ਯੈੱਸ ਪੰਜਾਬ
ਚੰਡੀਗੜ੍ਹ, ਸਤੰਬਰ 22, 2021 –
ਭਾਰਤ ਸੰਚਾਰ ਨਿਗਮ ਲਿਮਟਿਡ (ਬੀਐਸਐਨਐਲ), ਪੰਜਾਬ ਸਰਕਲ ਨੂੰ ਟੈਲੀਫੋਨ ਐਕਸਚੇਂਜ ਇਮਾਰਤ ਲੀਲਾ ਭਵਨ ਦੇ ਦੂਜੇ ਇਨਾਮ ਲਈ ਚੁਣਿਆ ਗਿਆ ਹੈ। ਇਹ ਐਵਾਰਡ ਵਪਾਰਕ ਇਮਾਰਤਾਂ ਦੀ ਸ੍ਰੇਣੀ, ਦਫਤਰਾਂ ਦੀ ਉਪ ਸ੍ਰੇਣੀ-ਸਰਕਾਰੀ ਅਤੇ ਪ੍ਰਾਈਵੇਟ ਇਮਾਰਤਾਂ ਅਧੀਨ ਸੂਬਾ ਪੱਧਰੀ ਐਨਰਜੀ ਕੰਜ਼ਰਵੇਸ਼ਨ ਐਵਾਰਡ ਮੁਕਾਬਲੇ 2020 ਲਈ ਪਿਛਲੇ ਦੋ ਸਾਲਾਂ 2018-19 ਅਤੇ 2019-20 ਦੌਰਾਨ ਊਰਜਾ ਦੀ ਕੁਸ਼ਲ ਵਰਤੋਂ, ਪ੍ਰਬੰਧਨ ਅਤੇ ਸੰਭਾਲ ਲਈ ਵਾਧੂ ਯਤਨ ਕਰਨ ਲਈ ਦਿੱਤਾ ਗਿਆ ਹੈ।
ਅੱਜ ਬੀਐਸਐਨਐਲ ਸੀਜੀਐਮਟੀ ਦਫਤਰ ਚੰਡੀਗੜ ਵਿੱਚ ਪੰਜਾਬ ਟੈਲੀਕਾਮ ਸਰਕਲ ਦੀ ਤਰਫੋਂ ਇੱਕ ਮੀਟਿੰਗ ਦੌਰਾਨ ਮੁੱਖ ਜਨਰਲ ਮੈਨੇਜਰ ਸ. ਸੰਦੀਪ ਦੀਵਾਨ ਨੇ ਪੰਜਾਬ ਊਰਜਾ ਵਿਕਾਸ ਅਥਾਰਟੀ ਵੱਲੋਂ ਮਿਲੇ 30,000/- ਰੁਪਏ ਦੀ ਪੁਰਸਕਾਰ ਰਾਸ਼ੀ ਦੇ ਚੈਕ ਸਮੇਤ ਸਰਟੀਫੀਕੇਟ ਸੁਸ਼ੀਲ ਕੁਮਾਰ ਮਿਸ਼ਰਾ ਡਾਇਰੈਕਟਰ (ਸੀਐਮ), ਬੀਐਸਐਨਐਲ ਕਾਰਪੋਰੇਟ ਦਫਤਰ ਨਵੀਂ ਦਿੱਲੀ ਨੂੰ ਦਿੱਤਾ।
ਸ੍ਰੀ ਸੁਸ਼ੀਲ ਕੁਮਾਰ ਮਿਸ਼ਰਾ ਨੇ ਊਰਜਾ ਸੰਭਾਲ ਸਰਗਰਮੀਆਂ ਦੇ ਖੇਤਰ ਵਿੱਚ ਸ਼ਾਨਦਾਰ ਯਤਨਾਂ ਲਈ ਬੀਐਸਐਨਐਲ ਦੇ ਚੇਅਰਮੈਨ ਅਤੇ ਪ੍ਰਬੰਧ ਨਿਰਦੇਸ਼ਕ ਵਲੋਂ ਜਾਰੀ ਪ੍ਰਸ਼ੰਸਾ ਪੱਤਰ ਸੰਦੀਪ ਦੀਵਾਨ ਸੀ.ਜੀ.ਐਮ.ਟੀ. ਪੰਜਾਬ ਸਰਕਲ ਅਤੇ ਸ੍ਰੀ. ਅਵਿਨਾਸ਼ ਕੁਮਾਰ ਸ਼ੁਕਲਾ ਸੀਨੀਅਰ ਚੀਫ ਇੰਜੀਨੀਅਰ (ਈ) ਬੀਐਸਐਨਐਲ ਪੰਜਾਬ ਸਰਕਲ ਨੂੰ ਸੌਂਪਿਆ।
ਸ੍ਰੀ ਅਵੀਨਾਸ਼ ਕੁਮਾਰ ਸ਼ੁਕਲਾ ਨੇ ਪੇਸ਼ਕਾਰੀ ਦੌਰਾਨ ਵੱਖ -ਵੱਖ ਖਰਚਿਆਂ ਦੇ ਉਪਾਵਾਂ ਜਿਵੇਂ ਕਿ ਇਕਰਾਰਨਾਮੇ ਦੀ ਮੰਗ ਨੂੰ ਤਰਕਸੰਗਤ ਬਣਾਉਣ, ਬਿਜਲੀ ਦੇ ਬਿੱਲਾਂ ਦੀ ਪੂਰੀ ਪੜਤਾਲ, ਬੀਐਸਐਨਐਲ ਵਿੱਚ ਊਰਜਾ ਐਪ ਨੂੰ ਲਾਗੂ ਕਰਨ ਅਤੇ ਗੈਰ ਰਵਾਇਤੀ ਊਰਜਾ ਸਰੋਤਾਂ ਦੀ ਵਰਤੋਂ ਅਤੇ ਬੀਐਸਐਨਐਲ ਵਿੱਚ ਸੂਰਜੀ ਊਰਜਾ ਪ੍ਰਣਾਲੀ ਆਦਿ ਜਿਸ ਦੇ ਨਤੀਜੇ ਵਜੋਂ ਬੀਐਸਐਨਐਲ ਪੰਜਾਬ ਸਰਕਲ ਦੀ ਬਿਜਲੀ ਅਤੇ ਬਾਲਣ ਖਰਚੇ ਵਿੱਚ ਸਲਾਘਾਯੋਗ ਬੱਚਤ ਹੋਈ ਬਾਰੇ ਜਾਣਕਾਰੀ ਦਿੱਤੀ।
ਸ੍ਰੀ ਸੁਸ਼ੀਲ ਕੁਮਾਰ ਮਿਸ਼ਰਾ ਡਾਇਰੈਕਟਰ (ਸੀਐਮ) ਨੇ ਊਰਜਾ ਸੰਭਾਲ ਦੇ ਖੇਤਰ ਵਿੱਚ ਪੰਜਾਬ ਸਰਕਲ ਦੇ ਸਾਰੇ ਬੀਏਜ਼ ਦੇ ਨਾਲ ਤਾਲਮੇਲ ਕਰਕੇ ਇਲੈਕਟ੍ਰੀਕਲ ਵਿੰਗ ਦੁਆਰਾ ਕੀਤੇ ਗਏ ਯਤਨਾਂ ਦੀ ਸ਼ਲਾਘਾ ਕੀਤੀ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ