- Advertisement -
ਅੱਜ-ਨਾਮਾ
ਗੋਲਕ ਗੁਰੂ ਕੀ ਚਰਚਿਆਂ ਵਿੱਚ ਰਹਿੰਦੀ,
ਜਿਸ ਦਾ ਦਾਅ ਲੱਗੇ, ਘਪਲਾ ਕਰੀ ਜਾਂਦੈ।
ਘਾਟਾ ਧਰਮ ਅਸਥਾਨ ਨੂੰ ਪਿਆ ਕਹਿ ਕੇ,
ਖਾਤਾ ਆਪਣਾ ਮਾਇਆ ਨਾਲ ਭਰੀ ਜਾਂਦੈ।
ਕਿੱਦਾਂ ਕਿਸੇ ਦਾ ਕੋਈ ਵਿਸ਼ਵਾਸ ਕਰ ਲੈ,
ਜਿਹੜਾ ਆ ਗਿਆ, ਮਾਲ ਜੇ ਚਰੀ ਜਾਂਦੈ।
ਸਿਦਕ ਸੰਗਤ ਦਾ ਅਜੇ ਵੀ ਬਹੁਤ ਵੱਡਾ,
ਅੱਖਾਂ ਬੰਦ ਕਰ ਕੇ ਸਭ ਕੁਝ ਜਰੀ ਜਾਂਦੈ।
ਕੁਝ-ਕੁਝ ਏਡੇ ਆ ਵੱਡੇ ਬੇਸ਼ਰਮ ਆਗੂ,
ਲਾਹੀ ਸ਼ਰਮ ਦੀ ਮੂਲੋਂ ਹੀ ਲੋਈ ਲੱਗਦੀ।
ਲੋਕ-ਲਾਜ ਦੀ ਝਿਜਕ ਨਾ ਵਾਹਿਗੁਰੂ ਦੀ,
ਅਸਲੋਂ ਹੱਦ ਬੇਸ਼ਰਮੀ ਦੀ ਹੋਈ ਲੱਗਦੀ।
-ਤੀਸ ਮਾਰ ਖਾਂ
ਜਨਵਰੀ 24, 2021
- Advertisement -