- Advertisement -
ਅੱਜ-ਨਾਮਾ
ਪਿਆ ਹੈ ਰੱਫੜ ਜੇ ਪਾਕਿ ਵਿੱਚ ਪੈਣ ਦੇਵੋ,
ਸਦਾ ਅਜੀਬ ਰਹੇ ਓਧਰ ਦੇ ਰੰਗ ਮਿੱਤਰ।
ਹੱਥੀਂ ਉਹਦੇ ਆ ਰਾਜ ਦੀ ਵਾਗ ਆਉਂਦੀ,
ਜਿਹੜਾ ਰੱਖੇ ਨਹੀਂ ਰਤਾ ਵੀ ਸੰਗ ਮਿੱਤਰ।
ਚਮਚੀ ਸਿੱਧੀ ਜਰਨੈਲਾਂ ਦੀ ਕਰੇ ਜਿਹੜਾ,
ਖਿਦਮਤ ਕਰਨ ਦੇ ਜਾਣਦਾ ਢੰਗ ਮਿੱਤਰ।
ਜਿੱਦਣ ਕਿਤੇ ਵੀ ਰਹਿ ਗਈ ਕਸਰ ਥੋੜ੍ਹੀ,
ਵੱਜਣਾ ਓਦਣ ਜਰਨੈਲਾਂ ਦਾ ਡੰਗ ਮਿੱਤਰ।
ਤੁਰ ਗਏ ਭੁੱਟੋ, ਨਵਾਜ਼ ਜਿਹੇ ਕਈ ਜਿੱਦਾਂ,
ਓਦਾਂ ਈ ਵਾਰੀ ਇਮਰਾਨ ਦੀ ਆ ਸਕਦੀ।
ਸੱਤਾ ਮਾਣਨ ਨੂੰ ਪਈ ਫਿਰ ਫੌਜ ਕਾਹਲੀ,
ਮੀਟਿੰਗਾਂ ਵਿੱਚ ਨਹੀਂ ਸਮਾਂ ਖੁੰਝਾ ਸਕਦੀ।
-ਤੀਸ ਮਾਰ ਖਾਂ
ਅਕਤੂਬਰ 27, 2020
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
- Advertisement -