ਯੈੱਸ ਪੰਜਾਬ
ਚੰਡੀਗੜ, 15 ਸਤੰਬਰ, 2021 –
ਤਖਤ ਸ੍ਰੀ ਕੇਸਗੜ ਸਾਹਿਬ ਪਾਵਨ ਪਵਿੱਤਰ ਧਰਤੀ ਹੈ, ਜਿਥੇ ਸਰਬੰਸਦਾਨੀ ਦਸਮ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਖਾਲਸਾ ਪੰਥ ਸਾਜਿਆ ਪਰ ਅਜਿਹੇ ਮੁਕੱਦਸ ਅਸਥਾਨ ਤੇ ਇੱਕ ਸਾਜਿਸ਼ ਤਹਿਤ ਦੋਸ਼ੀ ਨੇ ਗੁਰੂ ਘਰ ਦੇ ਅੰਦਰ ਦਾਖਲ ਹੋ ਕੇ ਸ਼ਰਮਸਾਰ ਕਾਂਡ ਕਰਨ ਨਾਲ ਸਿੱਖ ਹਿਰਦੇ ਵਲੂੰਦਰੇ ਗਏ ਹਨ।
ਇਹ ਪ੍ਰਗਟਾਵਾ ਅਕਾਲੀ ਦਲ 1920 ਦੇ ਪ੍ਰਧਾਨ ਰਵੀਇੰਦਰ ਸਿੰਘ ਸਾਬਕਾ ਸਪੀਕਰ ਨੇ ਕਰਦਿਆਂ ਬਾਦਲਾਂ ਨੂੰ ਜ਼ੁੰਮੇਵਾਰ ਕਰਾਰ ਦਿਤਾ ,ਜਿੰਨਾ ਸਿੱਖ ਸੰਸਥਾਵਾਂ ਤੇ ਕਬਜਾ ਕਰਨ ਉਪਰੰਤ ਮੈਰਿਟ ਦੀ ਥਾਂ ਸਿਆਸੀ ਅਧਾਰ ਤੇ ਉਚ ਅਹੁਦਿਆਂ ਕੀਤੀਆਂ ।
ਸਾਬਕਾ ਸਪੀਕਰ ਨੇ ਕੇਸਗੜ ਸਾਹਿਬ ਦੇ ਜ਼ੱਥੇਦਾਰ ਰਘਬੀਰ ਸਿੰਘ,ਹੈੱਡ-ਗ੍ਰੰਥੀ ਤੇ ਹੋਰ ਜ਼ੁੰਮੇਵਾਰਾਂ ਨੂੰ ਨੈਤਿਕ ਅਧਾਰ ਤੇ ਅਸਤੀਫੇ ਦੇਣ ਦੀ ਮੰਗ ਕਰਦਿਆਂ ਦਾਅਵਾ ਕੀਤਾ ਕਿ ਬਾਦਲਾਂ ਤੋਂ ਸਿੱਖ ਸੰਸਥਾਂਵਾਂ ਅਜ਼ਾਦ ਕਰਵਾਉਣ ਨਾਲ ਹੀ ਅਜਿਹੇ ਕਾਂਡ ਰੋਕੇ ਜਾ ਸਕਦੇ ਹਨ।ਉਨਾ ਫੜੇ ਗਏ ਦੋਸ਼ੀ ਨੂੰ ਸਖਤ ਸਜਾ ਦਵਾਉਣ ਲਈ ਜ਼ੋਰ ਦਿਤਾ ।
ਉਨਾ ਦੋਸ਼ ਲਾਇਆ ਕਿ ਸਿੱਖ ਵਿਰੋਧੀ ਤਾਕਤਾਂ ਪੰਜਾਬ ਨੂੰ ਮੁੜ ਅਸ਼ਾਂਤ ਕਰਨ ਲਈ ਤੁੱਲੀਆਂ ਹਨ ਤਾਂ ਜੋ ਸਿਆਸੀ ਰੋਟੀਆਂ ਸੇਕੀਆਂ ਜਾ ਸਕਣ।ਉਨਾ ਬਾਦਲਾਂ ਦੇ ਹਵਾਲੇ ਨਾਲ ਕਿਹਾ ਕਿ ਜੇਕਰ ਸੌਦਾ-ਸਾਧ ਨੂੰ ਨੱਥ ਪਾਈ ਹੁੰਦੀ ਤਾਂ ਕਿਸੇ ਵੀ ਦੋਸ਼ੀ ਨੇ ਅਜਿਹੀ ਜ਼ੁਰਅਤ ਕਰਨ ਤੋਂ ਪਹਿਲਾਂ ਸੌ ਵਾਰ ਸੋਚਣਾ ਸੀ।ਉਨਾ ਬਾਦਲਾਂ ਵੱਲੋਂ ਕੱਢ ਜਾ ਰਹੇ ਮਾਰਚ ਨੂੰ ਡਰਾਮਾਂ ਕਰਾਰ ਦਿਤਾ।ਪਹਿਲਾਂ ਉਹ ਸੌਦਾ-ਸਾਧ ਖਿਲਾਫ ਮਾਰਚ ਕੱਢਣ ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ