- Advertisement -
ਅੱਜ-ਨਾਮਾ
ਭਿੜ ਰਹੇ ਭੇੜ ਅਕਾਲੀ ਤੇ ਕਾਂਗਰਸੀਏ,
ਨਿੱਜੀ ਮਿਹਣਿਆਂ ਦੀ ਹੁੰਦੀ ਜੰਗ ਬੇਲੀ।
ਆਪਣੇ ਐਬ ਲੁਕਾਉਂਦੀਆਂ ਧਿਰਾਂ ਦੋਵੇਂ,
ਅਸਤੀਫੇ ਦੂਸਰੇ ਦੇ ਛੱਡਣ ਮੰਗ ਬੇਲੀ।
ਦੋਵੇਂ ਆਖਣ ਇਹ ਨਿੱਤ ਵਿਰੋਧੀਆਂ ਨੂੰ,
ਆਵੇ ਤੁਸਾਂ ਨੂੰ ਸ਼ਰਮ ਨਹੀਂ ਸੰਗ ਬੇਲੀ।
ਵਿੱਚੋਂ ਲੱਭਾ ਬਿਆਨਾਂ ਦੇ ਕੱਖ ਵੀ ਨਹੀਂ,
ਫੋਕੇ ਜ਼ਹਿਰ ਤੋਂ ਬਿਨਾਂ ਹਨ ਡੰਗ ਬੇਲੀ।
ਨਾਟਕ ਜਿਹਾ ਇਹ ਜਾਪਦੇ ਕਰਨ ਰੁੱਝੇ,
ਸੁਣਦੀ ਖਾਲੀ ਬਿਆਨਾਂ ਦੀ ਖੱਪ ਬੇਲੀ।
ਰਾਜਨੀਤੀ ਵੀ ਏਦਾਂ ਦੇ ਹਰਬਿਆਂ `ਚ,
ਜਾਪਣ ਲੱਗੀ ਆ ਸਿਰੇ ਦੀ ਗੱਪ ਬੇਲੀ।
-ਤੀਸ ਮਾਰ ਖਾਂ
ਜੁਲਾਈ 24, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
