- Advertisement -
ਅੱਜ-ਨਾਮਾ
ਠੱਗੀ ਬੀਜਾਂ ਦੀ, ਹੋਇਆ ਹੈ ਕਾਂਡ ਵੱਡਾ,
ਫੜੋ-ਫੜੀ ਦਾ ਚੱਕਰ ਪਿਆ ਚੱਲ ਬੇਲੀ।
ਹੋ ਗਏ ਰੱਦ ਲਾਇਸੈਂਸ ਹਨ ਡੀਲਰਾਂ ਦੇ,
ਲਾਹੁੰਦੇ ਸੀਗੇ ਕਿਰਸਾਨਾਂ ਦੀ ਖੱਲ ਬੇਲੀ।
ਵਧਦੀ ਜਾਂਚ ਜਾਂ ਥੋੜ੍ਹੀ ਇਹ ਤੁਰੂ ਅੱਗੇ,
ਆਉਣੀ ਗੱਲ ਆ ਮਹਿਕਮੇ ਵੱਲ ਬੇਲੀ।
ਮਗਰ ਜਿਨ੍ਹਾਂ ਦੇ ਖੜਾ ਕੋਈ ਬੜਾ ਆਗੂ,
ਬਹਿ ਗਏ ਕੋਠੀ ਦੇ ਬੂਹੇ ਨੇ ਮੱਲ ਬੇਲੀ।
ਮਿੱਟੀ ਪਾਉਣ ਦਾ ਹੀਲਾ ਈ ਕਰਨ ਲੱਗੇ,
ਦੱਬੀ ਮਾਇਆ ਨੂੰ ਹਵਾ ਨੇ ਲਾਉਣ ਲੱਗੇ।
ਜਿੱਥੋਂ ਕਿਤੋਂ ਵੀ ਥੋੜ੍ਹੀ ਜਿਹੀ ਝਾਕ ਲੱਗੇ,
ਵਿਚੋਲੇ ਲੱਭਣ ਤੇ ਨੌਂਗੇ ਨੇ ਪਾਉਣ ਲੱਗੇ।
-ਤੀਸ ਮਾਰ ਖਾਂ
ਜੂਨ 04, 2020
ਯੈੱਸ ਪੰਜਾਬ ਦੀਆਂ ‘ਅਪਡੇਟਸ’ TELEGRAM ਤੇ ਪ੍ਰਾਪਤ ਕਰਨ ਲਈ TELEGRAM ਐਪ ਡਾਊਨਲੋਡ ਕਰਕੇ ਇੱਥੇ ਕਲਿੱਕ ਕਰੋ
- Advertisement -