ਯੈੱਸ ਪੰਜਾਬ
ਚੰਡੀਗੜ੍ਹ, 5 ਮਈ, 2021:
ਪੰਜਾਬ ਅੰਦਰ ਕੋਰੋਨਾ ਦੀ ਦੂਜੀ ਲਹਿਰ ਲਗਾਤਾਰ ਖ਼ਤਰਨਾਕ ਸਾਬਿਤ ਹੋ ਰਹੀ ਹੈ। ਰਾਜ ਅੰਦਰ ਅੱਜ ਮਹਾਂਮਾਰੀ ਨੇ ਨਵੀਂਆਂ ਸਿਖ਼ਰਾਂ ਛੋਂਹਦਿਆਂ ਮੌਤਾਂ ਦੀ ਗਿਣਤੀ ਅਤੇ ਨਵੇਂ ਪਾਜ਼ਿਟਿਵ ਕੇਸਾਂ ਦੇ ਮਾਮਲੇ ਵਿੱਚ ਨਵੇਂ ਰਿਕਾਰਡ ਸਿਰਜੇ ਹਨ।
ਸੂਬੇ ਵਿੱਚ ਪਿਛਲੇ 24 ਘੰਟਿਆਂ ਦੌਰਾਨ 182 ਮੌਤਾਂ ਹੋਈਆਂ ਹਨ ਜਿਸ ਨਾਲ ਰਾਜ ਅੰਦਰ ਹੁਣ ਤਕ ਹੋਈਆਂ ਮੌਤਾਂ ਦੀ ਗਿਣਤੀ 9825 ਹੋ ਗਈ ਹੈ।
ਪਿਛਲੇ 24 ਘੰਟੇ ਵਿੱਚ ਰਾਜ ਅੰਦਰ ਆਏ ਨਵੇਂ 8015 ਕੇਸਾਂ ਦੇ ਨਾਲ ਹੀ ਐਕਟਿਵ ਕੇਸਾਂ ਦੀ ਗਿਣਤੀ ਵਧ ਕੇ 63007 ਹੋ ਗਈ ਹੈ।
ਰਾਜ ਵਿੱਚ ਅੱਜ ਹੋਈਆਂ 182 ਮੌਤਾਂ ਵਿੱਚੋਂ ਸਭ ਤੋਂ 21 ਮੌਤਾਂ ਬਠਿੰਡਾ ਵਿੱਚ ਹੋਈਆਂ ਹਨ। ਲੁਧਿਆਣਾ, ਸੰਗਰੂਰ ਅਤੇ ਪਟਿਆਲਾ ਵਿੱਚ 19-19 ਮੌਤਾਂ ਹੋਣ ਦੀ ਖ਼ਬਰ ਹੈ।
ਅੰਮ੍ਰਿਤਸਰ ਵਿੱਚ 18, ਮੋਹਾਲੀ ਵਿੱਚ 17, ਫਾਜ਼ਿਲਕਾ ਵਿੱਚ 10, ਜਲੰਧਰ ਅਤੇ ਮੁਕਤਸਰ ਵਿੱਚ 9-9, ਹੁਸ਼ਿਆਰਪੁਰ ਵਿੱਚ 7, ਪਠਾਨਕੋਟ ਵਿੱਚ 6, ਬਰਨਾਲਾ , ਕਪੂਰਥਲਾ, ਗੁਰਦਾਸਪੁਰ ਅਤੇ ਫ਼ਰੀਦਕੋਟ ਵਿੱਚ 4-4, ਮਾਨਸਾ ਅਤੇ ਨਵਾਂਸ਼ਹਿਰ ਵਿੱਚ 3-3, ਫਿਰੋਜ਼ਪੁਰ ਅਤੇ ਫ਼ਤਹਿਗੜ ਸਾਹਿਬ ਵਿੱਚ 2-2, ਤਰਨ ਤਾਰਨ ਅਤੇ ਮੋਗਾ ਵਿੱਚ ਇਕ ਇਕ ਵਿਅਕਤੀ ਨੇ ਦਮ ਤੋੜਿਆ।
ਸਭ ਤੋਂ ਜ਼ਿਆਦਾ 1186 ਪਾਜ਼ਿਟਿਵ ਕੇਸ ਲੁਧਿਆਣਾ ਵਿੱਚ ਆਏ। ਮੋਹਾਲੀ ਵਿੱਚ 1056, ਅੰਮ੍ਰਿਤਸਰ ਵਿੱਚ 932, ਜਲੰਧਰ ਵਿੱਚ 838, ਅਤੇ ਪਟਿਆਲਾ ਵਿੱਚ 696, ਪਾਜ਼ਿਟਿਵ ਕੇਸ ਆਏ।
ਸੂਬੇ ਦੇ ਹੋਰ ਵੇਰਵੇ ਅਤੇ ਜ਼ਿਲ੍ਹਾ ਵਾਰ ਸਥਿਤੀ ਜਾਨਣ ਲਈ ਇੱਥੇ ਕਲਿੱਕ ਕਰੋ:
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ