ਅੱਜ-ਨਾਮਾ
ਦੀਵਾਲੀ ਆੳਂਦੀ ਨੂੰ ਦਿਵਸ ਆ ਦੋ ਬਾਕੀ,
ਗਿਆ ਹੈ ਪੱਧਰ ਪਰਦੂਸ਼ਣ ਦਾ ਚੜ੍ਹ ਬੇਲੀ।
ਹਾਲਤ ਮਾੜੀ ਪੰਜਾਬ ਵਿੱਚ ਬਹੁਤ ਦਿੱਸਦੀ,
ਵਧ ਰਹੀ ਗਰਮੀ ਤਾਂ ਸੰਘ ਲਏ ਫੜ ਬੇਲੀ।
ਚੁਭ ਰਿਹਾ ਅੱਖ ਨੂੰ ਧੂਆਂ ਪੰਜਾਬ ਦੇ ਵਿੱਚ,
ਏਦੂੰ ਬਹੁਤਾ ਹਰਿਆਣਾ ਗਿਆ ਅੜ ਬੇਲੀ।
ਘਰਾਂ ਤੋਂ ਨਿਕਲਣ ਵੀ ਕਈ ਥਾਂ ਬੜਾ ਔਖਾ,
ਸਾਰਾ ਈ ਰਾਜ ਗਿਆ ਹੈ ਅੰਦਰ ਵੜ ਬੇਲੀ।
ਬਦਨਾਮੀ ਕਰਦੇ ਆ ਬਹੁਤ ਪੰਜਾਬੀਆਂ ਦੀ,
ਹਕੀਕੀ ਤਸਵੀਰ ਤਾਂ ਕਦੇ ਚਿਤਾਰਦੇ ਨਹੀਂ।
ਦੂਸਰੇ ਰਾਜਾਂ ਵਿੱਚ ਕਿੰਨਾ ਕੁਝ ਹੋਈ ਜਾਂਦਾ,
ਆਪਣੀ ਪੀੜ੍ਹੀ ਦੇ ਹੇਠ ਨਜ਼ਰ ਮਾਰਦੇ ਨਹੀਂ।
ਤੀਸ ਮਾਰ ਖਾਂ
29 ਅਕਤੂਬਰ, 2024
ਇਹ ਵੀ ਪੜ੍ਹੋ: ਵਧਿਆ ਮੇਵੇ-ਬਾਦਾਮ ਦਾ ਭਾਅ ਸੁਣਿਆ, ਵਧ ਗਿਆ ਖਾਣ ਦੇ ਤੇਲ ਦਾ ਮੁੱਲ ਭਾਈ
