ਯੈੱਸ ਪੰਜਾਬ
ਜਲੰਧਰ, 27 ਅਕਤੂਬਰ, 2020:
ਜਲੰਧਰ ਪੱਛਮੀ ਤੋਂ ਕਾਂਗਰਸ ਪਾਰਟੀ ਦੇ ਵਿਧਾਇਕ ਸ੍ਰੀ ਸੁਸ਼ੀਲ ਰਿੰਕੂ ਦੀ ਕਾਰ ਮੰਗਲਵਾਰ ਨੂੰ ਭਿਆਨਕ ਸੜਕ ਹਾਦਸੇ ਦਾ ਸ਼ਿਕਾਰ ਹੋ ਗਈ ਪਰ ਚੰਗੇ ਭਾਗੀਂ ਉਹ ਵਾਲ ਵਾਲ ਬਚ ਗਏ।
ਘਟਨਾ ਨਵਾਂਸ਼ਹਿਰ-ਬਲਾਚੌਰ ਰੋਡ ’ਤੇ ਪਿੰਡ ਜਾਡਲਾ ਕੋਲ ਵਾਪਰੀ ਜਦ ਇਕ ਟਰੈਕਟਰ ਨਾਲ ਦੋ ਟਰਾਲੀਆਂ ਖਿੱਚੀ ਜਾਂਦੇ ਚਾਲਕ ਨੇ ਅਚਾਨਕ ਮੋੜ ਕੱਟ ਲਿਆ। ਸ੍ਰੀ ਰਿੰਕੂ ਅੱਜ ਚੰਡੀਗੜ੍ਹ ਵਿਖ਼ੇ ਹੋਣ ਵਾਲੀ ਇਥ ਮੀਟਿੰਗ ਵਿੱਚ ਭਾਗ ਲੈਣ ਲਈ ਜਲੰਧਰ ਤੋਂ ਚੰਡੀਗੜ੍ਹ ਜਾ ਰਹੇ ਸਨ।
ਸਵੇਰੇ ਲਗਪਗ 10 ਵਜੇ ਵਾਪਰੇ ਇਸ ਹਾਦਸੇ ਵਿੱਚ ਉਨ੍ਹਾਂ ਦੀ ਫ਼ਾਰਚੂਨਰ ਗੱਡੀ ਬਹੁਤ ਬੁਰੀ ਤਰ੍ਹਾਂ ਨੁਕਸਾਨੀ ਗਈ। ਗੱਡੀ ਦੀ ਫਰੰਟ ਸੀਟ ’ਤੇ ਬੈਠੇ ਸ੍ਰੀ ਰਿੰਕੂ ਵੱਲੋਂ ਸੀਟ ਬੈਲਟ ਲਗਾਏ ਹੋਣ ਕਾਰਨ ਕਾਫ਼ੀ ਬਚਾਅ ਰਿਹਾ ਪਰ ਫ਼ਿਰ ਵੀ ਉਨ੍ਹਾਂ ਦੀ ਛਾਤੀ ’ਤੇ ਦਾਬ ਆਈ ਹੈ ਜਦਕਿ ਉਨ੍ਹਾਂ ਦਾ ਡਰਾਈਵਰ ਵਿੱਕੀ, ਇਕ ਗੰਨਮੈਨ ਵਿਕਰਮ ਅਤੇ ਗੱਡੀ ਵਿੱਚ ਹਾਜ਼ਰ ਇਕ ਹੋਰ ਕਰਮਚਾਰੀ ਜ਼ਖ਼ਮੀ ਹੋ ਗਏ।
ਇਲਾਜ ਲਈ ਸ੍ਰੀ ਰਿੰਕੂ ਅਤੇ ਹੋਰਨਾਂ ਨੂੰ ਨਵਾਂਸ਼ਹਿਰ ਦੇ ਆਈ.ਵੀ.ਵਾਈ.ਹਸਪਤਾਲ ਵਿਖ਼ੇ ਲਿਆਂਦਾ ਗਿਆ ਹੈ ਜਿੱਥੇ ਸ੍ਰੀ ਰਿੰਕੂ ਦੀ ਛਾਤੀ ਦਾ ਸਕੈਨ ਆਦਿ ਕੀਤਾ ਜਾ ਰਿਹਾ ਹੈ। ਡਰਾਈਵਰ ਕੁਝ ਜ਼ਿਆਦਾ ਜ਼ਖ਼ਮੀ ਦੱਸਿਆ ਜਾ ਰਿਹਾ ਹੈ, ਜਿਸਦਾ ਇੱਥੇ ਹੀ ਇਲਾਜ ਕੀਤਾ ਜਾ ਰਿਹਾ ਹੈ।
ਜਲੰਧਰ ਦੇ ਡਿਪਟੀ ਮੇਅਰ ਸ੍ਰੀ ਸਿਮਰਨਜੀਤ ਸਿੰਘ ਬੰਟੀ ਨੇ ਦੱÎਸਆ ਕਿ ਸ੍ਰੀ ਰਿੰਕੂ ਦਾ ਬਚਾਅ ਹੋ ਗਿਆ ਹੈ ਅਤੇ ਉਨ੍ਹਾਂ ਦੀ ਹਾਲਤ ਖ਼ਤਰੇ ਤੋਂ ਬਾਹਰ ਹੈ।
ਇਸ ਨੂੰ ਵੀ ਪੜ੍ਹੋ:
ਕਿਰਨਜੋਤ ਕੌਰ ਦਾ ਤੀਰ ਨਿਸ਼ਾਨੇ ਲੱਗਾ, ਜਗੀਰ ਕੌਰ ਨੇ ਕੀਤਾ ਵੱਡਾ ‘ਫ਼ੇਰਬਦਲ’ ਤੇ ਹੋਰ ਨਿਯੁਕਤੀਆਂ
ਇਸ ਨੂੰ ਵੀ ਪੜ੍ਹੋ:
ਡੀ.ਐਸ.ਪੀ. ਗ੍ਰਿਫ਼ਤਾਰ: ਬਲੈਕਮੇਲ ਕਰਕੇ ਏ.ਐਸ.ਆਈ. ਦੀ ਪਤਨੀ ਦਾ ਜਿਨਸੀ ਸ਼ੋਸ਼ਣ ਕਰਨ ਦੇ ਲੱਗੇ ਦੋਸ਼
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
