ਯੈੱਸ ਪੰਜਾਬ
ਜਲੰਧਰ, ਮਾਰਚ 7, 2021:
ਅੱਜ ਦਮਨਵੀਰ ਸਿੰਘ ਫਿਲੌਰ ਵਲੋਂ ਇੱਕ ਪ੍ਰੈਸ ਕਾਨਫਰੰਸ ਕਰਦਿਆ ਬਾਦਲ ਪਰਿਵਾਰ ਵਲੋਂ ਪੂਰੇ ਪੰਜਾਬ ਵਿੱਚ ਇਸ 8 ਮਾਰਚ ਨੂੰ ਕੀਤੇ ਜਾਣ ਵਾਲੇ ਰੋਸ ਧਰਨੇ ਮਾਰਚ ਨੂੰ ਰਾਜਨੀਤਿਕ ਡਰਾਮਾ ਦਸਿਆ। ਉਹਨਾਂ ਕਿਹਾ ਕਿ ਜਿਹੜੀਆਂ ਵੀ ਸਮੱਸਿਆਵਾਂ ਜਾ ਮੁਦਿਆਂ ਨੂੰ ਲੈ ਕੇ ਬਾਦਲ ਪਰਿਵਾਰ 8 ਮਾਰਚ ਨੂੰ ਰੋਸ ਮਾਰਚ ਕਰਨ ਦੀ ਤਿਆਰੀ ਵਿੱਚ ਹੈ, ਉਹ ਸਾਰੀਆਂ ਸਮੱਸਿਆਵਾਂ ਬਾਦਲ ਪਰਿਵਾਰ ਦੀ ਸੌੜੀ ਰਾਜਨੀਤੀ ਤੋਂ ਹੀ ਪੈਦਾ ਹੋਈਆਂ ਹਨ।
ਉਹਨਾਂ ਕਿਹਾ ਕਿ 10 ਸਾਲ ਅਕਾਲੀ ਦਲ ਨੇ ਪੰਜਾਬ ਨੂੰ ਰੱਜ ਕੇ ਲੁਟਿਆਂ,ਕੁਟਿਆ ਅਤੇ ਹਰ ਸੈਕਟਰ ਅੰਦਰ ਆਪਣੀ ਏਕਾਧਿਕਾਰ ਜਮਾਉਣ ਦੇ ਨਾਲ ਨਾਲ ਖੋਖਲਾ ਕੀਤਾ ਜਿਸ ਵਿੱਚ ਟਰਾਂਸਪੋਰਟ, ਸ਼ਰਾਬ ਅਤੇ ਰੇਤ ,ਕੇਬਲ ਆਦਿ ਸੈਕਟਰ ਹਨ।
ਉਹਨਾਂ ਅੱਗੇ ਕਿਹਾ ਕਿ ਪੰਜਾਬ ਦੇ ਪੈਸੇ ਨੂੰ ਬਾਦਲਾਂ ਵਲੋਂ divert ਕਰਕੇ ਆਪਣੇ ਨਿੱਜੀ ਹਿੱਤਾਂ ਲਈ ਵਰਤਿਆ ਗਿਆ ਅਤੇ ਬਾਦਲ ਪੰਜਾਬ ਦੇ ਅੰਬਾਨੀ ਬਣ ਗਿਆ ।
ਉਹਨਾਂ ਕਿਹਾ ਕਿ ਜਿਹੜਾ ਪੈਸਾ ਗਰੀਬਾਂ ਦੇ ਭਲੇ ਲਈ ਜਿਵੇਂ ਸ਼ਗਨ ਸਕੀਮ,ਬੁਢਾਪਾ ਸਕੀਮ,ਸਕਲਰਸ਼ਿਪ ਸਕੀਮ ਲਈ ਵਰਤਿਆ ਜਾਣਾ ਸੀ, ਉਹ ਪੈਸਾ ਬਾਦਲਾਂ ਨੇ ਹੜੱਪ ਕੇ ਸਰੇਆਮ ਪੰਜ ਤਾਰਾ ਹੋਟਲਾਂ ਜਿਨ੍ਹਾਂ ਵਿੱਚ trident, Oberoi,Sukhvillas,ਨਿੱਜੀ ਟ੍ਰਾੰਸਪੋਰਟ ਕੰਪਨੀਆਂ ਓਰਬਿਟ ਹਵਾਬਾਜ਼ੀ, ਤਾਜ ਟਰੈਵਲ, ਡੱਬਵਾਲੀ ਟ੍ਰਾੰਸਪੋਰਟ ਕੰਪਨੀ, ਮੀਡਿਆ ਕੰਪਨੀ ਜੀ next ਮੀਡਿਆ ਪ੍ਰਾਈਵੇਟ ਕੰਪਨੀ ,ਮਹਿਲ ਨੁਮਾ ਘਰ, ਮਹਿੰਗੀਆਂ ਗੱਡੀਆਂ, ਪ੍ਰਾਈਵੇਟ ਜੈਟ ਲੈ ਆਪਣੀ ਐਸੋ ਅਰਾਮ ਲਈ ਵਰਤ ਲਿਆ।
ਮਨਪ੍ਰੀਤ ਬਾਦਲ ਨੇ ਵਿਧਾਨ ਸਭਾ ਵਿੱਚ ਬੋਲਦਿਆਂ ਕਿਹਾ ਸੀ ਕਿ ਮਜੀਠੀਆ ਪਰਿਵਾਰ ਨੇ ਕਿਸ਼ਤਾਂ ‘ਤੇ ਖਰੀਦੀ ਕਾਰ ਉਸ ਸਮੇਂ ਦਿੱਤੀ ਸੀ ਜਦੋਂ ਮਜੀਠੀਆ ਦੀ ਭੈਣ(ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ)ਦਾ ਵਿਆਹ ਬਾਦਲ ਪਰਿਵਾਰ ਵਿਚ ਹੋਇਆ ਸੀ ਅਤੇ ਮਜੀਠੀਆ ਹੁਣ ਕਰੋੜਾਂ ਰੁਪਏ ਦੀਆਂ ਕਾਰਾਂ ਵਿਚ ਸਫ਼ਰ ਕਰ ਰਹੇ ਹਨ, ਫਿਲੌਰ ਨੇ ਕਿਹਾ। ਉਹਨਾਂ ਅੱਗੇ ਆਖਿਆ ਕਿ ਮਨਪ੍ਰੀਤ ਬਾਦਲ ਕੋਲ ਵੀ ਸੁਖਬੀਰ ਬਾਦਲ ਦੇ ਬਰਾਬਰ ਪੁਸ਼ਤੈਨੀ ਜਾਇਦਾਦ ਸੀ, ਫੇਰ ਸੁਖਬੀਰ ਕਿਹੜੀ ਗਿਦੱੜਸਿੰਘੀ ਨਾਲ ਏਨਾ ਧਨ ਇਕੱਠਾ ਕਰ ਗਿਆ।
ਉਹਨਾਂ ਖਾਸ ਤੋਰ ਤੇ ਇੰਫੋਰਸਮੈਂਟ ਡਾਇਰੈਕਟਰ ਅੱਗੇ ਬਿੱਟੂ ਔਲਖ ਦੀ ਸਟੇਟਮੈਂਟ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਉਸ ਸਟੇਟਮੈਂਟ ਵਿੱਚ ਬਿੱਟੂ ਨੇ ਆਨ ਰਿਕਾਰਡ ਕਿਹਾ ਕਿ ਪੰਜਾਬ ਦੇ ਗੈਰ-ਕਾਨੂੰਨੀ ਰੇਤਾ ਦਾ ਧੰਦਾ ਬਿਕਰਮ ਮਜੀਠੀਆ ਦੀ ਦੇਖ ਰੇਖ ਹੇਠ ਹੁੰਦਾ ਹੈ ਜਿਸਦੀ ਕਲੈਕਸ਼ਨ ਰੋਜ਼ੀ ਬਰਕੰਦੀ ਕਰਦਾ ਹੈ। ਉਸਨੇ ਮਜੀਠੀਆ ਦੇ ਸ਼ਰਾਬ ਦੇ ਕੰਮ ਬਾਰੇ ਵੀ ਸਟੇਟਮੈਂਟ ਵਿੱਚ ਜਿਕਰ ਕੀਤਾ ਹੈ।
ਉਹਨਾਂ ਕਿਹਾ ਕਿ ਧਰਨੇ ਵਾਲੀ ਡਰਾਮੇਬਾਜ਼ੀ ਤੋਂ ਉੱਪਰ ਉੱਠ ਕੇ ਬਾਦਲ ਤੇ ਮਜੀਠੀਆ ਪਰਿਵਾਰ ਗੈਰ-ਕਾਨੂੰਨੀ ਢੰਗ ਨਾਲ ਬਣਾਈ ਪ੍ਰਾਪਰਟੀ ਪੰਜਾਬ ਸਰਕਾਰ ਨੂੰ ਸੌਂਪ ਦੇਣ ਤਾਂ ਜੋ ਸੂਬੇ ਦੇ ਵਿਕਾਸ ਵਿੱਚ ਵਾਧਾ ਹੋਵੇ ਅਤੇ ਗਰੀਬ ਵਰਗ ਦਾ ਭਲਾ ਹੋਣ ਦੇ ਨਾਲ ਨਾਲ ਵੱਧ ਰਹੀ ਮਹਿੰਗਾਈ ਨੂੰ ਨੱਥ ਪਾਈ ਜਾਵੇ।
ਅੰਤ ਉਹਨਾਂ ਮੁੱਖ ਮੰਤਰੀ ਪੰਜਾਬ ਨੂੰ ਅਪੀਲ ਕੀਤੀ ਕਿ ndps ਐਕਟ, ਕੁਰੱਪਸ਼ਨ ਐਕਟ,ਆਮਦਨ ਤੋਂ ਜ਼ਿਆਦਾ ਸੰਪਤੀ ਦੇ ਐਕਟ ਅਧੀਨ ਬਾਦਲ ਅਤੇ ਮਜੀਠੀਆ ਪਰਿਵਾਰ ਦੀ ਧੋਖੇ ਨਾਲ ਬਣਾਈ ਪ੍ਰਾਪਰਟੀ ਅਤੇ ਧਨ ਨੂੰ ਜਲਦੀ ਹੀ ਜ਼ਬਤ ਕੀਤਾ ਜਾਵੇ ਤਾਂ ਜੋ ਪੰਜਾਬ ਦੇ ਰੇਵੈਨਿਓ ਵਿੱਚ ਵਾਧਾ ਹੋਵੇ ਅਤੇ ਪੰਜਾਬ ਦੇ ਲੋਕਾਂ ਨੂੰ ਸੁੱਖ ਦਾ ਸਾਹ ਆਵੇ।
