ਯੈੱਸ ਪੰਜਾਬ
ਚੰਡੀਗੜ੍ਹ, ਅਕਤੂਬਰ 20, 2021:
ਵਿਆਹਾਂ ਦਾ ਸੀਜ਼ਨ ਚੱਲ ਰਿਹਾ ਹੈ ਅਤੇ ਪੰਜਾਬੀ ਗਾਇਕਾਂ ਨੂੰ ਅਜਿਹੇ ਮੌਕੇ ਤੇ ਨੱਚਣ ਗਾਉਣ ਵਾਲੇ ਗੀਤ ਬਣਾਉਣ ਦਾ ਮੌਕਾ ਮਿਲਿਆ ਹੈ । ਅੱਜ ਸਵੇਰੇ ਰਿਲੀਜ਼ ਹੋਇਆ ਇੱਕ ਹੋਰ ਗੀਤ, ‘ਨਜ਼ਰਾਂ’ ਸਾਡੇ ਬਹੁਤ ਹੀ ਪਸੰਦੀਦਾ ਪ੍ਰੀਤ ਹਰਪਾਲ ਦੁਆਰਾ ਲਿਖਿਆ ਅਤੇ ਗਾਇਆ ਗਿਆ ਹੈ, ਜਿਸਨੇ ਹਮੇਸ਼ਾਂ ਆਪਣੇ ਰੰਗ ਬਰੰਗੇ ਗੀਤਾਂ ਨਾਲ ਸਾਡੇ ਦਿਲਾਂ ਦੀ ਧੜਕਣ ਵਧਾਈ ਹੈ । ਸਿਰਫ ਇੰਨਾ ਹੀ ਨਹੀਂ, ਕਿਉਂਕਿ ਪੰਜਾਬੀ ਗਾਣੇ ਬਿਨਾਂ ਕਿਸੇ ਰੈਪ ਦੇ ਅਧੂਰੇ ਹਨ, ਕੁਵਰ ਵਿਰਕ ਜੋ ਕਿ ਰੈਪ ਦੇ ਮਾਮਲੇ ‘ਚ ਸਰਬੋਤਮ ਹਨ, ਉਹ ਗਾਣੇ ਵਿੱਚ ਆਪਣਾ ਜਾਦੂ ਅਤੇ ਧਮਾਕੇ ਪਾਉਂਦੇ ਨਜ਼ਰ ਆ ਰਹੇ ਹਨ ।
ਜਿਵੇਂ ਕਿ ਅਸੀਂ ਸਾਰੇ ਵੇਖ ਸਕਦੇ ਹਾਂ ਗਾਣੇ ਦਾ ਵਿਡੀਓ ਅਰਬੀ ਮਾਹੌਲ ਨਾਲ ਸ਼ੁਰੂ ਹੁੰਦਾ ਹੈ ਜਿੱਥੇ ਫੀਮੇਲ ਲੀਡ ਸਵਾਤੀ ਚੌਹਾਨ ਹੂਬਹੂ ਅਰਬੀ ਪਹਿਰਾਵੇ ਵਿੱਚ ਸਜੀ ਹੋਈ ਹੈ ਅਤੇ ਗੀਤ ਦੇ ਅੰਤ ਵਿਚ ਵੈਸਟਰਨ ਲੁਕ ਚ ਵੀ ਨਜ਼ਰ ਆਈ ਹੈ । ਇਹ ਵੀਡੀਓ ਟੀਮ ਡੀਜੀ ਦੁਆਰਾ ਬਣਾਇਆ ਗਿਆ ਹੈ ਜੋ ਕਿ ਨਿੰਜਾ ਦੇ ਗੀਤ ‘ਆਦਤ ਵੇ’ ਵਰਗੇ ਪ੍ਰੋਜੈਕਟਾਂ ਲਈ ਜਾਣੇ ਜਾਂਦੇ ਹਨ । ਜਿਵੇਂ ਕਿ ਦਰਸ਼ਕ ਪਹਿਲਾਂ ਉਨ੍ਹਾਂ ਦੇ ਨਿਰਦੇਸ਼ਨ ਨੂੰ ਪਿਆਰ ਕਰ ਚੁੱਕੇ ਹਨ, ਉਸੇ ਤਰ੍ਹਾਂ, ਇਸ ਗਾਣੇ ਦੀ ਵੀ ਸਾਰਿਆਂ ਦੁਆਰਾ ਪ੍ਰਸ਼ੰਸਾ ਜ਼ਰੂਰ ਕੀਤੀ ਜਾਏਗੀ ।
“ਨਜ਼ਰਾਂ ਤਾਂ ਕਦੋਂ ਦੀ ਲੱਗ ਜਾਣੀਆਂ ਸੀ ਤੈਨੂੰ , ਠੋਡੀ ਵਾਲਾ ਤਿੱਲ ਹੀ ਬਚਾਈ ਜਾਂਦਾ ਏ” ‘ਬਹੁਤ ਵਧੀਆ ਲਿਖਿਤ ਅਤੇ ਸੰਗੀਤ ਨੇ ਇਸਨੂੰ ਹੋਰ ਰੋਮਾਂਚਕ ਬਣਾਇਆ ਹੈ । ਅਰਬੀ ਮਾਹੌਲ ਵਾਲੇ ਕੌਨਸੈਪਟ ਨੇ ਗਾਣੇ ਨੂੰ ਹੋਰ ਆਕਰਸ਼ਕ ਬਣਾਇਆ ਹੈ । ਇਹ ਗੀਤ ਕੁਵਰ ਵਿਰਕ ਵੱਲੋਂ ਗਾਏ ਅਤੇ ਪ੍ਰੋਡਕਸ਼ਨ “ਫਰਾਈਡੇ ਫਨ ਰਿਕਾਰਡਸ” ਦੇ ਅੰਦਰ ਬਣ ਕੇ ਸਾਹਮਣੇ ਆਇਆ ਹੈ । ਜੇਕਰ ਹਾਲੇ ਵੀ ਤੁਸੀਂ ਇਸ ਗੀਤ ਨੂੰ ਨਹੀਂ ਸੁਣਿਆ ਤਾਂ ਹੁਣੇ ਜਾ ਕੇ ਯੂਟਿਊਬ ਤੇ ਗੀਤ ਨੂੰ ਸੁਣੋ ਤੇ ਇਸਦਾ ਅਨੰਦ ਲਓ ।
ਪ੍ਰੀਤ ਹਰਪਾਲ ਨੇ ਕਿਹਾ “ਮੈਂ ਅਤੇ ਕੁਵਰ ਵਿਰਕ ਇਸ ਗਾਣੇ ਨੂੰ ਲੈ ਕੇ ਹਮੇਸ਼ਾ ਉਤਸ਼ਾਹਿਤ ਰਹੇ ਹਾਂ, ਇਸ ਲਈ ਅਸੀਂ ਇਹ ਗਾਣਾ ਚਾਰ ਸਾਲ ਪਹਿਲਾਂ ਪੂਰਾ ਕੀਤਾ ਸੀ। ਮੈਂ ਹਮੇਸ਼ਾਂ ਜਾਣਦਾ ਸੀ ਕਿ ਇਸ ਗਾਣੇ ਦੀ ਸ਼ੈਲੀ ਉਨ੍ਹਾਂ ਗੀਤਾਂ ਦੀ ਕਿਸਮ ਤੋਂ ਵੱਖਰੀ ਹੈ ਜੋ ਕਿ ਅੱਜ ਵਜਾਏ ਅਤੇ ਪਸੰਦ ਕੀਤੇ ਜਾਂਦੇ ਹਨ, ਪਰ ਉਸ ਚੱਕਰ ਵਿਚ ਮੈਂ ਆਪਣੀ ਲਿਖਣ ਸ਼ੈਲੀ ਨੂੰ ਕਦੀ ਵੀ ਨਹੀਂ ਬਦਲਣਾ ਚਾਹੁੰਦਾ ਸੀ । ਇਸ ਲਈ ਇਹ ਗਾਣਾ ਤੁਹਾਡੇ ਸਾਰਿਆਂ ਵਿਚ ਹਾਜ਼ਿਰ ਹੈ, ਮੈਂ ਇਸ ਗਾਣੇ ਨੂੰ ਇਸਦੀ ਮੰਜ਼ਿਲਾਂ ‘ਤੇ ਪਹੁੰਚਦਾ ਵੇਖ ਕੇ ਖੁਸ਼ ਹਾਂ । ਮੈਂ ਆਪਣੇ ਪ੍ਰਸ਼ੰਸਕਾਂ ਦਾ ਧੰਨਵਾਦ ਕਰਦਾ ਹਾਂ ਕਿ ਉਹ ਮੈਨੂੰ ਅਤੇ ਮੇਰੇ ਗੀਤਾਂ ਨੂੰ ਪਿਆਰ ਕਰਦੇ ਹਨ, ਸਹਿਯੋਗ ਦਿੰਦੇ ਰਿਹਾ ਕਰੋ ਹਮੇਸ਼ਾ । “
ਫ੍ਰਾਈਡੇ ਫਨ ਰਿਕਾਰਡਜ਼ ਦੇ ਮਾਲਕ ਦੀਪਕ ਬਾਲੀ ਨੇ ਕਿਹਾ, “ਅਸੀਂ ਪ੍ਰੀਤ ਹਰਪਾਲ ਤੇ ਕੁਵਰ ਵਿਰਕ ਦਾ ਸਹਿਯੋਗ ਕਰਨ ਲਈ ਬਹੁਤ ਉਤਸ਼ਾਹਿਤ ਹਾਂ। ਇਹ ਇੱਕ ਪ੍ਰੀਤ ਹਰਪਾਲ ਦੀ ਸੁਰੀਲੀ ਆਵਾਜ਼ ਵਾਲਾ ਇੱਕ ਵੱਡਾ ਟ੍ਰੈਕ ਹੈ ਅਤੇ ਆਉਣ ਵਾਲੇ ਪਾਰਟੀ ਸੀਜ਼ਨ ਲਈ ਇਹ ਬਿਲਕੁਲ ਤਿਆਰ ਹੈ । ਇਸ ਟ੍ਰੈਕ ਦੇ ਨਾਲ ਫ੍ਰਾਈਡੇ ਫਨ ਰਿਕਾਰਡਜ਼ ਪੰਜਾਬੀ ਸੰਗੀਤ ਉਦਯੋਗ ਵਿੱਚ ਅਗਲੀ ਛਲਾਂਗ ਲਗਾ ਰਿਹਾ ਹੈ ਅਤੇ ਅਗਲੇ ਕੁਝ ਮਹੀਨਿਆਂ ਤੱਕ ਹੋਰ ਗੀਤਾਂ ਦੇ ਉੱਤੇ ਕੰਮ ਚਲਣ ਦੀ ਵੀ ਖਬਰ ਹੈ ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
