- Advertisement -
ਯੈੱਸ ਪੰਜਾਬ
ਕਰਨਾਲ, 24 ਨਵੰਬਰ, 2020:
ਸ਼ਰਾਬ ਦੇ ਨਸ਼ੇ ਵਿੱਚ ਧੁੱਤ ਇਕ ਬਾਪ ਨੇ ਘਰੇਲੂ ਲੜਾਈ ਦੇ ਚੱਲਦਿਆਂ ਆਪਣੇ ਤਿੰਨ ਮਾਸੂਮ ਬੱਚਿਆਂ ਨੂੰ ਇਕ ਨਹਿਰ ਵਿੱਚ ਸੁੱਟ ਦਿੱਤਾ।
ਇਹ ਖ਼ੌਫ਼ਨਾਕ ਅਤੇ ਸ਼ਰਮਨਾਕ ਘਟਨਾ ਸੋਮਵਾਰ ਨੂੰ ਹਰਿਆਣਾ ਦੇ ਕਰਨਾਲ ਵਿੱਚ ਸਥਿਤ ਪਿੰਡ ਨਾਲੀਪਾਰ ਵਿਖ਼ੇ ਵਾਪਰੀ ਜਿੱਥੇ ਸੁਸ਼ੀਲ ਕੁਮਾਰ ਨਾਂਅ ਦੇ ਵਿਅਕਤੀ ਨੇ ਆਪਣੀ ਪਤਨੀ ਨਾਲ ਹੋਏ ਝਗੜੇ ਤੋਂ ਬਾਅਦ ਆਪਣੇ ਤਿੰਨ, ਪੰਜ ਅਤੇ ਅੱਠ ਸਾਲ ਦੇ ਬੱਚਿਆਂ ਨੂੰ ਨਹਿਰ ਵਿੱਚ ਸੁੱਟ ਦਿੱਤਾ।
ਜੂਸ ਵੇਚਣ ਦਾ ਕੰਮ ਕਰਦੇ ਸੁਸ਼ੀਲ ਕੁਮਾਰ ਨੇ ਖ਼ੁਦ ਆਪਣੇ ਘਰ ਜਾ ਕੇ ਇਹ ਖ਼ਬਰ ਸੁਣਾਈ ਕਿ ਉਹ ਤਿੰਨਾਂ ਬੱਚਿਆਂ ਨੂੰ ਨਹਿਰ ਵਿੱਚ ਰੋੜ੍ਹ ਆਇਆ ਹੈ।
ਸੂਚਨਾ ਦਿੱਤੇ ਜਾਣ ’ਤੇ ਪੁਲਿਸ ਮੌਕੇ ’ਤੇ ਪੁੱਜੀ ਅਤੇ ਬੱਚਿਆਂ ਨੂੰ ਬਚਾਉਣ ਲਈ ਗੋਤਾਖ਼ੋਰਾਂ ਦੀ ਮਦਦ ਲਈ ਜਾ ਰਹੀ ਹੈ ਪਰ ਖ਼ਬਰ ਲਿਖ਼ੇ ਜਾਣ ਤਕ ਗੋਤਾਖ਼ੋਰਾਂ ਦੇ ਹੱਥ ਕੋਈ ਸਫ਼ਲਤਾ ਨਹੀਂਲੱਗੀ ਹੈ।
- Advertisement -