- Advertisement -
ਯੈੱਸ ਪੰਜਾਬ
ਚੰਡੀਗੜ੍ਹ, 22 ਫ਼ਰਵਰੀ, 2020:
ਚੰਡੀਗੜ੍ਹ ਦੇ ਇਕ ਘਰ ਵਿਚ ਚਲਾਏ ਜਾ ਰਹੇ ਕੁੜੀਆਂ ਦੇ ਪੀ.ਜੀ. ਵਿਚ ਸਨਿਚਰਵਾਰ ਅੱਗ ਲੱਗਣ ਕਾਰਨ ਇਕ ਵੱਡਾ ਹਾਦਸਾ ਵਾਪਰ ਗਿਆ। ਇਸ ਹਾਦਸੇ ਵਿਚ ਤਿੰਨ ਕੁੜੀਆਂ ਦੀ ਮੌਤ ਹੋ ਗਈ ਜਦਕਿ ਦੋ ਹੋਰ ਜ਼ਖ਼ਮੀ ਦੱਸੀਆਂ ਜਾ ਰਹੀਆਂ ਹਨ।
ਸ਼ਹਿਰ ਦੇ ਸੈਕਟਰ 32 ਦੇ ਰਿਹਾਇਸ਼ੀ ਇਲਾਕੇ ਵਿਚ ਇਕ ਘਰ ਵਿਚ ਸ਼ਾਰਟ ਸਰਕਟ ਕਾਰਨ ਲੱਗੀ ਅੱਗ ਭਿਆਨਕ ਰੂਪ ਧਾਰ ਗਈ।
ਇੱਥੇ ਆਰਜ਼ੀ ਤੌਰ ’ਤੇ ਬਣਾਏ ਗਏ ਵੱਖਰੇ ਵੱਖਰੇ ਕਮਰਿਆਂ ਵਿਚ ਪਹਿਲੀ ਮੰਜ਼ਿਲ ’ਤੇ ਲਗਪਗ 20 ਕੁੜੀਆਂ ਰਹਿ ਰਹੀਆਂ ਸਨ ਪਰ ਅੱਗ ਲੱਗਣ ਸਮੇਂ ਵਧੇਰੇ ਕੁੜੀਆਂ ਪੀ.ਜੀ. ਵਿਚ ਮੌਜੂਦ ਨਹੀਂ ਸਨ। ਦੋ ਕੁੜੀਆਂ ਨੇ ਇਕ ਬਾਥਰੂਮ ਦੀ ਖ਼ਿੜਕੀ ਵਿਚੋਂ ਬਾਹਰ ਛਾਲ ਮਾਰ ਕੇ ਜਾਨ ਬਚਾਈ।
ਮ੍ਰਿਤਕ ਕੁੜੀਆਂ ਦੀ ਉਮਰ 17 ਤੋਂ22 ਸਾਲ ਦੇ ਵਿਚਕਾਰ ਦੱਸੀ ਜਾ ਰਹੀ ਹੈ।
ਫ਼ਾਇਰ ਬ੍ਰਿਗੇਡ ਨੇ ਮੌਕੇ ’ਤੇ ਪੁੱਜ ਕੇ ਅੱਗ ਨੂੰ ਬੁਝਾਇਆ ਪਰ ਤਦ ਤਕ ਕੁੜੀਆਂ ਝੁਲਸ ਗਈਆਂ ਸਨ ਜਿਨ੍ਹਾਂ ਵਿਚੋਂ ਤਿੰਨ ਦੀ ਮੌਤ ਹੋ ਗਈ।
- Advertisement -
