- Advertisement -
ਅੱਜ-ਨਾਮਾ
ਚੰਗੇ ਲੱਗਣ ਨਹੀਂ ਵਕਤ ਦੇ ਢੰਗ ਬੇਲੀ,
ਖਿੱਚੀ ਜਾਂਦੀ ਆ ਦਿੱਸ ਰਹੀ ਟੰਗ ਬੇਲੀ।
ਦਿੱਲੀ ਬਾਹਰ ਕਿਸਾਨੀ ਦੀ ਗੱਡ ਅਟਕੀ,
ਅੱਗੇ ਜਾਵਣ ਦਾ ਦਿੱਸੇ ਨਹੀਂ ਰੰਗ ਬੇਲੀ।
ਖੱਬੇ-ਸੱਜੇ ਚੁਆਤੀ ਕਈ ਲਾਉਣ ਵਾਲੇ,
ਹਟਦੇ ਕਰਨ ਤੋਂ ਕਦੇ ਨਹੀਂ ਤੰਗ ਬੇਲੀ।
ਫਿਰਕੂ ਨਾਗਾਂ ਫੈਲਾਏ ਜਿਹੇ ਫੰਨ ਲੱਗਦੇ,
ਮਿਲਿਆ ਮੌਕਾ ਤੇ ਮਾਰਨਗੇ ਡੰਗ ਬੇਲੀ।
ਸਮਝੋ ਕਦੀ ਉਹ ਧਿਰ ਕਮਜ਼ੋਰ ਨਾ ਜੀ,
ਜਿਸ ਦੀ ਨੀਂਦ ਹੈ ਪਈ ਉਡਾਈ ਬੇਲੀ।
ਛੇਤੀ ਚਾਹਵੇ ਉਹ ਖਹਿੜਾ ਛੁਡਾਵਣੇ ਨੂੰ,
ਮੂਹਰੇ ਚੋਣ ਵੀ ਆਈ ਕਿ ਆਈ ਬੇਲੀ।
-ਤੀਸ ਮਾਰ ਖਾਂ
ਅਕਤੂਬਰ 18, 2021
- Advertisement -