- Advertisement -
ਅੱਜ-ਨਾਮਾ
ਤੁਰ ਗਈ ਛੱਡ ਸੰਸਾਰ ਉਹ ਨੇਕ ਬੀਬੀ,
ਕੋਹਾਂ ਲੰਮੀ ਸੀ ਹੇਕ ਉਹ ਲਾਉਣ ਵਾਲੀ।
ਉਹੀਓ ਕਹਿੰਦੀ ਸੀ ਖੜਾ ਈ ਵੀਰ ਰੋਂਦਾ,
ਬਾਬਲ `ਡੀਕਦੀ ਡੋਲੀ ਰੁਕਵਾਉਣ ਵਾਲੀ।
ਸੁਣਦੇ ਵਿਆਹਾਂ ਦੇ ਵਿੱਚ ਸੁਹਾਗ ਜਿਹੜੇ,
ਸੱਭਿਆਚਾਰ ਦੇ ਵਜੋਂ ਚਮਕਾਉਣ ਵਾਲੀ।
ਵੱਜਦੇ ਚਿਮਟੇ, ਅਲਗੋਜ਼ਿਆਂ ਨਾਲ ਬੀਬੀ,
ਜੁਗਨੀ ਅਰਸ਼ਾਂ ਦੇ ਤੀਕ ਪੁਚਾਉਣ ਵਾਲੀ।
ਪਟੋਲੇ ਗੁੱਡੀਆਂ ਸਨ ਬਾਬਲ ਦੇ ਘਰੇ ਛੱਡੇ,
ਚਲੀ ਗਈ ਛੱਡ ਉਹ ਫੇਰ ਪੰਜਾਬ ਅੰਦਰ।
ਪੀੜ੍ਹੀਆਂ ਤੀਕਰ ਪੰਜਾਬੀਆਂ ਭੁੱਲਣਾ ਨਹੀਂ,
ਚੜ੍ਹ ਗਿਆ ਨਾਮ ਹੈ ਓਸ ਕਿਤਾਬ ਅੰਦਰ।
-ਤੀਸ ਮਾਰ ਖਾਂ
ਨਵੰਬਰ 22, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -