- Advertisement -
ਅੱਜ-ਨਾਮਾ
ਬਸਪਾ ਵਾਲਿਆਂ ਆਖਰ ਆ ਚੁੱਪ ਤੋੜੀ,
ਉਮੀਦਵਾਰਾਂ ਲਈ ਕੀਤਾ ਐਲਾਨ ਬੇਲੀ।
ਸਹਿਮਤੀ ਚੋਣਾਂ ਦੀ ਨਾਲ ਅਕਾਲੀਆਂ ਦੇ,
ਲਗਦਾ ਹੋਊ ਤਕੜਾ ਇਮਤਿਹਾਨ ਬੇਲੀ।
ਅਕਾਲੀ ਭਾਜਪਾ ਤੋਂ ਟੁੱਟੇ ਸਾਲ ਪਿਛਲੇ,
ਗੋਤੇ ਖਾਂਦੀ ਕੁਝ ਰਹਿੰਦੀ ਜ਼ਬਾਨ ਬੇਲੀ।
ਬਸਪਾ ਆਖਣੀ ਅਜੇ ਉਹ ਭੁੱਲ ਜਾਵਣ,
ਕਰ ਜਾਣ ਭਾਜਪਾ ਦੇ ਗੁਣ-ਗਾਨ ਬੇਲੀ।
ਥੱਕੇ ਟੁੱਟੇ ਜਦ ਸੌਂਦੇ ਈ ਚਾਰ ਘੜੀਆਂ,
ਸੁਫਨਾ ਕਮਲ ਦੇ ਫੁੱਲ ਦਾ ਆਏ ਬੇਲੀ।
ਚੱਲਣ ਹਾਥੀ ਦੇ ਨਾਲ ਨਹੀਂ ਅਜੇ ਗਿੱਝੇ,
ਲਮਕ ਰਹੇ ਦੰਦ ਤੇ ਸੁੰਡ ਡਰਾਏ ਬੇਲੀ।
-ਤੀਸ ਮਾਰ ਖਾਂ
21 ਜਨਵਰੀ, 2022
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -