ਯੈੱਸ ਪੰਜਾਬ
ਅੰਮ੍ਰਿਤਸਰ, 22 ਅਕਤੂਬਰ, 2020 –
ਪੰਜਾਬ ਸਰਕਾਰ ਵੱਲੋ ਤਰਨਤਾਰਨ ਵਿੱਚ ਸਥਾਪਤ ਕੀਤੀ ਗਈ ਸ੍ਰੀ ਗੁਰੂ ਤੇਗ ਬਹਾਦਰ ਸਟੇਟ ਯੂਨੀਵਰਸਿਟੀ ਆਫ ਲਾਅ ਦਾ ਐਡੀਸ਼ਨਲ ਚਾਰਜ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਉਪ-ਕੁਲਪਤੀ ਪ੍ਰੋਫ਼ੈਸਰ ਡਾ. ਜਸਪਾਲ ਸਿੰਘ ਸੰਧੂ ਨੂੰ ਦੇ ਦਿੱਤਾ ਗਿਆ ਹੈ ਜਦੋ ਕਿ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਹੀ ਰਜਿਸਟਰਾਰ ਡਾ. ਕੇ ਐਸ ਕਾਹਲੋ ਨੂੰ ਬਤੋਰ ਐਡਿਸ਼ਨਲ ਚਾਰਜ ਰਜਿਸਟਰਾਰ ਨਿਯੁਕਤ ਕੀਤਾ ਗਿਆ ਹੈ । ਉਨ੍ਹਾˆ ਦੀ ਇਸ ਨਿਯੁਕਤੀ ਤੇ ਯੂਨੀਵਰਸਿਟੀ ਦੇ ਗਲਿਆਰੇ ਵਿੱਚ ਖੁਸ਼ੀ ਦਾ ਮਾਹੌਲ ਹੈ ।
ਪੰਜਾਬ ਸਰਕਾਰ ਦੇ 2020 ਦੇ ਐਕਟ ਨੰਬਰ 12 ਦੇ ਤਹਿਤ ਤਰਨਤਾਰਨ ਜ਼ਿਲ੍ਹੇ ਵਿੱਚ ਸਥਾਪਤ ਇਹ ਸਟੇਟ ਲਾਅ ਯੂਨੀਵਰਸਿਟੀ ਕਾਨੂੰਨ ਅਤੇ ਨਿਆ ਪ੍ਰਣਾਲੀ ਵਿੱਚ ਵਿਸ਼ੇਸ਼ ਕੋਰਸ ਚਲਾਏਗੀ। ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਕਾਸਟੀਚਿਉਟ ਕਾਲਜ ਵਿਚ ਆਰਜੀ ਕੈਪਸ ਵਿੱਚ ਫਿਲਹਾਲ ਐਲ.ਐਲ.ਬੀ. ਪ੍ਰੋਗਰਾਮ ਆਰੰਭ ਕੀਤਾ ਜਾਵੇਗਾ । ਜਦੋ ਕਿ ਇਸ ਉਪਰੰਤ ਤਰਨਤਾਰਨ ਜ਼ਿਲ੍ਹੇ ਵਿਚ ਤਕਰੀਬਨ 40 ਏਕੜ ਦੇ ਰਕਬੇ ਵਿਚ ਇਕ ਸੁਤੰਤਰ ਕੈˆਪਸ ਸਥਾਪਤ ਕੀਤਾ ਜਾਵੇਗਾ।
ਲਾਅ ਯੂਨੀਵਰਸਿਟੀ ਦੇ ਨਵਨਿਯੁਕਤ ਉਪਕੁਲਪਤੀ ਪ੍ਰੋ: ਡਾ: ਜਸਪਾਲ ਸਿੰਘ ਸੰਧੂ, ਉਪ ਕੁਲਪਤੀ, ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ, ਅੰਮ੍ਰਿਤਸਰ ਜਿੰਨ੍ਹਾ ਨੂੰ ਲਾਅ ਯੂਨੀਵਰਸਿਟੀ ਦਾ ਵਾਧੂ ਚਾਰਜ ਦਿੱਤਾ ਗਿਆ ਹੈ ਵੱਲੋ ਯੂਜੀਸੀ ਐਕਟ ਦੀ ਧਾਰਾ 2 – ਐਫ ਦੇ ਅਧੀਨ ਮਨਜ਼ੂਰੀ ਲਈ ਯੂਨੀਵਰਸਿਟੀ ਗ੍ਰਾਟਸ ਕਮਿਸ਼ਨ ਨੂੰ ਲਿਖਿਆ ਜਾ ਚੁਕਾ ਹੈ । ਇਸ ਦੇ ਨਾਲ ਹੀ ਉਨ੍ਹਾ ਨੇ ਬਾਰ ਕੌਸਲ ਆਫ਼ ਇੰਡੀਆ ਦੇ ਸੈਕਟਰੀ ਨੂੰ ਵੀ ਮੌਜੂਦਾ ਵਿਦਿਅਕ ਵਰ੍ਹੇ ਲਈ ਐਲ ਐਲ ਬੀ ਕੋਰਸ ਸ਼ੁਰੂ ਕਰਨ ਦੀ ਸਹਿਮਤੀ ਲਈ ਪੱਤਰ ਲਿਖ ਦਿੱਤਾ ਹੈ ।
ਲਾਅ ਯੂਨੀਵਰਸਿਟੀ ਦੇ ਨਵਨਿਯੁਕਤ ਰਜਿਸਟਰਾਰ ਡਾ. ਕੇ ਐਸ ਕਾਹਲੋ ਨੇ ਕਿਹਾ ਹੈ ਕਿ ਲਾਅ ਯੂਨੀਵਰਸਿਟੀ ਵਿੱਚ ਜਲਦੀ ਹੀ ਐਲ ਐਲ ਬੀ ਦੇ ਕੋਰਸ ਚਲਾਉਣ ਲਈ ਠੇਕੇ ਦੇ ਅਧਾਰ ‘ਤੇ ਅਧਿਆਪਕਾ ਦੀ ਨਿਯੁਕਤੀ ਕੀਤੀ ਜਾਵੇਗੀ ਅਤੇ ਬਾਅਦ ਵਿਚ ਰੈਗੁਲਰ ਅਧਿਆਪਕ ਭਰਤੀ ਕੀਤੇ ਜਾਣਗੇ ।
Click here to Like us on Facebook
