ਯੈੱਸ ਪੰਜਾਬ
ਜਲੰਧਰ, 4 ਮਾਰਚ, 2021 –
ਯੂ.ਐਸ.ਏ. ਤੋਂ ਪ੍ਰਵਾਸੀ ਭਾਰਤੀ ਅਤੇ ਉੱਘੇ ਖੇਡ ਪ੍ਰਮੋਟਰ ਹਰਜਿੰਦਰ ਸਿੰਘ ਲਿੱਧੜ ਨੇ ਕਿਹਾ ਹੈ ਕਿ ਸੁਰਜੀਤ ਹਾਕੀ ਅਕੈਡਮੀ ਦਾ ਹਾਕੀ ਦੀ ਤਰੱਕੀ ਵਿੱਚ ਅਹਿਮ ਯੋਗਦਾਨ ਹੈ ।
ਇਕਬਾਲ ਸਿੰਘ ਸੰਧੂ ਜੋ ਕਿ ਸੁਰਜੀਤ ਹਾਕੀ ਸੁਸਾਇਟੀ ਦੇ ਆਨਰੇਰੀ ਸੈਕਟਰੀ ਹਨ, ਨੇ ਦੱਸਿਆ ਕਿ ਸਥਾਨਕ ਸੁਰਜੀਤ ਹਾਕੀ ਸਟੇਡੀਅਮ ਵਿਖੇ ਸੁਰਜੀਤ ਹਾਕੀ ਸੁਸਾਇਟੀ, ਜਲੰਧਰ ਦੀ ਸੁਰਜੀਤ ਹਾਕੀ ਅਕੈਡਮੀ ਵੱਲੋਂ ਪਿਛਲੇ 5 ਮਹੀਨਿਆ ਤੋਂ ਚਲਾਏ ਜਾ ਰਹੇ ਹਾਕੀ ਕੋਚਿੰਗ ਸੈਂਟਰ ਦਾ ਅੱਜ ਯੂ.ਐਸ.ਏ. ਤੋਂ ਪ੍ਰਵਾਸੀ ਭਾਰਤੀ ਅਤੇ ਉੱਘੇ ਖੇਡ ਪ੍ਰਮੋਟਰ ਹਰਜਿੰਦਰ ਸਿੰਘ ਲਿੱਧੜ ਨੇ ਦੌਰਾ ਕੀਤਾ ।
ਇਸ ਮੌਕੇ ਉੱਪਰ ਹਰਜਿੰਦਰ ਸਿੰਘ ਲਿੱਧੜ, ਜੋ ਜਲੰਧਰ ਜ਼ਿਲ੍ਹੇ ਦੇ ਪਿੰਡ ਲਿੱਧੜਾਂ ਤੋਂ ਹਨ, ਨੇ ਖ਼ਿਡਾਰੀਆਂ ਨੂੰ ਅਸ਼ੀਰਵਾਦ ਦਿੰਦੇ ਹੋਏ ਕਿਹਾ ਕਿ ਇਸ ਹਾਕੀ ਟ੍ਰੇਨਿੰਗ ਸੈਂਟਰ ਵਿਚ 250 ਤੋਂ ਵੱਧ ਖਿਡਾਰੀਆਂ ਦੀ ਸ਼ਮੂਲੀਅਤ ਦੇਖਦੇ ਹੋਏ, ਜਿਸ ਢੰਗ ਨਾਲ ਖਿਡਾਰੀਆਂ ਨੂੰ ਓਲੰਪੀਅਨ ਰਾਜਿੰਦਰ ਸਿੰਘ ਦਰੋਣਾਚਾਰੀਆ ਅਵਾਰਡੀ, ਦਵਿੰਦਰ ਸਿੰਘ ਵਰਗੇ ਤਜ਼ਰਬੇਕਾਰ ਕੋਚਾਂ ਰਾਹੀਂ ਟ੍ਰੇਨਿੰਗ ਦਿੱਤੀ ਜਾ ਰਹੀ ਹੈ, ਅਵੱਸ਼ ਹੀ ਇਸ ਦੇ ਚੰਗੇ ਨਤੀਜੇ ਨਿਲਣਗੇ, ਜਿਸ ਨਾਲ ਜਿੱਥੇ ਪੰਜਾਬ ਦੀ ਹਾਕੀ ਨੂੰ ਫਾਇਦਾ ਹੋਵੇਗਾ ਉੱਥੇ ਭਵਿੱਖ ਵਿਚ ਭਾਰਤੀ ਹਾਕੀ ਨੂੰ ਵੀ ਚੰਗੇ ਖਿਡਾਰੀ ਮਿਲਣਗੇ ।
ਲਿੱਧੜ ਨੇ ਸੁਰਜੀਤ ਹਾਕੀ ਅਕੈਡਮੀ ਦੇ ਸਾਰੇ 250 ਖਿਡਾਰੀਆਂ ਨੂੰ ਖੇਡ ਕਿੱਟਾਂ, ਜਿਸ ਵਿਚ ਟੀ-ਸ਼ਰਟ, ਸ਼ੌਰਟਸ, ਜੁਰਾਬਾਂ, ਸ਼ਿਨ ਗਾਰਡ ਵਗੈਰਾ ਸ਼ਾਮਿਲ ਹੋਣਗੇ, ਦੇਣ ਦਾ ਵੀ ਐਲਾਨ ਕਰਦੇ ਹੋਏ ਕਿਹਾ ਕਿ ਸੁਰਜੀਤ ਹਾਕੀ ਅਕੈਡਮੀ ਦੇ ਇਸ ਹਾਕੀ ਟ੍ਰੇਨਿੰਗ ਸੈਂਟਰ ਦੀ ਬੇਹਤਰੀਨ ਕਰਜਗੁਜ਼ਰੀ ਦੇ ਚਰਚੇ ਕੇਵਲ ਇੰਡੀਆ ਵਿਚ ਹੀ ਨਹੀਂ ਬਲਕਿ ਵਿਦੇਸ਼ਾਂ ਵਿਚ ਵੀ ਪੂਰੇ ਚਰਚੇ ਹਨ ।
ਲਿੱਧੜ ਨੇ ਸਾਰੇ ਮਾਪਿਆਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਬੱਚਿਆਂ ਨੂੰ ਮੁਫਤ ਵਿੱਚ ਹਾਕੀ ਦੀ ਕੋਚਿੰਗ ਲੈਣ ਲਈ ਭੇਜਣ ਅਤੇ ਹਾਕੀ ਦੀ ਖੇਡ ਅਪਣਾਕੇ ਆਪਣੇ ਬੱਚਿਆਂ ਦਾ ਭਵਿੱਖ ਸੁਰੱਖਿਅਤ ਕਰਨ ।
ਇਸ ਮੌਕੇ ਉੱਪਰ ਨੱਥਾ ਸਿੰਘ ਗਾਖਲ, ਬਲਵਿੰਦਰ ਸਿੰਘ ਮਹੇ, ਸਰਪੰਚ, ਲਿੱਧੜ, ਗੌਰਵ ਮਹਾਜਨ, ਬੰਟੀ ਨੀਲਕੰਠ, ਸੁਰਿੰਦਰ ਸਿੰਘ ਭਾਪਾ, ਡਾਇਰੈਕਟਰ (ਸਿਖਲਾਈ), ਸੁਰਜੀਤ ਹਾਕੀ ਅਕੈਡਮੀ, ਹਰਭਜਨ ਸਿੰਘ (ਯੂ.ਐਸ.ਏ.), ਕੁਲਜੀਤ ਸਿੰਘ ਵਗੈਰਾ ਹਾਜ਼ਿਰ ਸਨ ।