- Advertisement -
ਅੱਜ-ਨਾਮਾ
ਜਾਨ-ਓ-ਤਨ ਸੀ ਜਿਨ੍ਹਾਂ ਕੁਰਬਾਨ ਕਰਿਆ,
ਨਹੀਂ ਕੋਈ ਰੱਖੀ ਸਨਮਾਨਾਂ ਦੀ ਝਾਕ ਬੇਲੀ।
ਭੁੱਲ ਗਏ ਜੀਵਨ ਦੇ ਸਾਰੇ ਹੀ ਸੁੱਖ ਸੋਹਣੇ,
ਰਟ ਲਿਆ ਇੱਕੋ ਆਜ਼ਾਦੀ ਦਾ ਵਾਕ ਬੇਲੀ।
ਤਖਤੇ ਫਾਂਸੀ ਦੇ ਉੱਤੇ ਸਨ ਝੂਲ ਗਏ ਉਹ,
ਰਹਿ ਗਏ ਰੋਂਦੇ ਸਨ ਟੱਬਰ ਤੇ ਸਾਕ ਬੇਲੀ।
ਆਇਆ ਦਿਨ ਆਜ਼ਾਦੀ ਦਾ, ਚੁੰਮ ਲਈਏ,
ਲੱਭ ਕੇ ਸਿਵਿਆਂ ਤੋਂ ਉਨ੍ਹਾਂ ਦੀ ਖਾਕ ਬੇਲੀ।
ਕਰੀਏ ਯਾਦ ਫਿਰ ਉਨ੍ਹਾਂ ਦੇ ਸੁਫਨਿਆਂ ਨੂੰ,
ਕਰਨਾ ਉਨ੍ਹਾਂ ਕੀ ਸਾਡੇ ਲਈ ਕਿਹਾ ਬੇਲੀ।
ਕਰਿਆ ਕਿੰਨਾ ਸੀ, ਗਏ ਹਾਂ ਖੁੰਝ ਕਿਧਰੋਂ,
ਕਿਹੜਾ ਕਰਨ ਨੂੰ ਬਾਕੀ ਆ ਰਿਹਾ ਬੇਲੀ।
-ਤੀਸ ਮਾਰ ਖਾਂ
ਅਗਸਤ 15, 2022
ਯੈੱਸ ਪੰਜਾਬ ਦੀਆਂ ਪੰਜਾਬੀ ਖ਼ਬਰਾਂ ਲਈ ਇੱਥੇ ਕਲਿੱਕ ਕਰਕੇ ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰੋ
- Advertisement -
