ਯੈੱਸ ਪੰਜਾਬ
ਮੁੰਬਈ, 2 ਦਸੰਬਰ, 2022:
ਅਦਾਕਾਰਾ ਅਤੇ ‘ਡਾਂਸਰ’ ਨੋਰਾ ਫ਼ਤੇਹੀ, ਜਿਸ ਦੀ ਕਤਰ ਵਿੱਚ ਚੱਲ ਰਹੇ ਵਿਸ਼ਵ ਫੁੱਟਬਾਲ ਮੁਕਾਬਲਿਆਂ ਦੌਰਾਨ ‘ਫ਼ੀਫਾ ਫ਼ੈਨ ਫ਼ੈਸਟੀਵਲ’ ਨਾਂਅ ਦੇ ਪ੍ਰੋਗਰਾਮ ਵਿੱਚ ਸ਼ਮੂਲੀਅਤ ਨੂੰ ਮਾਣ ਵਾਲੀ ਗੱਲ ਮੰਨਿਆ ਜਾ ਰਿਹਾ ਸੀ, ਦੀ ਹੁਣ ਅਲੋਚਨਾ ਹੋ ਰਹੀ ਹੈ।
ਉਸਦੀ ਅਲੋਚਨਾ ਦੀ ਵਜ੍ਹਾ ਇਹ ਰਹੀ ਹੈ ਕਿ ਉਸ ਵੱਲੋਂ ਆਪਣੀ ਪੇਸ਼ਕਾਰੀ ਦੌਰਾਨ ਸਟੇਜ ’ਤੋਂ ਭਾਰਤੀ ਤਿਰੰਗਾ ਆਪਣੇ ਹੱਥਾਂ ਵਿੱਚ ਉਲਟਾ ਫ਼ੜ ਕੇ ਲਹਿਰਾਇਆ ਗਿਆ।
ਵੀਡਓਵਿੱਚ ਨੋਰਾ ਪੁੱਠਾ ਝੰਡਾ ਫੜੀ ‘ਜੈ ਹਿੰਦ ਜ਼ੋਰ ਸੇ, ਜ਼ੋਰ ਸੇ ਜੈ ਹਿੰਦ’ ਕਹਿੰਦੀ ਨਜ਼ਰ ਆ ਰਹੀ ਹੈ। ਉਸ ਵੱਲੋਂ ਇਹ ਵੀ ਕਿਹਾ ਗਿਆ ਕਿ ਭਾਰਤ ‘ਫ਼ੀਫਾ’ ਵਿਸ਼ਵ ਕੱਪ ਵਿੱਚ ਭਾਗ ਤਾਂ ਨਹੀਂ ਲੈ ਰਿਹਾ ਪਰ ਅਸੀਂ ਆਪਣੇ ਸੰਗੀਤ ਅਤੇ ਨਾਚ ਨਾਲ ਹਾਜ਼ਰੀ ਲੁਆ ਰਹੇ ਹਾਂ।
ਇਸ ਸੰਬੰਧੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਿਹਾ ਹੈ। ਉਸ’ਤੇ ਦੋਸ਼ ਲੱਗ ਰਿਹਾ ਹੈ ਕਿ ਉਸਨੇ ‘ਫ਼ੀਫਾ ਵਿਸ਼ਵ ਕੱਪ ਦੇ ‘ਐਂਥਮ’ ਗ਼ੀਤ ‘ਲਾਈਟ ਦਾ ਸਕਾਈ’ ਅਤੇ ‘ਸਾਕੀ ਸਾਕੀ’ ਗ਼ੀਤਾਂ ’ਤੇ ਪੇਸ਼ਕਾਰੀ ਦਿੱਤੀ ਸੀ। ਇਸੇ ਭਾਰਤੀ ਰਾਸ਼ਟਰੀ ਝੰਡੇ ਨੂੰ ਪੁੱਠੇ ਫ਼ੜ ਕੇ ਤਿਰੰਗੇ ਦੇ ਸਨਮਾਨ ਨੂੰ ਸੱਟ ਮਾਰਣ ਦੇ ਦੋਸ਼ ਲਗਾ ਕੇ ਉਸ ਦੀ ਸੋਸ਼ਲ ਮੀਡੀਆ ’ਤੇ ਟਰੌÇਲੰਗ ਕੀਤੀ ਜਾ ਰਹੀ ਹੈ।
ਕਿਹਾ ਜਾ ਰਿਹਾ ਹੈ ਕਿ ਪੇਸ਼ਕਾਰੀ ਦੇ ਦੌਰਾਨ ਹੀ ਸਟੇਜ ’ਤੇ ਪਿਆ ਤਿਰੰਗਾ ਨੋਰਾ ਫ਼ਤੇਹੀ ਨੇ ਚੁੱਕਿਆ, ਫ਼ਿਰ ਉਸਨੂੰ ਲਹਿਰਾਇਆ ਅਤੇ ਚੱਲ ਰਹੀ ਹਵਾ ਕਾਰਨ ਇਹ ਉਲਟਾ ਹੋ ਗਿਆ ਪਰ ਨੋਰਾ ਫ਼ਤੇਹੀ ਦਾ ਇਸ ਵੱਲ ਧਿਆਨ ਨਹੀਂ ਗਿਆ ਅਤੇ ਉਸਨੇ ਤਿਰੰਗਾ ਉਲਟਾ ਹੀ ਫ਼ੜੀ ਰੱਖ਼ਿਆ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
