, ਜਾਂ ਰਾਜਨੀਤੀ,
ਡਿੱਠੀ ਬਦਲਦੀ ਕਦੀ ਨਾ ਨੀਤ ਮੀਆਂ।
-ਤੀਸ ਮਾਰ ਖਾਂ
ਮਈ 14, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -