- Advertisement -
ਅੱਜ-ਨਾਮਾ
ਘੱਲਿਆ ਕੇਂਦਰ ਸਰਕਾਰ ਨੇ ਜਦੋਂ ਸੱਦਾ,
ਕੀਤੀ ਉਹਦੇ ਲਈ ਗਈ ਵਿਚਾਰ ਬੇਲੀ।
ਲੀਡਰ ਪਹੁੰਚੇ ਕਿਰਸਾਨਾਂ ਦੇ ਜਦੋਂ ਦਿੱਲੀ,
ਲਾ ਗਈ ਠਿੱਬੀ ਸੀ ਫੇਰ ਸਰਕਾਰ ਬੇਲੀ।
ਮੰਤਰੀ ਆਪ ਨਾ ਬੈਠਕ ਦੇ ਵਿੱਚ ਪਹੁੰਚੇ,
ਬਿਠਾਈ ਅਫਸਰਾਂ ਦੀ ਲੰਮੀ ਡਾਰ ਬੇਲੀ।
ਨੁਕਤੇ ਨੋਟ ਹੀ ਜਿਹੜੇ ਸਨ ਕਰਨ ਜੋਗੇ,
ਫੈਸਲੇ ਕਰਨ ਦਾ ਨਹੀਂ ਅਧਿਕਾਰ ਬੇਲੀ।
ਚੰਗੀ ਕੀਤੀ ਨਹੀਂ ਕੇਂਦਰ ਦੇ ਹਾਕਮਾਂ ਨੇ,
ਕਿਸਾਨੀ ਵਰਗ ਨੂੰ ਮਾਰੀ ਹੈ ਮਾਰ ਬੇਲੀ।
ਵਧੇ ਰੱਫੜ ਤੋਂ ਪੈ ਗਈ ਜੇ ਬਾਤ ਕਰਨੀ,
ਉਸ ਦਿਨ ਕਰੂਗਾ ਕੌਣ ਇਤਬਾਰ ਬੇਲੀ।
-ਤੀਸ ਮਾਰ ਖਾਂ
ਅਕਤੂਬਰ 15, 2020
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
- Advertisement -
