- Advertisement -
ਅੱਜ-ਨਾਮਾ
ਬਰਮਿੰਘਮ ਵਿੱਚ ਜਵਾਨੀ ਦਾ ਹੜ੍ਹ ਆਇਆ,
ਹਰ ਕੋਈ ਕਰਦਾ ਈ ਪਿਆ ਕਮਾਲ ਮਿੱਤਰ।
ਹਾਕੀ ਖੇਡ ਜਾਂ ਕਰਨ ਕੁਝ ਵੇਟ-ਲਿਫਟਿੰਗ,
ਹਰ ਕੋਈ ਪਾਉਂਦਾ ਹੈ ਬੱਸ ਧਮਾਲ ਮਿੱਤਰ।
ਕੁੜੀਆਂ ਲੰਘਦੀਆਂ ਅੱਗੇ ਹਨ ਛੋਹਰੂਆਂ ਤੋਂ,
ਮਿਲਦੇ ਈ ਛੋਹਰੂ ਵੀ ਭੱਜ ਕੇ ਨਾਲ ਮਿੱਤਰ।
ਖਿਡਾਰੀ ਭਾਰਤ ਦੇ ਖੇਡ ਰਹੇ ਬਹੁਤ ਸੋਹਣਾ,
ਐਤਕੀਂ ਬਣਦੀ ਹੈ ਲੱਗਦੀ ਮਿਸਾਲ ਮਿੱਤਰ।
ਕਾਕਿਆਂ-ਕਾਕੀਆਂ ਨੇ ਕੋਈ ਨਾ ਕਸਰ ਛੱਡੀ,
ਤਮਗੇ ਲਿਆਉਣ ਲਈ ਗਏ ਨੇ ਤੁੱਲ ਮਿਤਰ।
ਪਛੜਨ ਲੱਗੇ ਨਹੀਂ ਛੋਹਰ ਇਹ ਕਿਸੇ ਤੋਂ ਵੀ,
ਪਾਵੇ ਸਰਕਾਰ ਇਸ ਮੁੜ੍ਹਕੇ ਦਾ ਮੁੱਲ ਮਿੱਤਰ।
-ਤੀਸ ਮਾਰ ਖਾਂ
ਅਗਸਤ 03, 2022
ਯੈੱਸ ਪੰਜਾਬ ਦੀਆਂ ਪੰਜਾਬੀ ਖ਼ਬਰਾਂ ਲਈ ਇੱਥੇ ਕਲਿੱਕ ਕਰਕੇ ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰੋ
- Advertisement -
