- Advertisement -
ਅੱਜ-ਨਾਮਾ
ਘਪਲੇ ਨਿਕਲਦੇ ਆਉਣ ਪੰਜਾਬ ਦੇ ਵਿੱਚ,
ਜਾ ਰਹੀ ਵਿਹਲੀ ਦਿਹਾੜੀ ਨਾ ਇੱਕ ਬੇਲੀ।
ਕਰ ਗਿਆ ਕਿਧਰੇ ਗੋਦਾਮ ਹੈ ਕੋਈ ਖਾਲੀ,
ਮਾਰ ਗਿਆ ਕੋਈ ਜ਼ਮੀਨਾਂ ਨੂੰ ਕਿੱਕ ਬੇਲੀ।
ਵਿੰਹਦੇ ਲੋਕ ਰਹਿੰਦੇ, ਫਿਰ ਵੀ ਬੋਲਦੇ ਨਾ,
ਨਹੀਂ ਕੋਈ ਖੰਘਦਾ, ਵੱਜੇ ਨਾ ਛਿੱਕ ਬੇਲੀ।
ਕਹਿੰਦੇ ਦੁਸ਼ਮਣੀ ਐਵੇਂ ਦੀ ਪਾਵਣੀ ਕਿਉਂ,
ਵਿਰਲਾ ਡਾਹੁੰਦਾ ਈ ਕੋਈ ਹੀ ਹਿੱਕ ਬੇਲੀ।
ਉਲਟਾ ਕਿਸੇ ਥਾਂ ਚੋਰ ਕੋਈ ਆਉਣ ਕਾਬੂ,
ਤੁਰ ਪਏ ਉਨ੍ਹਾਂ ਦੇ ਮਗਰ ਪੰਚਾਇਤ ਬੇਲੀ।
ਕਹਿੰਦੇ ਸੱਜਣ ਹੀ ਬਹੁਤ ਸਤਿਕਾਰ ਵਾਲਾ,
ਅਸੀਂ ਤਾਂ ਸੁਣੀ ਨਾ ਕਦੇ ਸ਼ਿਕਾਇਤ ਬੇਲੀ।
-ਤੀਸ ਮਾਰ ਖਾਂ
ਜੂਨ 24, 2022
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -