- Advertisement -
ਅੱਜ-ਨਾਮਾ
ਪਾਰਟੀ ਆਪ ਜਦ ਲੋਕਾਂ ਦੀ ਰਾਏ ਮੰਗੀ,
ਆਈ ਰਾਏ ਫਿਰ ਬੜੀ ਭਰਪੂਰ ਮੀਆਂ।
ਮਾਨ ਭਗਵੰਤ ਦੀ ਗਈ ਸੀ ਚੜ੍ਹ ਗੁੱਡੀ,
ਵਧ ਗਿਆ ਪਾਰਟੀ ਵਿੱਚ ਸਰੂਰ ਮੀਆਂ।
ਉਤਲੇ ਆਗੂਆਂ ਤੋਂ ਵਰਕਰ ਹੇਠ ਵਾਲੇ,
ਸਾਰੇ ਈ ਖੁਸ਼ੀ ਦੇ ਵਿੱਚ ਨੇ ਚੂਰ ਮੀਆਂ।
ਹਿੱਕਾਂ ਠੋਕ ਕੇ ਸਾਰੇ ਇਹ ਕਹੀ ਜਾਵਣ,
ਬਾਹਲੀ ਜਿੱਤ ਨਾ ਅਸਾਂ ਤੋਂ ਦੂਰ ਮੀਆਂ।
ਉਲਟਾ ਇਹਦਾ ਸੰਕੇਤ ਹੈ ਬਹੁਤ ਵੱਡਾ,
ਏਕਾ ਬਾਕੀ ਦੀਆਂ ਧਿਰਾਂ ਦਾ ਹੋ ਸਕਦੈ।
ਬਾਹਰੋਂ ਆਪਸ ਦਾ ਭੇੜ ਵੀ ਰਹੂ ਜਾਰੀ,
ਅੱਗੋਂ ਕੱਟਾ ਕੋਈ ਗੱਡੇ ਨਾਲ ਜੋ ਸਕਦੈ।
-ਤੀਸ ਮਾਰ ਖਾਂ
ਜਨਵਰੀ 19, 2022
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -