ਯੈੱਸ ਪੰਜਾਬ
ਜਲੰਧਰ, 23 ਸਤੰਬਰ, 2021:
ਜਲੰਧਰ-ਪਠਾਨਕੋਟ ਹਾਈਵੇਅ ’ਤੇ ਵੀਰਵਾਰ ਵਾਪਰੇ ਇਕ ਦਰਦਨਾਕ ਹਾਦਸੇ ਵਿੱਚ ਇਕ ਐਕਟਿਵਾ ਸਵਾਰ ਪਿਤਾ ਅਤੇ ਉੇਸਦੇ ਦੋ ਮਾਸੂਮ ਬੱਚਿਆਂ ਦੀ ਮੌਤ ਹੋ ਗਈ ਜਦਕਿ ਪਤਨੀ ਅਤੇ ਇਕ ਹੋਰ ਬੱਚਾ ਜ਼ਖ਼ਮੀ ਹੋ ਗਏ।
ਹਾਈਵੇਅ ’ਤੇ ਇਹ ਹਾਦਸਾ ਭੋਗਪੁਰ ਨੇੜਲੇ ਪਚਰੰਗਾ ਪਿੰਡ ਵਿਖ਼ੇ ਵਾਪਰਿਆ ਜਦ ਇਕ ਐਂਡੇਵਰ ਗੱਡੀ ਦੀ ਇਕ ਐਕਟਿਵਾ ਨਾਲ ਆਹਮੋ ਸਾਹਮਣੇ ਟੱਕਰ ਹੋ ਗਈ। ਟੱਕਰ ਇੰਨੀ ਭਿਆਨਕ ਸੀ ਕਿ ਐਕਟਿਪਵਾ ਦੇ ਪਰਖ਼ਚੇ ਉੱਡ ਗਏ। ਜਾਣਕਾਰੀ ਮਿਲਣ’ਤੇ ਪਚਰੰਗਾ ਦੇ ਬਜ਼ਾਰ ਤੋਂ ਲੋਕ ਹਾਦਸੇ ਵਾਲੀ ਥਾਂ ’ਤੇ ਪੁੱਜੇ ਅਤੇ ਜ਼ਖਮੀਆਂ ਨੂੰ ਨੇੜਲੇ ਇਕ ਢਾਬੇ ’ਤੇ ਲੈ ਗਏ ਜਿੱਥੇ ਪੁੱਜਦਿਆਂ ਤਕ ਹੀ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀ ਮੌਤ ਹੋ ਚੁੱਕੀ ਸੀ। ਸੂਚਨਾ ਮਿਲਣ ’ਤੇ ਹਾਈਵੇਅ ਪੈਅਰੋÇਲੰਗ ਦੀ ਗੱਡੀ ਮੌਕੇ ’ਤੇ ਪੁੱਜੀ ਅਤੇ ਜ਼ਖ਼ਮੀਆਂ ਨੂੰ ਹਸਪਤਾਲ ਪੁਚਾਇਆ ਗਿਆ।
ਮ੍ਰਿਤਕਾਂ ਦੀ ਪਛਾਣ ਸੰਦੀਪ ਉਮਰ 35 ਸਾਲ, ਉਸਦੀ 5 ਸਾਲਾ ਬੇਟੀ ਜੀਵਿਕਾ ਅਤੇ 2 ਸਾਲਾ ਬੇਟੇ ਸਮਰ ਵਜੋਂ ਹੋਈ ਹੈ। ਸੰਦੀਪ ਦੀ ਪਤਨੀ ਜਸਬੀਰ ਕੌਰ ਅਤੇ ਉਸਦੇ ਬੇਟੇ ਗੈਰੀ ਦਾ ਇਲਾਜ ਚੱਲ ਰਿਹਾ ਹੈ। ਹੋਰ ਮੰਦਭਾਗੀ ਖ਼ਬਰ ਇਹ ਹੈ ਕਿ ਇਲਾਜ ਦੌਰਾਨ ਗੈਰੀ ਦਾ ਪੈਰ ਕੱਟਣਾ ਪਿਆ ਹੈ।
ਐਂਡੇਵਰ ਚਾਲਕ ਦਿੱਲੀ ਦਾ ਰਹਿਣ ਵਾਲਾ ਦਸਿਆ ਜਾ ਰਿਹਾ ਹੈਜੋ ਜੰਮੂ ਤੋਂ ਕਿਸੇ ਕੰਪਨੀ ਦੇ ਕੰਮ ਵਾਪਸ ਜਾ ਰਿਹਾ ਸੀ ਜਦਕਿ ਐਕਟਿਵਾ ਸਵਾਰ ਪਿੰਡ ਟਾਂਡਾ ਜੋਧਾ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਰਹਿਣ ਵਾਲੇ ਸਨ ਅਤੇ ਐਕਟਿਵਾ ਚਲਾ ਰਿਹਾ ਵਿਅਕਤੀ ਆਪਣੇ ਸਹੁਰੇ ਸ਼ੱਕਰਪੁਰ ਜਾ ਰਿਹਾ ਸੀ।
ਪੁਲਿਸ ਨੇ ਕਾਰ ਚਾਲਕ ਨੂੂੰ ਗ੍ਰਿਫ਼ਤਾਰ ਕਰ ਲਿਆ ਅਤੇ ਇਸ ਦੁਰਘਟਨਾ ਸੰਬੰਧੀ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ